أكاديمية ايجيبت رايت الأدبية

ده حوار هيدور بين اتنين محدش فيهم سامع التانى بيحاولوا يفهموا بعض يارب يعجبكم


قوللى ياخويا مش ده الاوتوبيس اللى بيروح مصر الجديده
هه ع الحديده هوانت طالب احسان
بذرة كتان هو انت بتشتغل عطار
جزار هو انت عايز لحمه
الدنيا زحمه اه صحيح دى ساعة خروج الموظفين
قمر الدين مبحبوش مبشربوش يكفينا الشر
راس البر ده مصيف محترم
الهرم اتخرم يادى النيله
بليله هو انت جعان
عيان ماتروح للدكتور
حنتور دى الساعه تلاته
استاذ شحاته ده دخل الجيش
بتقول ده خيش ده صوف انجليزى
بنتك زيزى ربنا يخلى
يحلى هو انت بتستعمل كريم انجرام
انا قليل الاحترام انت قليل الذوق
برقوق ده مرطرط فى السوق
على قد الشوق هو انت بتسمع عبد الحليم
صالح سليم الله يرحمه كان رئيس النادى الاهلى
حد بيندهللى هو فين ياراجل انت
فانتا ماتجيب لنا ازازتين
مصاصتين هو احن بنرضع
نبلع هو احنا اكلنا حاجه
سفاجه ده ميناء على البحر الاحمر
بتقول عليه اسمر دى خلقة ربنا

الهرم اتخرم يادى النيلة هههههه جامدة والله يا أية ده انتى بتكتبى كوميدى كمان أهو امال مخبية المواهب دى كلها فين بس...أنتى المفروض تخشى فى الجد وتكتبى رواية مرة واحدة...ايه رأيك
بس بجد حلوة أوى ومستنى بقى اللى جاى أحلى

خلاص مستنيين المفاجأة يا أية ان شاء الله وبتمنالك بجد التوفيق فى إمتحاناتك
والأكاديمية ماتقدرش تنساكى ياوزيرة الشعر ترجعلنا بالسلامة ان شاء الله