أكاديمية ايجيبت رايت الأدبية

مهما تخيلنا أن ماما أمريكا ستحمينا أو تعمل لمصلحتنا أو تعطينا ما نريد على طبق من ذهب فنحن واهمون
فستظل " اللي ميتسموش " طفل أمريكا المدلل على مر العصور

محمد محمود كتب:مهما تخيلنا أن ماما أمريكا ستحمينا أو تعمل لمصلحتنا أو تعطينا ما نريد على طبق من ذهب فنحن واهمون
فستظل " اللي ميتسموش " طفل أمريكا المدلل على مر العصور

صورة رهيبة ....و تعليق ممتاز ...شارح ووافي

و اسمحلي أعبّر عن نفس المضمون بطريقة تانية جت على بالي ؟



ماما ...... ماما .....أنا تعبان !
من عمايلهم دي ....و زعلان !
كل ما اضربهم في مكان
بيطلّعولي ... ألف لسان
و يبقولي... همّ السجّان !
تصوّري ؟
باضرب وافضل أنا التعبان !

********

بس يا هودا ...إوعى تخاف
شايلينك فوق... الـ...كتـاف
ماحناش بتوع كلام و هتاف !
مجهّزينلك سلاح ...أصناف

و أمُر يا حبيبي و أنا انفّز
هندمّرهم ....و لا تتنرفز
بس اسمع معايا و ركّز!
إضرب انتَ ..و انا أعزّز
بجنودي و مالي يا متعزّز!
إيه مستنّي ؟....ياللاّ ..إنجِز!

و لو سألونا: ... بتعملوا إيه ؟
هنقول (نونو) يا عيني عليه!!
كل الناس....... بتضرب فيه
و مافيش غير حضني ِيَدفّيه!
مانا حقّانيّة! ....... أمّال إيه ؟
و عايزه أنفّذ له ......أمانيه !

عاوز (حِتّة) ويعيش فيها.... من سُكات !
حتّة صغيّرة أدّ النملة ..من النيل للفرات!
و لو اعترضتم ...هنوجّهلكوا ....الضربات!
مش عايزين.. نسمع منكو.. و لا حتى آهات
لو سمعتواكلامي.. تعيشوا.. ف تبات و نبات
و تخلّفوا ... أضعف صبيان... و كمان بنات !
و ماتتعبوش في الإنتاج ...دايما تحتاجو الحاجات
تمدوا إيدكو لي و لغيري ...و تقولو لله ..و.. هات
لحد ما نغلبكو ياحلوين !..و أبقى أنا ست الستّات!

فعلا..ماما أمريكا..و أعدائنا هما أطفالها المدللين دايما..وإحنا أطفالها بردو بس أطفال " متطفلين "
أنا طبعا مش لاقى تعليق أدبى مناسب بس عجبنى تعليق غادة أوى..وبالذات أخر جزء
وتعليقى ممكن يبقى:

( أدعى لأبنى..و أحارب اللى مايقول أمين )

ألف شكر يا غادة على ردك الجميل والزجل الرائع اللي غطى على الصورة و الموضوع،
وأشكر وليد على رده وتعليقه الجميل كالعادة.
وأتمنى لكم التوفيق

صورة خطيرة بجد يامحمد اختيار موفق وكلماتك معبرة جدااااااا عبرت عن الا بيحصل فعلاً
وتعليق غادة بجد اكتر من رائع كلمات ساخرة ومعبرة جدااااااااااا عجبنى الشكوة الا فى البداية....والرد بعد كدا حقيقى رائع وفعلا كأن ام بتصالح أبنها ...بحيك ياغادة على تفاعلك الرائع ..وبصراحة مش عارفة أقول تعليق بعد كلماتك الرائعة انت ومحمد بس حأقول الا جه فى بالى

دائما َ ردودك مميزة جدا َ يا نهاد .
أشكرك على مرورك ويا رب من تقدم لآخر بإذن الله

صورة جميلة يا محمد وكمان كلمات غادة حلوة قوى