و اعذريهم...

[الأمير الحائر]

واعذريهم...

لو مهما قالوا...
كلام عليكى

لو مهما عاتبوا...
ولاموا فيكى

لو مهما قالوا...
عيشى ليكى..

وكفاية قلبك حب
للكل من حواليكى

مين بس شايف قلبك
حاسس..
بكل مافيكى؟
.....


واعذريهم

ولا حد منهم شاف
رقة ملاك فى عيونك

ولا حد ممكن يسمع
نغم الأمل فى جفونك

مين بس يقدر يرسم
لون الأمان فى خدودك

مين زيى يقدر يقرى
همس الحروف فى سكوتك

مين غيرى ممكن يلمس
ورد القمر فى صوتك

مين قلب حاسس بقلبك
مين حل أسرار..
كونك
.....


واعذريهم

لو شافوا نجمة فى الأيادى
كانوا عرفوا.. أنتى مين...

لو شافوا شمس الليل
كانوا عرفوا حلمك سنين

لو شافوا قمر النهار
كانوا حسوا أملك فين

لو شافوا بس قلبك...
رقتك..روحك..وحلمك...

كانو دابوا زيى..

وبقوا عاشقين

...........

[تنهيدة]

جميلة ورقيقة أوى ..حسيت انها ورده بيهديها حبيب لحبيبتة لتخفيف الامها ...عجبنى أوى تعبيراتك الا بتقول...
مين زيى يقدر يقرى
همس الحروف فى سكوتك

مين غيرى ممكن يلمس
ورد القمر فى صوتك

مين قلب حاسس بقلبك
مين حل أسرار..
كونك
بجد رائعة ملينه بالحب الا مش محتاج يتقال هو بس يتحس ...حقيقى كلها أحساس ورومانسية ...بحيك جداااااااااااااااااااااااااا ياوليد ...وبجد انا مش عارفة أقولك مدى أعجابى بالقصيدة بس زى ما قلتلك هى مش محتاجة لكلام محتاج تتحس زى ما تكتبت باأحساس

[الأمير الحائر]

جميلة ورقيقة أوى ..حسيت انها ورده بيهديها حبيب لحبيبتة لتخفيف الامها ...

كالعادة ياتنهيدة بتوصلى للفكرة دايما فى كل حاجة بكتبها...هى فعلا أنا وأنا بكتبها حستها زى وردة حبيب لحبيبته...أو ورقة واحدة من وردة حب...وسعيد إن إحساسها عجبك والكلام والتعابير عجبتك...و أدينا بنكتب أشعار كمان عشان الناس اللى بتقول بننسحب..
وبشكرك ياتنهيدة جدا على رأيك و كلامك الجميل

[Ghadat2009]

روعة !! بل منتهى الرقة و الرومانسية و الروعة التي لا توصف فعلا !
الأمل أصبح له نغم .... و الأمان أصبح له لون ....
و التعبير الرائع : لو شافوا شمس الليل...كانوا عرفوا حلمك سنين -----
أحسست انه عاشق رومانسي مرهف الحس يربت بعذب كلماته بكل رقة على مشاعر محبوبته- التي لا تقل عنه رومانسية و رقة - ليهوّن عليها ظلم من تحبهم لها !
تهانينا على هذا الإبداع ... و الى الأروع دائما !

نيجي للجد بقى : المحارب الوحيد اللي كان معاك ! مرة يجاوب في مكان غلط و مرة يقول رفعت راية الاستسلام و هدنة مؤقتة و كلام جميل ....عشان كدة لازم تنضم للحزب بتاعنا و تبقى من الأحرار يا وليد !!

[الأمير الحائر]

روعة !! بل منتهى الرقة و الرومانسية و الروعة التي لا توصف فعلا !
الأمل أصبح له نغم .... و الأمان أصبح له لون ...
و التعبير الرائع : لو شافوا شمس الليل...كانوا عرفوا حلمك سنين -----
أحسست انه عاشق رومانسي مرهف الحس يربت بعذب كلماته بكل رقة على مشاعر محبوبته- التي لا تقل عنه رومانسية و رقة - ليهوّن عليها ظلم من تحبهم لها !
تهانينا على هذا الإبداع ... و الى الأروع دائما !

أنتى اللى تعليقك كالعادة رائع جدا ياغادة بشكرك جدا على الإحساس بالفكرة والتصورات اللى حاولت أوصل بيها فعلا المعانى اللى قولتيها...ويمكن التعبيرات المستحيلة اللى حاولت أوصل بيها فكرتى واللى أنتى اقتبستى واحد منهم أنا كان قصدى منهم أوضح فكرة إن الناس كتير بيشوفوا الظاهر لهم من الشخص من غير مايشوفوا المشاعر..والقلب..زى ما بالظبط مايقدروش يشوفوا الشمس بليل مع أن هى - فعليا وعلميا - هى اللى منورة الكون حتى فى الليل بوهبها النور للقمر...
بأشكرك ياغادة على تعليقك الجميل والعميق كالعادة

نيجي للجد بقى : المحارب الوحيد اللي كان معاك ! مرة يجاوب في مكان غلط و مرة يقول رفعت راية الاستسلام و هدنة مؤقتة و كلام جميل ....عشان كدة لازم تنضم للحزب بتاعنا و تبقى من الأحرار يا وليد !!

عاجبك كده يا أحمد عموما أنا متأكد إن أحمد غيابه مش استسلام وهروب من الحرب...وعلى كل حال إحنا حزب قوى والواحد مننا بألف سبعمية خمسة و ستين واحد وهنقاتل لحد أخر واحد من العدد الغريب اللى أنا قلته ده ...أما موضوع الإنضام لحزبكوا عشان بقيت لوحدى والأحرار وميدان العتبة والكلام اللى بتقولوا عليه ده من تاسع المستحيلات

[تنهيدة]

عاجبك كده يا أحمد عموما أنا متأكد إن أحمد غيابه مش استسلام وهروب من الحرب...وعلى كل حال إحنا حزب قوى والواحد مننا بألف سبعمية خمسة و ستين واحد وهنقاتل لحد أخر واحد من العدد الغريب اللى أنا قلته ده ...أما موضوع الإنضام لحزبكوا عشان بقيت لوحدى والأحرار وميدان العتبة والكلام اللى بتقولوا عليه ده من تاسع المستحيلات
أولا عجبنى جداااااا ردك على كلام غادة الرقيق ...ووصفك للشمس حقيقى هاااااااايل بس تعرف أنا كمان لما بشوف القمر منور بفكر فى الشمس الا بتمده بنورها بس حقيقى تحليل جميل
ومع أن ده مش مكان الحرب وقصيدتك الجميلة بتمنعنى أنى أتكلم لكن أنت الا ابتديت
وهو أصلا بئة فيه حزب أسمه حزب الولاد ياوليد يابنى ده أنقرض ...واحنا أصلا كل يوم بنزيد روح كدة لقائمة الأعضاء حتلاقينا مكتسحين ....واحمد خلاص رفع الراية وبيفكر ينضم معانا

[الأمير الحائر]

عاجبك كده يا أحمد عموما أنا متأكد إن أحمد غيابه مش استسلام وهروب من الحرب...وعلى كل حال إحنا حزب قوى والواحد مننا بألف سبعمية خمسة و ستين واحد وهنقاتل لحد أخر واحد من العدد الغريب اللى أنا قلته ده ...أما موضوع الإنضام لحزبكوا عشان بقيت لوحدى والأحرار وميدان العتبة والكلام اللى بتقولوا عليه ده من تاسع المستحيلات
أولا عجبنى جداااااا ردك على كلام غادة الرقيق ...ووصفك للشمس حقيقى هاااااااايل بس تعرف أنا كمان لما بشوف القمر منور بفكر فى الشمس الا بتمده بنورها بس حقيقى تحليل جميل
ومع أن ده مش مكان الحرب وقصيدتك الجميلة بتمنعنى أنى أتكلم لكن أنت الا ابتديت
وهو أصلا بئة فيه حزب أسمه حزب الولاد ياوليد يابنى ده أنقرض ...واحنا أصلا كل يوم بنزيد روح كدة لقائمة الأعضاء حتلاقينا مكتسحين ....واحمد خلاص رفع الراية وبيفكر ينضم معانا

بشكرك ياتنهيدة الأول على إعجابك بفكرة إرتباط الشمس والقمر...
نيجى بقى للحرب العالمية الخمستاشر قلنا الأحزاب مش بالعدد...وبعدين أنا مش عارف إزاى أنتو صدقتوا إن أحمد اللى صمد فى الحرب لوحده قدام حزبكوا كله ويشهد موضوع الألف قصة...فى ثانية كده هيستسلم ويرفع الراية...؟ بس كويس إنكوا صدقتوا...