صفحة 1 من 2
لو يبقى الحلم حقيقة
مرسل: 12 نوفمبر 2008, 7:11 pm
بواسطة تنهيدة
لويبقى الحلم حقيقة ونشوف مصر جديدة مبنيه بجهد ولادها أيد كل المصريين أنا نفسى أشوفك يابلد أعظم بلاد الدنبا زى مكنتى وحتبقى مش بس بحضارة قديمة وكمان بحضارة جديدة من صنع بنات وولاد جيل الألفية التالتة ومش كتير علينا دا أحنا المصرين ليه بطلنا نحلم وكل شىء بقا صعب ليه خلاص رضينا بأى شىء سهل لازم نحلم ونحلم ونفسركل حلم لازم نقوم من النوم ونحرك أى سكون ونشوف الدنيا صح مش نفتخر بحضارة كل دورنا فيها بنتفرج عليها لازم يكون لنا دور ونحطم أى سور لازم نبدع ونصنع كل شىء بأيدينا مش سجادتى صلاتى نسجها حد تانى ليه قلمى يكون مصنوع فى بلاد بعيدة وغريبة وبقا كل شىء معانا مكتوب عليه أسم غير اسم بلادى مصر لازم نكون واعينا لكل شىء حوالينا نبدع نصنع وننتج وكل شىء بأدينا ليه الكل بيتقدم وأحنا واقفين مكانا ده أحنا المصرين بلد الحضارة والفن والعمارة وكل شىء جميل .... تيجو نرسم صورة لمصر وتكون من رسم أيدينا ونحقق فيها الحلم بس مش حتكون فى لوحة حتكون على أرضك يامصر لازم نورى العالم ازاى الحلم حيبقى حقيقة على أيد المصريين ونعمل حضارة لينا ولأجيال بعدين زى حضارة أجدادنا المصرين .....لو يبقى الحلم حقيقة
Re: لو يبقى الحلم حقيقة
مرسل: 12 نوفمبر 2008, 8:05 pm
بواسطة همسه
الله الله الله عليكى ياتنهيده اوجزتى فابدعتى كلام جميل هايل عبرتى عن اللى فى قلب كل واحد فينا بكلام بسيط بجد الله عليكىاتمنى لك التوفيق ان شاء الله اختك ايه
Re: لو يبقى الحلم حقيقة
مرسل: 13 نوفمبر 2008, 7:18 pm
بواسطة الأمير الحائر
أهلا بالأحلام الجميلة
وجمال الحلم لما يكون كل اللى حواليك بيحلو معاك بنفس الحلم, بجد أنا كمان دايما بقول وبحلم بنفس الكلام.. ان احنا بدل مانكتفى بالتظاهر والتباهى بحضارة 7000 سنة طب مانبتدى نعمل حضارة جديدة! ولا اللى هييجو ان شاء الله بعد 7000 سنة كمان هينسونا خالص ويقولو حضارة 14000 سنة
بجد بلادنا دى حلوة أوى بس لو قدرنا نحقق كل أحلامنا فيها بدل مانهرب بره عشاان ندور على أحلام ضايعة مننا وفى الأخر نستغرب العالم كله بيسبقنا ليه...عشان احنا اصلا بنحلم ونحقق لبلاد غيرنا ونسيب بلدنا...انما لو هنرسم معاكى ياتنهيدة الصورة الجميلة اللى انتى رسمتيها على لوحة أحلامك لمصر بلدنا وهى بتعلى بإيد ولادها بجد حالنا هيتغير كتير...لو يبقى الحلم حقيقة..بإيدينا
شكرا يتنهيدة على إحساسك وعلى حلمك الجميل وعلى التشبيهات والصور البلاغية الجميلة اللى جايز من غير ماتحسى وتقصديها إحساسك الجميل كتبها
ماتحرمناش من أحلامك دايما
Re: لو يبقى الحلم حقيقة
مرسل: 12 ديسمبر 2008, 9:03 pm
بواسطة هبة الله محمد
رائعة يا تنهيدة وياريت مصر تكون زي ما أنت قلت كده..
Re: لو يبقى الحلم حقيقة
مرسل: 12 ديسمبر 2008, 9:38 pm
بواسطة Dr.Sherif Magdy
تميزك يكمن فى بساطة أسلوبك وعدم التكلف وهو مايعطى لعملك الصدق والقرب إلى قلب القارئ كما لحظت فى خاطرتك المرشحة لاتأسرنى بحبك
أكملى على هذا الدرب من الصدق والبساطة فهو سبيل التميز فى أى مجال, تحياتى
Re: لو يبقى الحلم حقيقة
مرسل: 12 ديسمبر 2008, 10:14 pm
بواسطة تنهيدة
بشكرك جدا على هذه الكلمات التى تكفينى ان تكون جائزتى بجد انا سعيدة جدا بهذه الشهادة ولك منى كل التقدير
وبشكرك ياهبه على رأيك فى الخاطرة
Re: لو يبقى الحلم حقيقة
مرسل: 14 ديسمبر 2008, 4:53 pm
بواسطة المهاجر
لو يبقى الحلم حقيقة امتى بس يا تنهيدة
Re: لو يبقى الحلم حقيقة
مرسل: 31 مارس 2009, 7:31 am
بواسطة Ezz
عجيبه البلد دي مهما عملت فينا برضه بنحبها
Re: لو يبقى الحلم حقيقة
مرسل: 01 إبريل 2009, 9:25 pm
بواسطة تنهيدة
المهـــــاجر كتب:لو يبقى الحلم حقيقة امتى بس يا تنهيدة
أن شاء الله ياأحمد بأيدك وايدينا وأملنا فى بكرة حيبقى الحلم حقيقى