أكاديمية ايجيبت رايت الأدبية

أزيكوا...؟ وحشتونى بجد كلكوا وبعتذر على غيابى الطويل جدا بسبب مزيج من مشاغل العمل مع الدراسة كمان وعشان كده بعيد...بس الأكاديمية بجد وحشانى هى وكل أعضائها..وصعب عليا طبعا فراق القراءة والكتابة فيها...بس إن شاء الله قريب هيتغير النظام شوية وهأبقى متفرغ أكتر للرجوع عشان أقرا اللى فاتنى...

نيجى للدعوة العامة وده الأهم...هى دعوة حبيت أعلنها لكل أعضاء الأكاديمية لحبى لهم..ولكل مصر عموما..للمشاركة فى يوم اليتيم أول جمعة من ابريل أى 3 ابريل .. المصادفة أن هذا اليوم يأتى بعد يوم عيد الأم الذى يحظى دائما بحفاوة بالغة واهتمام من الجميع..وأنا مع سعادتى البالغة بهذا الإهتمام إلا أنى أتمنى أن نقابل يوم اليتيم بمثل هذا الإهتمام وأكثر..وأعتقد أن كلاهما متعلق بالأخر بشكل ما, ففى يوم الأم يقدر الأبناء أمهاتهم رغم أن أيام العام كلها لاتكفى لهذا التقدير والشكر, لكنه فى كل الأحوال تكريم جميل لدور الأم فى المجتمع, ولكن, ماذا عن من فقد أمه...؟ وماذا عن من ليس له عائلة من الأساس...؟ بالتأكيد هذا يحتاج إلى الكثير والكثير من وقتنا..والكثير من الأيام...

حتى لا تكون الدعوة مجرد كلمات نظرية.. أحب أن أجيب على السؤال التلقائى..كيف نشارك فى يوم اليتيم عمليا...؟

والإجابة البسيطة هى: ارفع سماعة الهاتف واتصل بإستعلامات أو دليل التليفون وأسأله عن رقم أقرب دار أيتام بجوارك..و بعدها يمكنك الإتصال بهم ومعرفة عنوان المكان وهل المشاركة بالزيارة يوم الجمعة 3 ابريل متاحة أم لا ( وهى فى العادة متاحة دائما فى أى دار أيتام.. و الأدعى بالطبع فى يوم اليتيم ) بعد معرفة العنوان..يمكنك الأن اختيار بعض من أصدقائك..والذهاب إلى أقرب دار أيتام إليكم..بالطبع يجب عليك انتقاء هؤلاء الأصدقاء جيدا....فهناك أصدقاء أو صديقات, سيحبطونك ( بكل حب ) وسيحاولون إقناعك ( بكل حماس ) أن هذا مضيعة للوقت و ( ومالوش لازمة ) والأفضل الذهاب إلى أحد الكافيهات أو المولات للفرجة على البتارين.. أو التنزه قليلا بعيدا عن ( لعب العيال ) ...!

فى الواقع..تكفى تلك الفرحة التى ستراها فى عيون هؤلاء الأطفال لمجرد أنك معهم..لمجرد أنك جئت لهم..تبتسم ويبتسمون..وهذه التجربة الإنسانية الرائعة تحتاج لأكثر من يوم واحد..وهو ما يجب أن يحدث...وسيحدث عندما يتعلق قلبك بهؤلاء الأطفال..وبالإبتسامة البريئة فى عيونهم...

بالطبع لا داعى لتحميل النفس أكثر من طاقتها بالتفكير فى تبرع مادى أو شئ من هذا القبيل..لكن إذا تطلب الأمر يمكن لك الإشتراك مع أصدقائك فى التبرع بمبلغ بسيط..أو حتى شراء علبة من الشيكولاتة أو الحلوى فى طريقك إلى دار الأيتام..مع أنه كما قلت..الإبتسامة فقط تساوى الكثير...

كما قلت الدعوة عامة..أو بتعبير أدق..الفرصة عامة...

إزيك ياوليد ؟ كان الله في عونك واضح إنك مشغول جدا ! و كلنا مفتقدين وجودك المؤثر جدا ... و إن شاء الله ترجع لأسرتك هنا معانا أول متلاقي فرصة

دعوتك دي نبيلة جدا ... جزاك الله كل خير .... تذكرة طيبة جدا

و أعتقد أن الزيارة لدور الأيتام بتحيي القلوب و تذّكّر الناس بنعمة هم مش حاسسين يها

و زي ما قلت .. كفاية ابتسامة اليتيم أو الأيتام اللي تنور حياتنا و قلوبنا


بشكرك فعلا للنبيه و التذكير بالفرصة دي ... و يارب مش بس اليوم ده ...لأ كمان أيام كتير نفتكر اللي بيحتاجونا بأي شكل

حمد الله على السلامة ياوليد حقيقى الأكاديمية منورة ..أشتقنا كتير لمواضيعك الجميلة وافكارك الأجمل...والنهاردة رجعت بدعوة رائعة ونبيلة جدا ...بجد اتمنى ان يتاح لى الفرصة ان أزور دور الأيتام دائما لان واللهى انا دايما بفكر فى هؤلاء الأطفال فى كل المناسبات وأتمنى ان أبذل معهم كل مجهودى ..فكنت دائما احلم لو انضم للعمل التطوعى فى اى دار من دور الأيتام ..ولكن لم تتاح لى الفرصة..
فهؤلاء الأطفال يحتاجون لأى لمسه حنان تجدد لهم املهم فى الحياة ..ولكن مثلما ذكرت غادة وأكد محمد بالموقف الموثر الذى ذكره
ان من الوجب ان لا نكون مع هؤلاء الأطفال يوما واحد فى السنة ولكن نزورهم كلما أتاحت لنا الفرصة لنشعرهم بان يوجد من يهتم بهم ويسأل عليهم فى كل الأوقات ليس فقط فى الأعياد والمناسبات ..
فابتسامة طفل يتيم حُرم من أجمل معانى الحياة بفقدانه لعائلتة ..هو اكثر شىء يسعد الله ورسولة ...أتمنى لو جميعا ندخل الفرحة على هؤلاء الأطفال فى كل أيامهم ..
بارك لك الله ياوليد فيك بدعوتنا لهذا العمل الرائع وسيجعل الله لك اجرا كبيرا فى كل من يلبى دعوتك النبيلة ...
بشكرك جدا ياوليد على دعوتك الرقيقة ..وعودا احمد وان شاء الله ترجع بسرعة تملئ الأكاديمية بمواضيعك وتعليقاتك الجميلة لان كل الأعمال الا أتكتبت فى غيابك نقصه رودك المميزة ..مع خالص تحياتى وتمنياتى لك بكل توفيق

ghadat2009 كتب:إزيك ياوليد ؟ كان الله في عونك واضح إنك مشغول جدا ! و كلنا مفتقدين وجودك المؤثر جدا ... و ان شاء الله ترجع لأسرتك هنا معانا أول متلاقي فرصة

دعوتك دي نبيلة جدا ... جزاك الله كل خير .... تذكرة طيبة جدا

و أعتقد أن الزيارة لدور الأيتام بتحيي القلوب و تذّكّر الناس بنعمة هم مش حاسسين بيها

و زي ما قلت .. كفاية ابتسامة اليتيم أو الأيتام اللي تنور حياتنا و قلوبنا


بشكرك فعلا للنبيه و التذكير بالفرصة دي ... و يارب مش بس اليوم ده ...لأ كمان أيام كتير نفتكر اللي بيحتاجونا بأي شكل

الله يسلمك ياغادة وفعلا كنت مشغول طول الفترة اللى فاتت فى الشغل بس حاليا خلصت..وأكيد أنا مفتقد الأكاديمية أكتر..وبحاول أهو أدور على الكنوز اللى فاتتنى أثناء غيابى...
بأشكرك جدا ياغادة على الإضافة لأهمية زيارة الأيتام...وإحنا فعلا فيه أوقات وأيام كتير ناس بيحتاجوا حد جمبهم...وبننساهم..وعشان كده خلينا كلنا نفتكر.. ونفكر غيرنا دايما...

شكرا ليك يا وليد
ع الدعوه للخير والحسنات وربنا يجعلك سباق للخير
ان شاء الله انا عن نفسي اتفقت مع ناس اصحابي يوم الاحد بعد بكره عشان نروح دار ايتام ونعملهم حفله ومسابقات وهدايا والعاب وكمان حاجات للدار اللي مسعداهم
ولمينا تبرعات والحمد لله
وانا مبسوط اوي بعمل الخير
اذا في حد من الزقازيق او قريب من الشرقيه وحب يجي فهي اسمها دار رعايه البنين جنب مستشفى الرمد يسار الكوبري
وبس

ابن مصر كتب:اولا حمدلةعلى سلامتك يا وليد و اللهى و حشتنا وو حشتنا مواضيعك الجميلة و كان الله فى عونك و ربنا يقويك و يقوينا جميعا على المذاكرة و رخامة بعض الدكترة
و عودا احمد و يارب تكون فى اتم الصحة و العافية

و راجع بموضوع جميل جدا و هام جدا الا وهو يوم اليتيم انا بصراحة اؤيدك فى كل ما تقوله بس انا عن نفسى حصل معايا موقف بجد عايز منا وقفة وهو انى كنت فى احدى دار الايتام و كنا تبع جمعية خيرية و كنت انا عضو فى هذه الجمعية ففوجئت بكلمة من احد الاطفال وهى ..(انتو اشمعنى بتيجو انهردة بس و بعد كده مش بتيجو يا ريت ما تجوش احسن )
فانا بصراحة استغربت من كلامه فقلتله ليه يا مصطفى .. ده كان اسم الطفل فقال انتو لما بتيجو يوم فبنتعلق بيكوا و لما بتمشوا بنحس اننا فعلا ايتام و بالزات ان الى بيجى مرة مش بيجى تانى

و ده عايز منا وقفة ليه ما نخصصش يوم فى الاسبوع على الاقل للطفل ليه يبقى يوم واحد بس فى السنة كلها اعتقد ان الاطفال محتاجة اكتر من يوم تيجى تعطف عليهم و تمشى
عايزين نخصص يوم فى الاسبوع لزيارة ملجا و ياريت الى يزور ملجا يسبت على هذا الملجا لان غلط انك تزور اكثر من ملجا لان زى ما قلت ان الطفل بيرتبط بيك عاطفيا و نفسيا
و فى النهاية اشكرك يا وليد على موضوعك الجميل جدا و ارجو من الاعضاء العمل به

الله يسلمك يامحمد...وأنتو واحشنى أكتر أكيد...وفعلا ربنا يقوينا كلنا على المذاكرة وبالذات زى ما قولت..رخامة بعض الدكاترة اللى بقت فوق الوصف..واللى خنقانى الأيام دى مع مستوى البعض منهم.. الفكرى والأخلاقى المنعدم تقريبا...عموما يلا ربنا يعدى الأيام دى على خير..
بأشكرك جدا يامحمد على إفادتك بتجربتك والموقف الصادق والمؤثر... وفعلا ده هو اللى حبيت أوصله لما قولت إننا لازم يبقى فيه زيارات دايمة ليهم..وده اللى هيحصل لما نشوف الإبتسامة على وجوه... أغلى حاجة بالنسبالها الإبتسامة...
وأنا كمان بأتمنى إن جميع الأعضاء يبقى ليهم دور مع الأيتام فى يوم اليتيم وفى كل الأيام إن شاء الله

تنهيدة كتب:حمد الله على السلامة ياوليد حقيقى الأكاديمية منورة ..أشتقنا كتير لمواضيعك الجميلة وافكارك الأجمل...والنهاردة رجعت بدعوة رائعة ونبيلة جدا ...بجد اتمنى ان يتاح لى الفرصة ان أزور دور الأيتام دائما لان واللهى انا دايما بفكر فى هؤلاء الأطفال فى كل المناسبات وأتمنى ان أبذل معهم كل مجهودى ..فكنت دائما احلم لو انضم للعمل التطوعى فى اى دار من دور الأيتام ..ولكن لم تتاح لى الفرصة..
فهؤلاء الأطفال يحتاجون لأى لمسه حنان تجدد لهم املهم فى الحياة ..ولكن مثلما ذكرت غادة وأكد محمد بالموقف الموثر الذى ذكره
ان من الوجب ان لا نكون مع هؤلاء الأطفال يوما واحد فى السنة ولكن نزورهم كلما أتاحت لنا الفرصة لنشعرهم بان يوجد من يهتم بهم ويسأل عليهم فى كل الأوقات ليس فقط فى الأعياد والمناسبات ..
فابتسامة طفل يتيم حُرم من أجمل معانى الحياة بفقدانه لعائلتة ..هو اكثر شىء يسعد الله ورسولة ...أتمنى لو جميعا ندخل الفرحة على هؤلاء الأطفال فى كل أيامهم ..
بارك لك الله ياوليد فيك بدعوتنا لهذا العمل الرائع وسيجعل الله لك اجرا كبيرا فى كل من يلبى دعوتك النبيلة ...
بشكرك جدا ياوليد على دعوتك الرقيقة ..وعودا احمد وان شاء الله ترجع بسرعة تملئ الأكاديمية بمواضيعك وتعليقاتك الجميلة لان كل الأعمال الا أتكتبت فى غيابك نقصه رودك المميزة ..مع خالص تحياتى وتمنياتى لك بكل توفيق

الله يسلمك ياتنهيدة..والأكاديمية دايما منورة بيكى و بكل أعضائها المميزين
أنا عارف طبعا مقدار حبك للأطفال..وعشان كده من الطبيعى كمان حبك الجميل للأيتام..وبتمنى فعلا إن شاء الله إنك تبقى متواجدة مع الأيتام وتقدرى ترسمى الإبتسامة على وجوههم ويبقى ليكى دور فى سعادتهم اليوم ده وأيام تانية كتير..
فعلا كما ذكرتى فى الجانب الدينى..فالرسول- صلى الله عليه وسلم - يقول فى الحديث المعروف: (( أنا وكافل اليتيم فى الجنة كهاتين )) وأشار بأصبعيه.. السبابة والوسطى.
وجميع الأديان السماوية فيها ما يحث على الإهتمام باليتيم والترفق به.
على فكرة أنا كمان كنت بأتمنى لو كنتى فعلا تقدرى تحققى الحلم ده بالعمل التطوعى فى دار للأيتام..بس كفاية النية الجميلة دى... وأنا كمان بتمنالك التوفيق دايما ياتنهيدة

mona كتب:حمد الله على السلامة يا وليد...عودة حميدة وجميلة بفكرة ربنا يكرمك عليها بجد....ويارب يكون اللى بيفكروا فيها كتيييييييييير جوه الاكاديمية وبراها....امين...

الله يسلمك يامنى..وربنا يكرمك كمان على ردك..وياريت فعلا يكون اللى بيفكروا فى الفكرة دى كتير و مش بس فى يوم اليتيم لكن دايما كلما أمكن..وإستثمار وقتنا دائما فى الخير و فى رسالة نبيلة زى ده.يارب إن شاء الله..أمين