ممكن* أكيد * مستحيل

[تنهيدة]

أجمل تحية على أجمل أعضاء فى الدنيا
طبعاً عايزين تسألونى أيه حكاية ممكن*أكيد*مستحيل ..أنا حأقولكم الكلمات دى احنا بنستخدمها كتير فى حياتنا ..
وأنا جيت عشان اسئلكم ...أيه الحاجات الا فى حياتكم ...بتقولولها ممكن ....وأيه الحاجات الا دايما بتقولولها أكيد ...وأيه الا مش ممكن تقول عليه غير مستحيل...أكيد كل واحد فينا فى حاجات مستحيل يعيش من غيرها وبرضة فى حاجات من السهل الأستغناء عنها وفى الا الحاجات الا ممكن نعملها ومتأثرش كتير فينا ....فى كتير يقولوا مستحيل نعيش من غير أمل أو حب أو مستحيل نعيش من غير أصدقاء أو مستحيل نعيش من غير حلم...ومنا الا يقول أكيد لازم أتغير أو أكيد لازم أنجح ...وكتير بنقول ..ممكن فى حاجات كتير...
أنا بئة مستنية أعرف منكم ايه فى حياتك الا بتقول عليه ممكن وايه الا بتقولوا علية أكيد وأيه الا بتقولوا علية مستحيل ...

[المهاجر]

لا بصراحة مش ممكن الموضوع دا يا تنهيدة ... رائع كالعادة أفكارك وأكيد طبعاً الاعضاء هتتفاعل معاه كما كل مرة .... ومستحيل حد يغيب عن الموضوع


كدا انا جاوبت ..... راحة فين استنى




ممكن فى مرة أزعل من اللى حبيته لكن ..... مستحيل انساه .... لانى اكيد بحبه ومش هنساه .... ب .. س... --- ..... --- .....

[تنهيدة]

بجد تعليقك دايما جميل ياأحمد عجبنى جداااا ...
بشكرك جداا على تفاعلك السريع ...وعلى ردك المميز جداااا
وفعلا ممكن نزعل من حد نحبه لكن مستحيل ننساه ...بحيك ياأحمد وبشكرك على مرورك الرائع

[ريم]

موضوعك هايل با نهاد كالعادة...
سبحان الله ..لم تأت هذه الكلمات إلى ذهني لأتوقف أمامها قبل ذلك
ولكن أعتقد أن هذه الكلمات الإجابة عليها حسب وقت طرحها..
بعني حاليا إجابتي:
ممكن نستعيد الذكريات..لكن مستحيل الزمن يرحع للوراء..بس أكيد بكرة جاي
ممكن أزعل...ومستحيل أكره ...بس أكيد هسامح وانسى
وبالنسبة للكلمات دي على مستوى الوطن العربي:
ممكن نشجب ونختلف ..ومستحيل طبعا نتفق...بس أكيد فيه أمل!!!
وعندي إجابات ثانية كتير لأن هذه الكلمات فعلا بنستخدمها كثير لكن لم نتأمل فيها
جزاك الله خيرا يا نهاد على طرحك المتميز

[ابن مصر]

بجد موضوعك جميل كالعادة يا تنهيدة و دى مش مجاملة بس بجد انا بحيك لاختيارك لمواضيعك

اما بالنسبة للشىء الى ممكن اقول عليه ممكن فهو انى ممكن انى اتغير لكن ....و دى حاجة ممكن ماحدش قالها قبل كده انى ممكن اتغير للاسوء( الله اعلم)

اما الشىء الاكيد فى حياتى هو ثقتى بربنا و اعتمادى عليه

اما الشىء المستحيل فهو
انى من المستحيل انى اعتمد مرة اخرى على قلبى فى اى اختيار فى حياتى حتى لو اختيار شريك حياتى

اجاباتى كئيبة صح و صريحة كتير صح بس يمكن انا بسميها اسم خاص وهو (راحة)

معلش طولت عليكى و للمرة الثانية اشكرك على مواضيعك الجميلة

[محمد محمود]

فكرة جديدة وجميلة كالعادة
1- ( ممكن أقبل النقد من أي إنسان بس يكون من غير تجريح - أكيد حأغير من نفسي و اقتنعت إن هذا النقد في محله - مستحيل أزعل من النقد البناء لأنه لن يصدر إلا عن شخص يخاف على مصلحتي ).
2- ( ممكن أثق في إنسان بسرعة - أكيد حصدقه إذا أخبرني بأمر ما - مستحيل أثق فيه لو كذب عليا مرة ) .
3- ( ممكن أعطي الإنسان اللي أحبه كل إحساسي - أكيد أتحمله لو وقع تحت ضغط - مستحيل أتحمل فيه أي أذى ).
4- ( ممكن أكسب زملاء كثير _ أكيد ححاول أحافظ عليهم _ مستحيل كلهم حيوصلوا عندي لدرجة الصداقة ) .
5- ( ممكن الصديق يكون أقرب من الأخ - أكيد حيكون لي أقرب من الأخ لو صدقت صداقته - مستحيل أضحي بصداقته ولو بعمري ).

[الأمير الحائر]

موضوع جميل جدا ياتنهيدة..ومحير كمان فى الإجابة..بس خلينى أجاوب على أهم أشياء لكل كلمة..

ممكن أحب بجد شخص..وممكن أوهبه كل حنان وإخلاص..مع ذلك ممكن أقسى جدا عليه لو حسيت بغدر أو خيانة منه...
ممكن أحلم أحلام ساعات بتكون كبيرة جدا...وممكن أثق أن الأحلام دى كلها هتحقق حتى لو كانت صعبة وحتى لو لناس كلها عدوها من باب الجنون..ممكن أختار السكة الأصعب و أبعد عن السكة السهلة..لأن السكة الصعبة أخرها نجاح وتميز.. غير السكة السهلة اللى أخرها بيبقى عادى...
الأكيد بقى فى حياتى هو الحلم..الحب..العطاء..الطيبة..كل دى صفات أكيدة فى حياتى والمفترض إنها صفات أى إنسان...كمان أكيد الحياة مش بس أكل وشرب نوم..الحياة ورقة لازم تكتب فيها اسمك..وتسيب بصمة أفعالك..والأكيد إن الخاسر بجد هو اللى بيخرج من الحياة دون أن يؤثر فيها أى تأثير..لم يسعد أحدا غيره..لم يفد أحدا غيره..ولم يحاول أقل محاولة أن يكون له وجوده وكيانه الخاص فى الدنيا...
المستحيل...إنى أستسلم..مهما فى لحظات كتير حسيت إن فيه أشياء كتير بفقدها..مستحيل أفقد الأمل..وقبل الأمل العمل..فالأمل وحده مستحيل يحقق نجاح من غير عمل...
المستحيل أكتر عندى..إنى أحاول أتشبه بغيرى..لأن التشبه بالغير هو أول الطريق لكره النفس..ولو كرهنا نفسنا هتبقى حياتنا كلها بلا معنى...والمستحيل أيضا...إنى أرضى أعمل حاجة من غير اهتمام..أو أتولى شئ بلا اهتمام وتحمل للمسؤولية...مثل قبطان لا يعرف كيف يقود السفينة..أعتقد ده سبب مشاكل ناس كتير فى كل المجالات..إنهم بيضعوا نفسهم تحت ضغط مسئوليات كبيرة من غير مايقدروا قيمة المسؤولية دى..ولما تسقط الدفة من بين أيديهم..هم أول من يحاولون الهرب من السفينة...!

موضوع بجد يدعوا للتأمل جدا ياتنهيدة..وأنا أول مرة أسرح فى إجاباتى كده...بحييكى بجد ومستنيين أنتى كمان ردك على موضوعك

[تنهيدة]

موضوعك هايل با نهاد كالعادة...
سبحان الله ..لم تأت هذه الكلمات إلى ذهني لأتوقف أمامها قبل ذلك
ولكن أعتقد أن هذه الكلمات الإجابة عليها حسب وقت طرحها..
بعني حاليا إجابتي:
ممكن نستعيد الذكريات..لكن مستحيل الزمن يرحع للوراء..بس أكيد بكرة جاي
ممكن أزعل...ومستحيل أكره ...بس أكيد هسامح وانسى
وبالنسبة للكلمات دي على مستوى الوطن العربي:
ممكن نشجب ونختلف ..ومستحيل طبعا نتفق...بس أكيد فيه أمل!!!
وعندي إجابات ثانية كتير لأن هذه الكلمات فعلا بنستخدمها كثير لكن لم نتأمل فيها
جزاك الله خيرا يا نهاد على طرحك المتميز

بشكرك ياريم على مرورك الرائع وبجد تعليقك مميز جداااا
بيوضح اد أيه انك انسانة متسامحة وعندها امل فى بكرة وحب لكل الا حواليها...
أعجبت جدااا بأنك أستخدمتى الكلمات على مستوى الوطن العربى ككل...بجد جميل جدااا تصورك للكلمات
بتمنى لكِ كل الخير والسعادة ياريم

[تنهيدة]

بجد موضوعك جميل كالعادة يا تنهيدة و دى مش مجاملة بس بجد انا بحيك لاختيارك لمواضيعك

اما بالنسبة للشىء الى ممكن اقول عليه ممكن فهو انى ممكن انى اتغير لكن ....و دى حاجة ممكن ماحدش قالها قبل كده انى ممكن اتغير للاسوء( الله اعلم)

اما الشىء الاكيد فى حياتى هو ثقتى بربنا و اعتمادى عليه

اما الشىء المستحيل فهو
انى من المستحيل انى اعتمد مرة اخرى على قلبى فى اى اختيار فى حياتى حتى لو اختيار شريك حياتى

اجاباتى كئيبة صح و صريحة كتير صح بس يمكن انا بسميها اسم خاص وهو (راحة)

معلش طولت عليكى و للمرة الثانية اشكرك على مواضيعك الجميلة

ولا طولت ولا حاجة يامحمد بجد ان استمتعت جدااا بكلامك لانى بحس فيه بوجه نظر مختلفة عن الجميع
وحقيقى اجاباتك مميزة جداااا بس ان شاء الله حياتك دايما تتغيرللأحسن ...
وقلبنا اصلا مش بنعرف نتحكم فيه وعشان كدا اشك فى انك تقدر تنفذ قرارك ده ...بس ان شاء الله تلاقى انسانه تفهمك كويس...
بشكرك جداااا يامحمد على تعليقك الجميل وسعيدة جدااا ان الموضوع عجبك
وبتمنالك كل الخير فى حياتك

[تنهيدة]

فكرة جديدة وجميلة كالعادة
1- ( ممكن أقبل النقد من أي إنسان بس يكون من غير تجريح - أكيد حأغير من نفسي و اقتنعت إن هذا النقد في محله - مستحيل أزعل من النقد البناء لأنه لن يصدر إلا عن شخص يخاف على مصلحتي ).
2- ( ممكن أثق في إنسان بسرعة - أكيد حصدقه إذا أخبرني بأمر ما - مستحيل أثق فيه لو كذب عليا مرة ) .
3- ( ممكن أعطي الإنسان اللي أحبه كل إحساسي - أكيد أتحمله لو وقع تحت ضغط - مستحيل أتحمل فيه أي أذى ).
4- ( ممكن أكسب زملاء كثير _ أكيد ححاول أحافظ عليهم _ مستحيل كلهم حيوصلوا عندي لدرجة الصداقة ) .
5- ( ممكن الصديق يكون أقرب من الأخ - أكيد حيكون لي أقرب من الأخ لو صدقت صداقته - مستحيل أضحي بصداقته ولو بعمري ).

بحيك يامحمد على اجاباتك الجميلة ...وهى مش غريبة على شاعر مميز زيك
وجميل أنك تحترم الصداقة وتقدسها بالشكل الرائع ده ...وانك تقبل النقد وتتفهمه...
بتمنا لك كل التوفيق ...وفى انتظار ابداعاتك الجديدة