أكاديمية ايجيبت رايت الأدبية

مرسل: **12 نوفمبر 2008, 8:04 pm**

كنت أسير فى طريقى مع صديقتى ومندمجة معها فى الحديث وفجأة وكأننا على موعد رأيته قادم وألتقت عينى بعينه وفى لحظة واحدة تذكرت كل مامضى وغبت بذهنى عمن معى ومن حولى وأحسست بالحنين الى الماضى ولكن مع كل هذا الحنين لم ألتفت الى الوراءوسيرت فى طريقى مع صديقتى هى تتكلم وأنا لاأسمعها ولكن سألت نفسى لماذا لاتلتفتى للوراء كما كنت من قبل هل لانى أصبحت أكثر نضوجا أما لأنى لاأريد أن أكون سجينة لمشاعر محكوم عليها أن تكون مسجونة دائما وبعد لحظات من التفكير وجدت صديقتى تنادينى لكى تودعنى وودعتها وأكملت طريقى الى المنزل مع أفكارى واستمريت طول الطريق وأنا أفكر فيه ولكن بداخلى حزن عميق على هذا الأحساس الذى جعلنى أفكر فيه ولو كان للحظة ولكن فى لحظة واحدة ترجع الى مشاعر جميلة كنت أستمتع بها فى الماضى فقد كنت أتمنى أراه ولو صدفة مثل هذه ...ولكن اليوم غير أمس فباللأمس كنت لاأرى الصورة بوضوح ولكن اليوم أنا أرى الصورة جيدا ووجدت نفسى أكثر ثقة بنفسى وأكثر وضوحا وكل هذه الكلمات ظلت تدوار فى عقلى حتى وجدت نفسى على باب منزلى ووجدت خطيبى ينتظرنى ففرحت لرؤيتة فى هذا الوقت وكأننى أراه لأول مرة فكان بنتظرنى لكى يخبرنى بموعد زفافانا وبعدما أخبرنى بهذا الخبر السعيد ودعته بأبتسامة جعلته يشعر منها بسعادتى لبداية حياتى معه وبعدما ذهب دخلت المنزل وأنا لا أذكر شىء سوى الشخص الذى سأبدا حياتى الجديدة معه وهذا اللقاء جعلنى أفهم أنا الحب الحقيقى ليس فقط نظرة او لقاء او كلمة جميلة الحب أيضا هو الذى يجعل القلب يشعر بالأمان والأستقرار....(الحب الأول لاينسى ولكن لاتجعلها يحطم حياتك )

مرسل: **12 نوفمبر 2008, 8:14 pm**

انتى رائعه اوى ياتنهيده قولتى فى كلامك حكمه جميله افادتنى كتير

بجد برافو عليكى

مرسل: **13 نوفمبر 2008, 7:58 pm**

الله على توارد الأفكار

تصدقى ياتنهيدة إنى مريت بنفس الموقف ده من كام سنة تقريبا مع إختلافات بسيطة وساعتها بردو كتبت خاطرة تشبه لدى بالظبط أولها حنين للحب القديم...ووسطها رجوع للعقل وللى بيحبك بجد..والنهاية سعادة فى حب حقيقى..نفس التفاصيل اللى كتبتها تقريبا

ده توارد إحساس كمان ياتنهيدة مش توارد أفكار بس

والصورة اللى أنتى رسمتيها للحنين ناحية الحب القديم والتغل على الحنين ده وفى النهاية الفرحة بالحب الحالى الحقيقى والحكمة الأخيرة: الحب الأول لاينسى...ولكن لاتجعله يحطم حياتك
بجد اختصرتى معانى جميلة كتيرة أوى فى الحكمة دى...وعاجبانى على فكرة الإتجاه اللى خدتيه المدة اللى فاتت انك تكتبى حكمة فى أخر كل خاطرة ليكى...بجد طريقة مميزة وجميلة عشان توصلى خلاصة تجربة والفكرة العامة من الخاطرة دى...تحية من القلب لأديبة ذات كلمات مليئة بالأحاسيس والمعانى

مرسل: **14 نوفمبر 2008, 6:08 am**

بشكرك ياايه على كلامك الجميل وانتى كمان ياوليد وانا سعيدة جدا لان افكارى تواردت مع افكار مبدع زيك ياريت ياوليد تعرض خاطرتك وانا متأكدة انها حتكون أجمل بكتير لانى بصراحة بصدق كلماتك واحساسك ....

مرسل: **14 نوفمبر 2008, 11:17 pm**

مبدع ايه بس والله ده عشان إحساسى فى الكتابة بيوصلك وبتصدقيه كويس أوى لأنه يشبه لإحساسك فعشان كده بتحبى كلامى زى ما انا بحب وبستنى كلامك

وان شاء الله هأعرض الخاطرة بتاعتى بس عشان أوريهالك مش عشان هتبقى أجمل ولاحاجة...لو عالجمال أتأكدى ان خاطرتك أجمل وفيها إحساس أكتر بكتير من الخاطرة بتاعتى

ولما هتقريها هتعرفى ان شاء الله...وعلى فكرة انا لسه مستنى تكتبى قصة زى ماوعدتى...أو حتى رواية يعنى أنا مش طماع

بس بجد عايز أقرالك أكتر وأكتر لأنى أول مرة أصادف حد بيكتب بإحساس زى إحساسى بالظبط وأكتر زيك ...مستنى كتابتك الجاية بقى ياتنهيدة

وكمان مستنى الوزارة بتاعتك

مرسل: **15 نوفمبر 2008, 12:54 pm**

كلمات معبرة جدا ً وأسلوب جيد وجماله في بساطته وصدقه فالحب فعلا ً ليس كلمة تقال أو نظرة ترسلها عين إلى عين ولكنه عطاء يبذله كل طرف للآخر مع إحساسه أنه لم يقدم لحبيبه سوى اليسير.

مرسل: **15 نوفمبر 2008, 2:20 pm**

كلمات جميلة ومشاعر اجمل ياتنهيدة كالعادة
بس كده يعنى اتخطبتى من غير ماتعزمينى

مرسل: **15 نوفمبر 2008, 10:14 pm**

متشكره يامحمد على ردك وشكر خاص لحبيبة قلبى مريم وكنت عايزة ققولك انى انا بحس اى شىء بكتبه وعشان كده انتى صدقتى انى بطلة الخاطرة لكن انا ممكن برده اتخطب من غير ماعزمك ياجميل

أكاديمية ايجيبت رايت الأدبية

صدفة

صدفة

Re: صدفة

Re: صدفة

Re: صدفة

Re: صدفة

Re: صدفة

Re: صدفة

Re: صدفة