الزمن

[لارا]

بما انى اعتزلت انى اكتب خواطر.لالا خواطر ايه اقصد يعنى التخاريف بتاعتى. فقولت ادورفى دفاترى القد يمه. فطلعت بالقنبله المهوله دى.كنت كاتباها من زمان وانا عندى حوالى 16 سنه. ياريت تقروها بس مش تتصدموا يعنى ن جمالها.اكيد طبعا فهمتوا الى اقصده من كلامى .
واليكم القنبله
الزمن
الكل قال عليك غدار وقاسى
بتسرق سعاتدنا وفرحتنا
وتسبنى نعانى ونقاسى
ارجوك يازمن سيبلى سعادتى
ومتسرقهاش وتسبنى اعانى وقاسى
واوعدك ان معدش حد يقول عليك غدار وقاسى
ارجوك يازمن سيبلى سعادتى ومتسرقهاش.
ولله كنت بفكر احطها فى شويه ضحك بس قولت يعنى احطها هنا يمكن تفرح

[Ghadat2009]

ليه كل اللي بيضحكوا دول ؟
الخاطرة جميلة و بريئة و مناسبة للمرحلة السنية اللي ذكرتيها ... طبعا انتي دلوقتي بتضحكي عليها بس ساعتها أكيد كنتِ حاسّاها !
و ليه تعتزلي الخواطر ؟ اكتبي انتي بس و احنا نشجع لو كان حلو ....

[الأمير الحائر]

والله أول مرة أضحك من مدة يالارا...ضحكنى جدا تعليقك فى البداية والنهاية...يعنى على كده أنتى كاتبة من وأنتى عندك 16..بس أنا عايز أفهم حاجة واحدة...يعنى ايه يمكن تفرح؟

[لارا]

شكرا ياغاده على كلامك الى يرفع الروح المعنويه ده.بالنسبه لاعتزالى انى اكتب خواطر فده لانى محبطه جدا بقالى كتييييييييييييييييييييييييييييييييييييييييييييييييير مش كتبت حاجه.
انا عارفه انى مش يعنى موهوبه اوى وبكتب خواطر كويسه بس كنت بحس بسعاده لما بكتب الى بكتبه ده .

[لارا]

هقولك ياوليد بس يبقى سر ما بينا ماشى.اصلى قولت احطها فى شويه ضحك بس حصل حاجه غريبه وانا بحطها فى شويه ضحك صعبت عليا قولت ليه اعملها المعامله السيئه دى فقررت انى احساسها حتى ولو مجامله انها تنفع خاطره فبكده اكيد هتفرح

[تنهيدة]

ايه رايك يالار أنها عجبتنى لان أى شىء بيطلع من القلب بيدخل للقلب ..واجمل مرحلة ممكن الأنسان يستمتع بالكتابة فيها هى مرحلة الثانوى وطبعا أنا رافضة خالص يالار أنك تتعتزلى عن كتابه الخواطر لانى بجد كنت بحبة جدا ومستنية خاطرة جديدة بأحساس لار الجميل ...

[لارا]

ايه رايك يالار أنها عجبتنى لان أى شىء بيطلع من القلب بيدخل للقلب ..واجمل مرحلة ممكن الأنسان يستمتع بالكتابة فيها هى مرحلة الثانوى وطبعا أنا رافضة خالص يالار أنك تتعتزلى عن كتابه الخواطر لانى بجد كنت بحبة جدا ومستنية خاطرة جديدة بأحساس لار الجميل ...

شكرا اوى يا تنهيده انا فعلا مبسوطه اوى بتعليقك الرقيق مثلك

[hala]

ارجوك يازمن سيبلى سعادتى ومتسرقهاش.
جمييييييييلة جدا يا لارا ..... وفيها حكمة الناس الكبار .... صدقينى لولا انك قلتى انك كان عمرك ساعتها 16سنة كان مش ممكن اصدق ابدا .
ثم ان فيها اجزاء موزونة وعاملة موسيقى جميلة ( ليه مش بتكتبى شعر التفعيلة ؟)
على فكرة ... جميل جدا تعبيرك ( ارجوك يا زمن سيبلى سعادتى و ما تسرقهاش )
وايه حكاية الاعتزال دى ؟ ..... هو انا كل ما اغيب لى يومين ارجع الاقى مفاجاة!!

[الامير الصغير]

خاطره جميله جداً يا لارا ويارب نشوف لك مواضيع كثيره ويارب الزمن ميسرقش عمرنا ابدا ولا يقسى علينا وشكراً سلام