أكاديمية ايجيبت رايت الأدبية

ياحبيبتى حبى ليكى صعب يحسه البشر
احساس فى برائته طفل شفاف بلون نور القمر

حلم جميل بحلمه دنيا غير دنيتى
حياة بعد الحياة فيكى لقيت جنتى

كلام الدنيا كله صعب يوصل مشاعرى
والعالم كله باقوله باكتب لعنيكى عمرى

وبعمرى اللى ليكى باحلفلك واوعدك
ايامى هاعيشها ليكى بس عشان اسعدك

مش هازعل غير عشانك ودموعى بدل دموعك
والفرحة اللى فى عيونى عشان فرحة عيونك

بحبك حب الملايكة لربنا حب القلوب للفرح
حب صعب بالكلام والمعانى ينشرح

واللى عايزه بس منك صدقينى وحسى بيه
وفى عنيكى الاقى نظرة بتقول حبيبتى راضية علية

هايل ياخالد والله انت شاعر شامل بجد...وشعرك بيمس مواضيع كتيرة فى أسلوب مناسب لكل موضوع وبالذات مواضيع الحب متميز فيها جدا وأسلوبك رومانسى جدا, بحييك بجد ياخالد على أشعارك