أنا عايزة أتكلم في موضوع و مش عارفة إذا تم مناقشتو من قبل على اعتبار إني عضو جديد ، بس أنا حاتكلم و أقول اللي جوايا .
أنا عايزة نتكلم عن المسلسلات التركية التي غزت القنوات الفضائية ، و امتد هذا الغزو إلى عقل و فكر المشاهد العربي .
يا ريت لو نتكلم بجد ايه اللي خللى المشاهد العربي الذكي يتأثر بالأعمال دي و تستهويه مثل هاته النوعية ، أنا من جهتي حبيت أتكلم عن النقاط الإيجابية :
-أول حاجة القصة : ممكن تكون القصة جميلة و حلوة و جديدة ، وفيها نكهة خاصة .
-الرومانسية : بيعتمدو بشكل كبير على الرومانسية ، اللي بتكون في كتير من الاحيان مفرطة ..بس المشاهد العربي الله يعينو بقى عندو نقص من الناحية دي فابهرتو الحكاية .." قد ايه لميس كانت بتحب يحي و ضحت علشانو... و لا التانية نور المسكينة اللي شافت الويل عقبال ما مهند نسي البنت اياها و حبها ..حقلك ايه و لا ايه..."
- حاجة ثالثة وهي الصورة الحلوة و الجميلة أوي خلتهم يعملو دعاية سياحية لبلدهم بشكل فظيع .
-و من أهم الحاجات كمان و أنا شخصيا أعجبت بيها و هي اهتمامهم بالأطفال و التركيز عليهم ، بحيث يدوهم مساحة معتبرة من العمل ، ودي نقطة لازم نحطها بعين الاعتبار .
أما اخر حاجة فهي الأبطال بحد ذاتهم ، وسامة الأبطال جذبت المشاهد اكتر من الدور نفسو ، بس السؤال هو ايه هو المهم البطل عامل ازاي و لا أدى دورو إزاي؟!
أما بالنسبة للنقاط السلبية من وجهة نظري :
-طول الحلقات : مثلا الحلقة 100،115،.. و بتلاقي في الاخر انو الحلقة 10 هي نفسها الحلقة 80 و طبعا بيؤدي إلى التكرار ، بالعربي كده هما بيلككوا اوي ، و طبعا بيطول المسلسل و ده بيؤدي إلى الألفة بين المشاهد و العمل ، فبيصير التتبع للعمل على أساس التعود مش الجودة الفنية العالية .
- الإعتماد على الأبطال الوسيمين و ده أدى إلى الإنشغال بالبطل و مش العمل .
- بيحبو المافيا أوي و كل قصصهم تقريبا يتدور في هذا الفلك ، وطبعا بيوقعو في فخ المبالغة و الخروج عن الواقع ، ورغم انهم بيكونو مش مقنعين الا انو المشاهد العربي بيكمل المتابعة
فدلوقتي لو عايزة اقوم بعمل ناجح بهذه المقاييس حاجيب ملك جمال و اعملو بطل مافيا و أديه كل الصلاحيات ويكون ليه قوة خارقة ، يخرج من أي مشكلة زي الشعرة من العجين ....هل دي دراما حقيقية أم انها استغباء للمشاهد .
- في الاخر فكرت انو احنا ممكن ناخد منهم النقاط الإيجابية و نشتغل عليها ، ما احنا كمان عندنا تاريخ و أكيد ح نخرج بدراما حلوة أوي ..بس استوقفتني نقطة : ح نجيب منين مهند و يحي و اسمر و .....
يا ريت نفكر شويا قبل مل ننبهر بأي حاجة ، يا ريت كان عندنا الوعي الكافي
أنا متأكدة انو دي موضة و صفقة تجارية مش أكتر ، و ح ييجي اليم اللي تنتهي فيه.