صفحة 1 من 2
ما هو ردك على الخيانة
مرسل: 07 فبراير 2009, 4:42 pm
بواسطة ابن مصر
انا بصراحة عايز اناقش موضوع و عايز اعرف رايكو فيه
لو فى انسان حبيته حب العمرو فجاة و لقيته خانك خيانة لاتغتفر ايه هيبقا رد فعلك
1- الانتقام
2- هتسامح
3- هتبعد و خلاص و هتحاول تنسى
ارجو من كل الاعضاء الرد ..بجد انا مهتم جدا بالموضوع لانه يهمنى 
Re: ما هو ردك على الخيانة
مرسل: 07 فبراير 2009, 5:00 pm
بواسطة لارا
طبعا مش هسامح . ومش يستاهل انى انتقم منه. هبعد عنه واكيد هحاول انساه.وتوبيك حلو
Re: ما هو ردك على الخيانة
مرسل: 08 فبراير 2009, 4:35 pm
بواسطة Ghadat2009
ابن مصر كتب:انا بصراحة عايز اناقش موضوع و عايز اعرف رايكو فيه
لو فى انسان حبيته حب العمرو فجاة و لقيته خانك خيانة لاتغتفر ايه هيبقا رد فعلك
1- الانتقام
2- هتسامح
3- هتبعد و خلاص و هتحاول تنسى
ارجو من كل الاعضاء الرد ..بجد انا مهتم جدا بالموضوع لانه يهمنى
الخيانة بأنواعها ( لبلد لقلب لصداقة لحبيب ....) من أبشع الأمور بس لازم الواحد يتأكد الأول مش يبقى مجرد كلام من ناس او احساس!
بعدين لازم -في رأيي- يواجه الخائن ... يسمعه .. ساعتها يقدر يعرف بجد هيتصرف ازاي ؟
موضوع الانتقام ده مرفوض تماما لأنه بيزيد الألم و يلوث النفس و يتعب الضمير !
التسامح ... لو كنا مكبرين الموضوع او كان فيه تفسير مقنع للموضوع ... لكن لو عن سبق اصرار يعني .. يبقى ما يستاهلش نحبه و لا نفكر فيه و لا حتى نزعل عليه .. نسيته لأنه مش نصيبنا ... ونخاول ننسى أذاه ..
Re: ما هو ردك على الخيانة
مرسل: 08 فبراير 2009, 8:26 pm
بواسطة الأمير الحائر
حلو الموضوع ده جدا يامحمد...
هو أنا اختيارى إنى هأنتقم من الخاين ده فى لحظتها..بإبتسامة!
بالسعادة الكبيرة اللى هأظهرهاله فى عنيا وفى ملامحى رغم خيانته ليا..وبجد الإبتسامة والسعادة دى حتى لو كانت مصطنعة هيبقى ليها تأثير بيعذب الخاين اللى المفترض إنه نفسه يشوف حزنك وجرحك..و يمكن مع حزنى هأبقى سعيد إنى اكتشفت حد خاين رغم حبى بإخلاص ليه...وده طبعا فى كل أنواع الحب...حلو الإنتقام ده؟
Re: ما هو ردك على الخيانة
مرسل: 08 فبراير 2009, 8:50 pm
بواسطة Ghadat2009
الأمير الحائر كتب:حلو الموضوع ده جدا يامحمد...
هو أنا اختيارى إنى هأنتقم من الخاين ده فى لحظتها..بإبتسامة!
بالسعادة الكبيرة اللى هأظهرهاله فى عنيا وفى ملامحى رغم خيانته ليا..وبجد الإبتسامة والسعادة دى حتى لو كانت مصطنعة هيبقى ليها تأثير بيعذب الخاين اللى المفترض إنه نفسه يشوف حزنك وجرحك..و يمكن مع حزنى هأبقى سعيد إنى اكتشفت حد خاين رغم حبى بإخلاص ليه...وده طبعا فى كل أنواع الحب...حلو الإنتقام ده؟
أنا ما فكرتش في الانتقام الشيك ده ! بس هو نظريا مثالي جدا لكن... هل فعلا اللي حب و اتجرح بخيانة سهل عليه يخلي ملامح وشه مستريحة و مبسوطة و كمان عليها ابتسامة ؟ بس الفكرة في حد ذاتها جديدة
Re: ما هو ردك على الخيانة
مرسل: 08 فبراير 2009, 9:03 pm
بواسطة الأمير الحائر
هههههه حلو تعبير إنتقام شيك ده
وبالنسبة لتطبيقها فأنا جربته عملى مش نظرى بس...كان مرة حد كنت فاكره صديق خانى خيانة كبيرة جدا...بعمد وبقصد..وكان قدامى لحظة ما أنا عرفت خبر الخيانة اللى خانهالى و بيبتسم مع اللى حواليه وبيضحكوا وبيستنوا تأثير الخبر ده عليا بعد ماعرفته...فبكل الصدمة اللى فى نفسى دى ابتسمت! وضحكت وهزرت مع اللى حواليا ولا أكتر واحد باله مرتاح ولا حس بالخيانة من لحظة..وبالتالى الخاين ده اتقلبت كل الشماتة والسعادة جواه ولقيته هو اللى زعل زى ما يكون ألف شخص خانوه
عشان كده قلت إنتقام لحظى...
Re: ما هو ردك على الخيانة
مرسل: 09 فبراير 2009, 3:49 am
بواسطة Ghadat2009
الأمير الحائر كتب:هههههه حلو تعبير إنتقام شيك ده
وبالنسبة لتطبيقها فأنا جربته عملى مش نظرى بس...كان مرة حد كنت فاكره صديق خانى خيانة كبيرة جدا...بعمد وبقصد..وكان قدامى لحظة ما أنا عرفت خبر الخيانة اللى خانهالى و بيبتسم مع اللى حواليه وبيضحكوا وبيستنوا تأثير الخبر ده عليا بعد ماعرفته...فبكل الصدمة اللى فى نفسى دى ابتسمت! وضحكت وهزرت مع اللى حواليا ولا أكتر واحد باله مرتاح ولا حس بالخيانة من لحظة..وبالتالى الخاين ده اتقلبت كل الشماتة والسعادة جواه ولقيته هو اللى زعل زى ما يكون ألف شخص خانوه
عشان كده قلت إنتقام لحظى...
و الله برافو عليك !
انا تعرضت لخيانة برضه من واحدة -كنت بعتبرها صديقة قريبة مني -و بصراحة كنت مذهولة جدا و واجهتها فقالت كلام غريب يعني بتدافع عن نفسها من غير ما تنكر الخيانة و بشكل واضح كانت قاصدة تماما - بس للأسف عنصر المفاجأة أحيانا بيشل ردود الأفعال ! لحظيا رد فعلي كان مواجهة بذهول لكن بعدها كانت عايزة تستمر صداقتنا ! و أنا كل اللي عملته هو حدود و حواجز بيننا لأني كنت مضطرة أتعامل معاها تعامل يومي للأسف و دي مشكلة تانية !
Re: ما هو ردك على الخيانة
مرسل: 09 فبراير 2009, 10:29 pm
بواسطة تنهيدة
أبشع شىء فى الدنيا الخيانة لكل شىء واى شىء ان الأنسان يفكر فى خيانة انسان تانى بيكون فى الأول بيخون نفسه ...أنا عن نفسى لو حد خانى عمرى ما أفكر انى انتقم وعدم تفكيرى فى الأنتقام يبقى أنا كدة بسامحة بينى وبين نفسى لكن فى الوقت نفسه أكيد حبعد بس عمرى ما حنسى لانى أنا أكيد كنت بحبه سواء صديق او حبيب ولان الا بيحب عمره مايقدر ينسى فأكيد حفتكرى أحلى ايامى معاه وأكيد حفتكر جرح الخيانة ..وعشان كده انا بكرة لفظ الخيانة وعمرى ماتصدمت فى حد أعرفه واطلقت علية ان خانى ودايما بدور للقدامى على أعزار تقدر تنسينى أى جرح يمكن مش برجع معاه زى الأول لكن فى الوقت نفسه مش بعرف أشوفه وحش أوى ...ويمكن وليد قال شىء جميل ان بينتقم بأبتسامه يمكن أن فعلا لما بتجرح بدارى دموعى بأبتسامه لكن مش بيكون غرضى منها اى شىء غير أن بحاول أطفى نار جوايا وأخبى المى بيها ...موضوع هايل يامحمد ويهمنا جدا نعرف ردك على الخيانة ..بحيك مرة تانية يامحمد ويارب ميكونش فى حياتنا أبد اى ناس خيانين
Re: ما هو ردك على الخيانة
مرسل: 10 فبراير 2009, 2:27 am
بواسطة ابن مصر
اولا انا بحيى كل الاعضاء الذين قدموا ارائهم و الذين لم يقدموا انا عن نفسى بصراحة و ده اول مرة اقوله انه حصل معايا و انسانة حبتها من كل قلبى و فعلا ذى ما قلت حب العمر و بصراحة انا حاولت انتقم منها بس مش قدرت مش عارف حتى الان ليه على الرغم انى كنت اقدر بس ما قدرتش و يمكن انا مضايق من نفسى و بفكر كتير فى الموضوع ده حتى الان و مش عارف انساها مش عارف لحبى ليها ولا علشان منتقمتش منها مش عارف ... عموما سيبكوا منى انا يمكن انتوا صح و انا غلط يمكن 
Re: ما هو ردك على الخيانة
مرسل: 10 فبراير 2009, 4:13 am
بواسطة تنهيدة
أسمحلى يامحمد أشركك كلامك ..انت مش غلط يمكن لانك حبيت بجد أنجرحت أوى ..وتفكيرك فى الأنتقام ورفضك لتنفيذه منتهى الحب ...وفى ناس كتير لانه لم بتحب مش بتقدر تنسى بتفضل طول الوقت تفكر نفسها بالجرح بس مش عشان تنسى ده عشان تفكر فى الحبيب الخاين ..والحب الحقيقى لما بينجرح بيفضل علامه مش ممكن الزمن يداويه ويمكن الطرف التانى مكنش قاصد الخيانة يمكن ظروفة كانت اقوى من حبه...ياريت يامحمد مكنش ضيقتك بكلامى أنا بس حبيت أقولك راى يمكن اقدر أفيدك ...بحيك يامحمد لانك شاركتنا فى جرحك ..وبجد موضوع جميل