ظاهرة غريبة قد انشرت الآن فى شوارعنا و بين اهلينا... فعندما يحدث خلاف بين شخصين على اى شىء وفى اى مكان و على جميع المستويات .. فانك تجد عدد من المتطوعين اللى ب يهدوا النفوس - ما تعلرفش جم منين و لا ايه علا قتهم بالموضوع - و بدل ما يحلو المشكلة يولعوها زيادة ... وبدل ما يهدوا الناس للأسف بيدوا الوابور نفس !!! السؤال الآن ...هو انت منهم ؟؟؟
السؤال ده مش مطلوب ان حد يجاوبنى عليه ! لكن الغرض منه ان كل واحد يواجه نفسه ويعيد حساباته ... ولو اكتشف انه حقنة .. يكتم ع الخبر بس يحاول يصلح من نفسه ... و اهو .....نبقى عملنا حاجه كويسة فى الناس و يفتكرونا بالخير قبل ما يعملو الشر .. و على فكرة ...السؤال مش اجبارى !! !
اولا مرحبا بيكى يا هالة فى قسم المظاليم و اشكرك على موضوعك الجميل بس بصراحة انا حاسس انها مش ظاهرة موجودة فى مصر بس بل بالوطن العربى و العالم كله يمكن اقل مكان ممكن تشوفى فى الظاهرة دى فى مصر وعلى فكرة دى بقت خصلة من خصال الدول العربية مع بعض و اكبر دليل الى حصل مع مصر عموما انا بشكرك على موضوعك الجامد جدا و مع تحياتى ليكى
ههههه أنت خلاص سميته يامحمد قسم المظاليم والله بجد القسم ده يعتبر قسم الحقائق...لأنه بيواجهنا بالحقيقة والقضايا فى كل حياتنا...وأنت وأحمد بجد خليتوا القسم ده ليه مزاق خاص وأنا بأستمتع بيه ولو كنت حتى مش بكتب فيه شخصيا...لكن أدى هالة ابتدت رصد الظواهر السلبية وهتعمل شغل كبير معاكوا
بحييكى ياهالة على طرح الموضوع وفعلا بقت سمة من سمات العالم العربى مش مصر بس...إطفاء النار بالبنزين بقى السلوك السائد فى الأزمات..عشان تتصاعد الأزمة و يزيد خطرها..والمفترض إننا نبعد عن المشاكل من البداية عشان مانديش الفرصة لحد يستخدم الأسلوب ده معانا...زى لما العراق والكويت حاربوا شوفوا مين مشى بالمبدأ ده....
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
واللهى ياهالة انت بتتكلمى عن مواضيع مهمه جدا ..والناس حقيقى على مستوى العالم بقت بتستخدم الاسلوب ده ...وتتدخل طرف تالت فى اى قضية بيزيد المشكلة اكتر و بدال ما تكون المشكلة بين طرفين بتبقى بين تالت أطراف ..
بس حلو اوى اسم قسمك الجديد يامحمد قسم المظاليم ووليد أضاف اسم تانى وقال قسم الحقائق ..بس واللهى يامحمد تأكيدا على كلام وليد انا بستمتع بالقراءة فى القسم ده جدا لانه فعلا بيواجهنا بالحقيقة بس بتفكير شباب زينا بنقدر من خلال طرحكم للمواضيع توضح لنا الصورة اكتر ...واهى أضافت هالة للقسم مواضوعات جديدة كنا فعلا محتاجين ننقاشها ..