أولا كده بالصلاة عالنبى أنا أفخر إنى أكون أول مشارك فى القسم ده بتاع هى دى مصر ومشاكل مصر واللى شكلى هأبقى زبون دايم فيه عشان أنا أصلا بتاع مشاكل
![سعيد جداً :D](./images/smilies/icon_e_biggrin.gif)
مع انى عارف ان كلامى هيبقى دبش اصلا لأنى مش باعرف اذوق كلامى واحتمال أطرد من أول مشاركة
![ساخر :P](./images/smilies/icon_razz.gif)
بس بجد بجد مش انتو اتخنقتوا؟ حرق ودخانة وسحاب أحمر فى أصفر فى بنفسجى! ولاكأننا فى حرب! وتيجى تقول ايه السبب يقولك الفلاحين بيحرقوا قش الرز! رز مين ياعم الحج؟! أنا والله كنت بحب جو الريف أيام ماكان نضيف وقال ايه كنا لما نعوز نتهوى ننزل حتة فيها زرع و بتاع دلوقتى بجد بقيت كل ماأشم الريحة بتاعة الحرق دى أكون عايز أحرق الناس اللى بيولعوا أو نعدمهم فى ميدان عام
![ضرب huh1](./images/smilies/hit.gif)
الغريبة فى الموضوع ان احنا مش جمب المنطقة اللى ساكنين فيها اى ارض ولامنطقة زراعية لمسافة كبيرة اوى ومع ذلك الدخانة والخنقة جامدة جدا..امال اللى جمب الأراضى دى بيعملو ايه؟ بيشتروا اسطوانات اكسوجين؟
![مش فاهم lost1](./images/smilies/cant-understand.gif)
أنا عايز أعرف حاجة واحدة بس..هما اللى بيولعو فى القش دول مابيحسوش؟! مابيشموش؟! مالهمش عيال؟! يعنى مافيش واحد كده فلاح ابنه يجيله يقوله يابابا أنا اتخنقت من الدخانة دى, اطلع طفيها!
![يبكي :cry:](./images/smilies/icon_cry.gif)
ولا الرئة بتاعتهم بقت مصفحة خلاص؟! وعايز أعرف حاجة كمان, هو فين الحكومة؟ فين وزارة البيئة اللى خنقتنا عالموبايلات رسايل " حرقك لقشك بيأذى بلدك " يافرحتى!
![زغروطة ز1](./images/smilies/lololo.gif)
طب ماتعملو حاجة؟! ولاالفلاحين اللى بيولعو دول عينى عينك كده نهار وليل دول بيبقو من بتوع مجلس الشعب ولاناس كبار يعنى وماحدش يفهمنى غلط فى كلمة كبار دول ( أيوة مش قصدى حرامية يعنى
![ساخر :P](./images/smilies/icon_razz.gif)
) بصوا أنا لو فضلت أكتب بجد مش هأفصل خلونى أسمع رأيكوا كده ولاأكونش أنا اللى شامم الدخانة دى لوحدى؟ يلا سمعونا الحلول العملية والجزرية والملوخية بتاعتكو
![مشغول eat1](./images/smilies/ope5.gif)
وسلملى على وزارة البيئة
![سعيد جداً :D](./images/smilies/icon_e_biggrin.gif)