اعتذار

[لوسفير]

اظن اننى اثرت المشاكل فى المنتدى للاداره ....وعضو لا اريد ذكر اسمه لكننى اظن اننى شخصيه سمجه ،كل ما اريده فى هذا الموضوع هو ان اقول ان تلك المشاكل تنبع عن طيب خاطر وليست مقصوده كما تظن الاداره ......لكن لمن اتطلع على موضوعى الشخصى الذى يتكلم عن شخصيتى ....سوف تعلمون ان الحياه العائليه مستحيله بالنسبه لى ......هذا هو السبب عندما حاولت ان اكون فرد فى عائله الاكاديميه ،واتمنى ان تكون الاداره غير غاضبه منى والاعضاء ....وشكرا شكلىاكثرت عليكم برده......كما تعلمون انا شخص سمج بس عن طيبه والله

[تنهيدة]

ولا مشاكل ولا حاجة ياأسلام كل الموضوع اننا فعلا كلنا فى الأكاديمية عائلة واحده وكلنا بنتعلم من بعضنا وأدارة الأكاديمية دايما بترسملنا الطريق الصحيح الا بيخلينا نعرف يعنى أيه مجتمع أدبى متطور ...وعلى فكرة ياأسلام انا مش بقولك كلام يرفع من روحك المعنوية ولا حاجة ..انت حقيقى كتاباتك مميزة ولها طابع خاص ..ولازم تحاول تغير فكرتك عن نفسك عشان تقدر توصل احساسك لكل الآحواليك ..ومينفعش ياأسلام تقول على خلق الله ان سمج ..انت انسان خلقة ربنا ونفخ فيه من روحه ..لازم تحاول تخرج من قوقعة اليأس الا ربط اسمك بيه لازم تعرف أنت اتخلقت ليه أحنا اتخلقنا عشان نصلح الأرض يعنى لازم تكون متصالح مع نفسك اكتر من كده عشان تتطور نفسك وتقدر تلمس حلمك وتحدد هدفك وبجد احنا سعداء بوجودك معانا ومش عشان موضوع اتحذف أوى اتقدملك تحذير على موضوع يبقى انت مرفوض بالعكس ادارة الأكاديمية بتعلمنا يعنى أيه التزام ..ومستنين باقى اجزاء رواياتك وكتاباتك وبنتمنالك التوفيق والأستمرار فى عائلتنا الجميلة

[لوسفير]

أشكرك يا تنهيده بكل جوارحى لكن .........انا بقول على حياتى الشخصيه اننى لا احب حياه الاسره بل افضل ان اكون وحيد ...ليس هذا جرح لعائله المنتدى لكن هذا الوضع انا اعيش به

[Ghadat2009]

الاعتذار ... شجاعه منك ....و معناها حرص منّك على عائلتك اللي تتمنى لك الخير و الإلتزام الجميل ..... مش حاقول اكتر من الكلام الرائع اللي قالته تنهيدة ..
و أهلا بيك من جديد ... وسط عائلتك الجميلة !!

[لوسفير]

شكرا يا غاده والله انا بقيت احب الحياه العائليه بسببك

[الأمير الحائر]

يمكن أكون أنا العضو اللى مضايق منك يا إسلام ومش راضى تذكر اسمه...وفعلا أنا مضايق جدا من امبارح بعد ماجيت وقريت موضوع " سلبيات " بعد الحذف..وبجد اتضايقت لأصرارك على كتابة عملين متتاليين ممنوعين وكأنك حابب الغلط ده جدا وعايزه يتحقق بأى وسيلة...ويمكن أكتر حاجة ضايقتنى هو كمان إصرارك الواضح على الغلط فى التعليقات كمان وبالذات التعليق ده

اكبر سلسله ساخره فى مصر تستخدم ثلك هذه الالفاظ بل اكثر من ذلك.....ايه رايك بقى

هو ليه عشان حد غلط واتشهر عمله يبقى معناه اننا نقلده؟ لو واحد فقد احترامه لنفسه وللى حواليه وكتب عمل منحط قال عليه " أدب " واتشهر مش بقراية العمل بل بغضب الناس منه...ده معناه اننا نقلده فى إنحطاطه الفكرى والأخلاقى والأدبى؟؟ ومين قال إن لغتنا العامية مافيهاش غير شتيمة وألفاظ جارحة؟؟

الأهم من الإعتذار..الإلتزام...والمشاكل مش دايما يا إسلام بتنبع عن طيب خاطر أو بحجة حسن النية...المشاكل بتنبع عن عدم مراقبة نفسك و سلوكك الإجتماعى مع اللى حواليك فى أى مكان أنت فيه مش هنا بس...وياريت ده يحصل فعلا ويكون الإعتذار فتح صفحة جديدة ونهاية لصفحة المشاكل اللى أنت اختلقتها بدون داعى...و ساعتها الجميع ممكن يسامحك ويرحب بيك مرة تانية...
أنا عارف إن تعليقى ممكن يبان قاسى...بس كنت هابقى منافق لو قلتلك إنى شخصيا سامحتك من غير ما أخرج اللى فى قلبى و أوضحلك كل النقط المهمة اللى ذكرتها...ويارب تكون وصلت..وربنا يوفقك معانا وفى حياتك.

[لوسفير]

بكل امانه انا مش قثدى اكتب ذلك ..لكن السلسله النى اقول لك عليها يكتب عليها اكثر من 10 مؤلفين مش واحد بس يعنى ده اسلوب عام .....وشكرا لك ايها الامير الحائر

[لوسفير]

معلش ونسيت ان الذى يكتب السلسله د(احمد خالد توفيق) از(محمد سامى)

[الأمير الحائر]

بجد ردك وضحلى إنك مافهمتش أى حاجة من اللى ذكرتها...وأنك لسه شايف إن أيا كان اللى كتبته مش غلط...بتقول فى ردك إن الغلط ده أسلوب عام...وبتتكلم عن أديب كبير أو غيره...هو ده بالظبط اللى مأخر عقلنا وتعاملاتنا كلها بجد...ماشيين مع التيار...مش بعقولنا...

" إن اتباع العامة فى الخطأ هو اكبر خطيئة انسانية يقترفها الإنسان فى أى عصر...لقتله عقله واتباعه لأفكار الأخرين الخاطئة مسلما بأنها الصواب.. لعمومها وانتشارها بين الجميع.. رغم أنها خرجت من عقل مثل عقله..وقابلة للخطأ والصواب مثلها مثل أى حقيقة على وجه الكون "

الكلام ده مش رأيى وبس...إنما ملخص رأى الفلاسفة والمفكرين منذ بداية التاريخ.. اللى فكروا وما اتبعوش كل اللى حواليهم حتى لو كان غلط بدون إرادة و تفكير...
بعيدا عن كل الموضوع يا إسلام..فيه سؤال يهمنى دلوقتى أعرف إجابته..أنت عندك كام سنة...؟!

[ابن مصر]

مع احترامى لاراء الجميع لكن لكل انسان هفوة و اعتقد ان اسلام قد تعلم من خطاه
و بجد يا اسلام انا عجبنى اسلوبك و فكرك بس يا ريت انك تتقبل النقد بصدر رحب و ان تتعلم من اخطائك ولا ضرر فى ذلك فكل انسان على و جه الارض يتعلم ولا يستطيع اى انسان ان يصل الى قمة المعرف فارجو منك ان تتقبل النقد بصدر رحب و انا الى ثانى مرة ارحب بيك كعضو معنا فى اسرة الاكاديمية