أكاديمية ايجيبت رايت الأدبية

غيابك لا يناسبنى
فبدل طعم أيامى
وبدد ظلمة الحلم
ومد القلب كى تجمع
عناقيدا من السكر
و قل أشياء تجعلنى
أشم الفل والعنبر
وسافر فى شرايينى
لتعرف بعض ما أشعر
و قدم لى بنفسجة
فأحنى هامتى أشكر
فلا أحتاج للياقوت
لا أشتاق للمرمر
تزيننى ابتساماتك
وعين الشر لا تنظر
و يكفى أننى أحيا
بحب الله والأسمر
((( هاله )))

ايوة كده...كده نقدر نقول نورتى الأكاديمية بجد ياهالة...بعد ماقرينا كتابتك الرائعة..
بجد أنا كنت متوقع إنك بتكتبى خواطر أو كده ومش شعر...بس كتبتى شعر جميل جدا بألفاظ جميلة حسيت منها إنى بأشم ريحة البنفسج والفل والعنبر من بين الكلمات...
بجدة قصيدة رقيقة وجميلة...مستنيين دايما أعمالك و عطرها الجميل..

عرفت بقه ياوليد مين حيكسب الشهر ده كمان ..أكيد طبعا حزب البنات
أيه الرقة ده ياهالة بجد جميلة جدا
أيوه كده ورى حزب الولاد الحاجات الجميلة .. أن عجبنى اوى المعنى الا بتقولى فية وسافر فى شرايينى
لتعرف بعض ما أشعر ..حلو أوى ياهالة أتمنى اننا نقرالك المزيد وبجد بداية عطره

بجد احساس وكلمات رائعه يا هاله. وكده بقى انتاكد ان حزب البنات هيكسب هيكسب ان شاء الله

لارا كتب:بجد احساس وكلمات رائعه يا هاله. وكده بقى انتاكد ان حزب البنات هيكسب هيكسب ان شاء الله

و الله يا جماعة بتحرجونى بكلامكم الجميل ده ...ناس ذوق ..ذوق....ذوق صراحة ...واحب اطمنكم ان حزب البنات قديييم وعرييييق وله جذور عظيمة... وعشان كده مسألة المكسب دى منتهية وهتبقى استكمال لتاريخه المشرف...الدور والباقى على حزب ال........ اللى ملهش موقع من الاعراب ....طب والله صعبانين على ...ولو كنت منهم (بعد الشر ...بعد الشر ) كنت اقل انى مش......

برافو ياهالة برافو انتي فنانة بجد

بجد الكلام جميل جدا خلانى اتشدلو ..

وعجبتني الجزئيه دى جدا جدا

ومد القلب كى تجمع
عناقيدا من السكر
و قل أشياء تجعلنى
أشم الفل والعنبر
وسافر فى شرايينى
لتعرف بعض ما أشعر


وخصوصا عناقيدا من السكر معنى جميل اوي

بجد تسلم ايدك