أكاديمية ايجيبت رايت الأدبية

مصر يا درب من دروب السلام
خلصنا فيكى يا بلدنا احلى كلام
الماضى فينا مات ونسينا الآالام
نور الشمس يا بلدى هو نورك
تفضلى تنوري دروب الظلام
لو فجروا فينا قنابل تفضلى ام المآذن
من اللى فات للى جاى احلى كلام
ضربوا اقتصاد ضربوا سياحة
تفضلى يا مصر بلد السماحة
يهددونا او يرعبونا مش راح نسالم
بيهدوا فيكى بكل وقاحة
تسلمي يا مصر يا رمز الكفاح
هى الكلاب دايما تهوى النباح
والاسد ماشى على درب النجاح
الكل رايح وتفضلى بلد السماح
نور الشمس يا بلدنا نورك
مهما حاولوا يخوفونا او يهددوك
نفضل اسود وقت ما تزأر
لازم ولا بد تسكت كل الديوك
مهما حاولوا يرعبونا او يسرقوك
او حتى يا اما من خيرك يسلبوك
حاولوا كتير عن قضاياكى يسجنوك
ويلهم من اللى جاى لو حتى باعوك
نفضل يا بلدنا فداكى مهما حاولوا يدبحوك
نور الشمس يا بلدنا نورك
مهما حاولو يطفو نورك
تنورك مدينتك او حتى كفورك
اضربونا وقتلونا لكن ابدا ما هتسكتونا
سايح كان يزورنا بعملة صعبة
نحميه وياخد منا سلامه
هى دى مصر دايما حملاها امانة
ادخلوها سالمين واخرجوا منها بسلامة
ضربوا اقتصاد ضربوا سياحة
تفضلى يا مصر بلد السياحة

واللهى خاطرة جميلة جدااا ياأحمد والأجمل الأحساس الا أتكتب بية لانك دايما بتحاول تخرج احساسك بأى موقف يحصل فى مصر وتترجمة بأجمل الكلمات وبجد ياأحمد عجبتنى كل تعبيرات وكلماتك فى الخاطرة لانى حسيت أنها خرج من قلب موجوع أوى من الا بيحصل فى بلدة وبالأخص التفجيرات الا حصلت النهاردة شىء مؤسف جدا بحيك على أحساسك دايما بكل المواقف الا بتحصل فى بلدنا الحبيبة مصر وكلنا بنتمنى معاك ان مصر تفضل بلد الأمن والأمان وميأثرش فيها أى أفعال مشينة زى الا حصلت النهاردة

ماشاءالله .... خاطرة جميلة جدا .. فيها حس وطني صادق و عالي و يمكن حسيت فيها بكلام كتير بين السطور كمان !
أكيد ده أول عمل ادبي يظهر بالسرعة المؤثرة دي .. بعد الحادث المؤسف ! كالعادة ... سبق لكنه هذه المرة سبق أدبي !
تمنياتي بمزيد من الإبداع

اشكرك يا غادة على كلماتك الرقيقة فى حق الخاطرة وربنا يسهل وما يكونش الاخير بس