أكاديمية ايجيبت رايت الأدبية

موضوع النقاش واضح بس حبيت أعرف أرائكوا فيه وسبب الأراء دى...يعنى لو اتعرض عليكوا وظيفة مثالية...بمرتب عالى جدا...عمركوا ماتحلموا بيها فى مصر...بس الوظيفة دى فى اسرائيل؟ طب لو فى أميريكا؟ هتوافقوا ولا لأ؟ مستنى أرائكم...

أمريكا ممكن..إسرائيل لا..
السبب واضح الحرب مع إسرائيل حرب إبادة يعني يا إحنا يا همة..لو خرجوا من فلسطين حيروحوا فين؟..وإسرائيل ما فيهاش مدنيين..سكان المستعمرات الغير عسكريين معاهم أسلحة وبيضربوا جيرانهم الفلسطيين علشان يسيبوا بيوتهم ويأتي مكانهم إسرائليين..
إما أمريكا الحرب سياسية بالدرجة الأولى..يعني ما فيش مشكلة مع الشعب نفسه غير المتعصبين طبعا..زي أيام مصر ما كان الإنجليز محتلنها وكان فيه مصريين بيدرسوا هناك..والشيخ محمد عبده نفسه زار إنجلترا وكان ليه صديق إنجليزي من اللي ضد الاحتلال الإنجليزي لمصر..إنما ينفع واحد يزور إسرائيل بدعوى إنه يبندد بالاحتلال الاسرائيلي أو إنه يكون ليه صديق إسرائيلي أيا كان موقفه..
يعني نوعى الاحتلال بيفرق..هل هو إحلالي زي الاحتلال الاسرائيلي..ولا سياسي..

هو وجهة نظرك صح جدا ياهبة وده رأيك المنطقى جدا واللى حاصل على أرض الواقع فعلا... بس أقول أنا بقى رأيى الشخصى...ولا اسرائيل...ولا أميريكا...ولا أى بلد فى الدنيا...لو هأخد ملايين الدنيا بحالها...وده كلام حقيقى مش وطنية زايدة ولاشعارات بس بجد أنا عندى مبدأ مؤمن بيه جدا...اللى مش هيعرف ينجح فى بلده مش هينجح فى أى مكان فى الأرض...والنجاح مش بس فلوس...ده طموح وأحلام وأهداف بتحقق ورؤية كاملة للحياة ولطريقك فيها...وبغض النظر عن اسرائيل أو أميريكا فأنا رأيى الشخصى ولا دى ولا دى...بس لازلت بأحترم وجهة نظرك ومستنى وجهة نظر الأعضاء لأنى يهمنى أعرف وجهات نظر متعددة بالنسبة للموضوع ده
وبشكرك جدا ياهبة على مشاركتك ورأيك

أولا طبعا مستحيل يكون فيه زعل لأن دي مناقشة عامة والطبيعي إن إحنا نختلف لو ما اختلفناش يبقى فيه حاجة غلط؛ يا بنجامل بعض يا المناقشة متلفقة..وزي ما انت قلت اهم حاجة إن إحنا نحترم وجهات نظر بعض..

ثانيا بقى..هو انت قصدك على فكرة امريكا واسرائيل يعني دولة حتلة ولا على فكرة السفر نفسها.

حلوة عايز تتعذب فيها دى والله يامحمد هم بيكى وهم يضحك...أنا الأيام دى بردو مضايق من أحوال البلد والتغيرات اللى داخلة عليها هتكون للأسوء ولا الأحسن...ربنا يستر..أنا متفائل اه بس الأيام الجاية هتتغير حاجات كتير أوى من حكم وعادات وتقاليد ومستوى معيشة ومببادئ الناس وأحلامها...ببساطة كده يكون تغيير وطن بحاله...أرجع أقول ربنا يستر...
بالنسبة لأسرائيل أو أميريكا أو كده فأنا رأيى الشخصى لنفسى انى ولا هأسافر فى أى حتة بغرض الشغل ولا حتى فى الخليج والدول العربية..ومش قصدى سفر الزيارة والتعرف على حضارات ولغات جديدة طبعا لأن ده وارد جدا وبأيده...وبالنسبة للى بيسافروا أى مكان غير أرضهم فأنا رأيى الشخصى ان مافيش حد المفروض يطلع بره الا بكل بساطة كده وبالتعبير البلدى: لو اللى بره دول باسو ايديه عشان يسافر...بمعنى انهم محتاجين خبرته جدا...عشان مايهينش نفسه ويسمح لحد يذله زى الحوادث اللى عمالة تحصل فى السعودية وغيرها من الدول العربية لدكاترة ومهندسين فما بالك باللى بيطلع متهرب ويدور على أى شغل...شوف بقى اداهم فرصة ممكن يعملو فيه ايه وماحدش يقولهم لأ...وهذا رأيى...

موضوع مهم جددددا وتسأل المفروض يتسأل لكل شاب فى مصر أنا عن نفسى ضد سفر شباب بلدى للعمل لنهضة أى بلاد أخرة وان كان حيكون العمل فى اسرائيل هو دة المعنى الحقيقى للمستحيل أشتغل فى بلد قتله أطفالى سجنه أهلى مغتصبة اراضي اهو ده الأنتحار الحقيقى اشتغل لاتطور من أسرائيل لتقوة اكتر لآبادة العرب والا بيزعلنى أكتر ان أسرائيل دايما يتستدرج شبابنا اليأسين الا بلادهم وتوفر ليهم كل الأمكانيات لحياة كاملة لكن ان متأكدة ان عمر شاب من شاببنا ما حيحس بالأستقرار فى بلد زى اسرائيل يعنى انا لو قتلونى عمرى ماقبل أشتغل فى بلد الصهاينة .......
أما بالنسبة لأمريكا فهى بلد التقدم الفكرى لكنها بلد التاخر الأنسانى ولهذا أنالا أتمنى أن أعمل بها مهما كانت الأغراءت فأنا دائما أعشق تراب بلدى حتى لو دفنت أحلامى فى أرضها
وبالنسبه لراى محمد فأنا بحترمه جدا مع اختلافى معاه لان لو كسبت فى امريكا الفلوس الا حتوفر حياة كريمة بيها فتأكد أنك حتخسر كتير بغربتك عن وطنك اولا ونفسك ثانيا وده مش وطنية زايدة على راى وليد لكن حرام واحد زيك بيحب بلدة أوى كدة يوافق ان يبعد عن همومه بفكرة السفر لأمريكا لازم نحاول نحقق الحلم على ارض مصر حتى لوكنه احنا التمن واطمن يامحمد اكيد بكره حتلاقى الشغل والشقة وكل الا تتمناه على ارض بلدنا مصر
بشكرك ياوليد على هذا الموضوع وبحيك على رايك ويحى كل الا شارك برايه واتمنى أشوف الحلم حقيقة ان بلدى تكون أحلى بلاد الدنيا وكل شبابه يحققو أحلامهما فى حضنها وميفكروش أبدا يبعدوا عنها

تنهيدة كتب:واتمنى أشوف الحلم حقيقة ان بلدى تكون أحلى بلاد الدنيا وكل شبابه يحققو أحلامهما فى حضنها وميفكروش أبدا يبعدوا عنها

وأنا ما أقدرش أزيد حاجة على تعليقك ياتنهيدة لأنه بجد هو رأيى بالظبط...وبأتمنى نفس أمنيتك دى إن كل اللى بيفكروا يسيبوا البلد ويحققوا أحلامهم بره مصر يفكرو أحسن ازاى يطوروا بلدهم ويحققوا أحلامهم فيها...بحييكى ياتنهيدة على رأيك اللى مش غريب على شخصيتك المصرية الأصيلة المليانة أمل وحب لمصر

والله لو اتعرض عليا أروح هذين الوكرين لن أذهب ولو بمال الدنيا ولكن سأرسل لهم حذائي وإن كنت أشك إن حذائي حيوافق