الأمير الحائر كتب:صباح النور ياجيهان
![مبتسم :)](./images/smilies/icon_e_smile.gif)
فى الأول..عايز أعلق على ردك فى الجزء اللى فات بخصوص رواية الأمير إنى حقيقى عايز أكملها و وحشتنى جداً..بس زى ما أنتى شفتى الوقت عاملى دايما إزعاج..حتى إنى علقت على الجزأين الرابع و الخامس المرة اللى فاتت و الوقت مش كفى إنى أعلق على السادس..و كمان أعمال تانية فى الأكاديمية كنت فاتحها عشان أقراها و كمان ما لحقتش..و إن شاء الله انهارده الجمعة الوقت يسمح إنى أقرا الأعمال دى و أعلق عليها لأنى ده حقيقى واحشنى أكتر من كتابة أعمالى..بس إن شاء الله فى أقرب وقت أحاول أرجع لجو رواية الأمير و أكملها
صباح النور يا وليد /
و الله حقولك على حاجة احنا بجد اللي مفتقدين مشاركاتك و ردودك النقدية البنائة اللي فعلا بتفيدنا كلنا في أعمالنا .... و طبعا إحنا مقدرين ظروفك و مقدرين إن وقتك ضيق جدا .... و إن شاء الله ترجع قريب و تكون متواجد بشكل أكبر عشان تمتعنا بردودك و كمان بإبداعك لأني فعلا بعتبرك من البصمات الهامة في الأكاديمية ....
نرجع بقى للرواية..عجبنى الجزء جداً و ياريت تتمسكى بنفس درجة الحوار المعبر اللى ميزت الجزء ده و الأجزاء اللى فاتت..لأن حقيقى تميز الحوار ده مخلى الرواية أجمل بكتير
بالنسبة للأحداث..فحقيقى ماشية بسلاسة و احلى حاجة إنك مش بتستعجلى فى الأجزاء عشان الرواية تخلص بسرعة..معدل مشهدين زى هنا او مشهد واحد أطول معدل كويس جدا عشان تدى كل مشهد حقه..و ده حصل هنا بطريقة جميلة ما قللتش من اهمية المشهد الأول و لا التانى.
فكرة علاقات الأنترنت اللى بيبقى طرفها 100 % مش بشخصيته الحقيقية زى ياسر هنا..فصلتيها كويس جدا و أبعاده الإجتماعية و العملية مناسبة لكذب شخصيته..يعنى هو بيحاول يجمل المشهد شوية..المحل يبقى شركة..و الدرجة العلمية تبقى درجة أعلى..و كل ده فى وجهة نظره الشخصية..و لغرض كمان فى نفسه اللى وضحتيه و هو الإيقاع بضحايا عبر الأنترنت يستفيد منهم مادياً..و النوعية دى أكيد موجودة كتير فى مجتمعنا و فى أغلب المجتمعات اللى بتستخدم الأنترنت فى غير الهدف منه..و دول للأسف مجتمعات كتيرة جدا و بتزيد كل ما يزيد مستخدم جديد للأنترنت من غير توعية بالهدف من الأنترنت ولا حتى الفائدة اللى هيحصل عليها الشخص من الأنترنت و المناسبة لشخصيته أو هواياته..دراسته أو عمله..
مش عايز أفسر كتير فى النقطة دى لأن حوارك الجميل حمل معانى كتير أكتر من كده بتكثيف جميل..و بتمنى يبقى الأجزاء الجاية أجمل و أجمل لحد اكتمال الرواية بنجاح إن شاء الله
بتمنالك التوفيق و التميز دايما يا جيهان فى كل كتاباتك
![وردة متفتحة flower1](./images/smilies/orangeflower.gif)
[/quote]
مبسوطة بجد إن الجزء ده عجبك .... لأني بصراحة لغاية دلوقتي لسة مش راضية عن الأجزاء أوي حاسة إن في أحسن .... و المرة اللي فاتت لما رديت في الجزء الخامس و قلت حترد بعد شوية ع السادس و لقيتك مش رديت قلت يبئى الجزء مش عجبك و انت مش حابب تحرجني
![يضحك :lol:](./images/smilies/icon_lol.gif)
بس يلا الحمد لله نفدت المرة دي من غير أخطاء و الجزء عجبك الحمد لله ....
بس و الله لو فعلا الرواية نجحت يبئى الفضل ليكم و لتشجيعكم دايما ليا .... و انكم دايما توجهوني للصح ....
متشكرة بجد على ردك و أتمنى إن الأجزاء الجاية تكون أحسن إن شاء الله ....
و بتمنى ليك دوام النجاح و تحقيق كل أحلامك ....
![مبتسم :)](./images/smilies/icon_e_smile.gif)