صفحة 2 من 2
Re: إعلان نتيجة مسابقة الشهر الثالث
مرسل: 16 فبراير 2009, 9:25 pm
بواسطة المهاجر
مبروووووووووووووك لكل الفايزين والناجح يرفع ايده هييييييييييييييييييييييه مبروك بجد انا صدمت من الاعمال اللى اتقدمت للمسابقة وعلى رأى المعلق الرياضى احمد شوبير رغم كرهى ليه بس هاخد منه تعليقه ما فيش ولا احلى ولا اجمل من كدا بصراحة وبدون مبالغة الاعمال الفائزة بحق تعتبر من وجهة نظرى احسن الاعمال المقدمة فى الاكاديمية منذ بدأت مع احترامى للجميع ولكن الحق يقال فمبروك للجميع ولحزب البنات وليكم الوردة دى وانا بعلن راية الاستسلام لفترة مؤقتة حتى الرجوع
Re: إعلان نتيجة مسابقة الشهر الثالث
مرسل: 16 فبراير 2009, 9:32 pm
بواسطة الأمير الحائر
المهـــــاجر كتب: وانا بعلن راية الاستسلام لفترة مؤقتة حتى الرجوع
عيييييييييييييييييييييييييييييييييييييييييييييييييييييب عليك يا أحمد
ماتجيش غير منك أنت
Re: إعلان نتيجة مسابقة الشهر الثالث
مرسل: 16 فبراير 2009, 9:43 pm
بواسطة المهاجر
الأمير الحائر كتب:المهـــــاجر كتب: وانا بعلن راية الاستسلام لفترة مؤقتة حتى الرجوع
عيييييييييييييييييييييييييييييييييييييييييييييييييييييب عليك يا أحمد
ماتجيش غير منك أنت
ما قرأتش دى انت يا وليد انت لو قراتها هتعرف فترة وجاى بس للاسف ظروفى ملخبطة اليومين دول ومش هبقى موجود دا غير ان انتاجى الكتابى اقل وبقى كل مشاركاتى فى الاكاديمية ردود حتى لو كتبت حاجة انا ما ببقاش راضى عن ادائى فيها فمحتاج تجديد نشاط
Re: إعلان نتيجة مسابقة الشهر الثالث
مرسل: 16 فبراير 2009, 9:54 pm
بواسطة تنهيدة
كان نفسى أكون أول المهنيئين ..بس ملحوقة ...ألف ألف مبروك ياسالى ويادكتور هوب ..وياغادة حقيقى أعمالكم تستحق الفوز ...
وبشكركم كلكم على تعليقاتكم الجميلة ...بجد انا نفسى أهدى لكل وأحد فيكم أحلى الزهور الا فى الدنيا ...
بشكر الأكاديمية الا حقيقى وجودى من ضمن أعضاءه هو الفوز الحقيقى ...
بشكرها على مجهوده الرائع فى تحقيق هدفة .....
بتمنا لكل الأعضاء التوفيق وبشكركم تانى على تعليقاتكم الجميلة ....
وأنا بقة برسل باقات الورد الجميلة ده لكل الأكاديمية أدارتها وكمان أعضائها ...بس كل واحد ياخد وردة وأحده بس ...ومش عايزة طمع ياأحمد ...
Re: إعلان نتيجة مسابقة الشهر الثالث
مرسل: 17 فبراير 2009, 10:38 am
بواسطة walaa mohamed
Re: إعلان نتيجة مسابقة الشهر الثالث
مرسل: 17 فبراير 2009, 6:40 pm
بواسطة Ghadat2009
Re: إعلان نتيجة مسابقة الشهر الثالث
مرسل: 19 فبراير 2009, 9:59 pm
بواسطة هبة الله محمد
Egypt Write كتب:
المركز الثالث
تنهيدة
وداعا ياقلبى الحزين ..اليوم أودعك ولا أتمنى رجعوك..قد جائنى من أنسانى أحزانى ..وشفانى من جميع جراحى ..
قد بحثت عنه طويلا ...وحلمت به كثيرا..والان تحققت به جميع أحلامى ..
لن اتمنى شىء بعد اليوم هو كل أمنياتى ..
هو الصديق المخلص الذى شاركنى أحزانى ..
والحبيب الوفى الذى قاسمنى أحلامى ..وأحتوى قلبى ..وعلمه كيف يكون الحب ..وكيف يتمنى الأمانى ..
قد كنت قبله تائهة وسط احزانى ..وجائنى هو ليجعلنى أنسى الماضى ..
ولا أتذكر سوى لحظة ظهورة فى حياتى ..
أريد أن أعترف أمام العالم كله أننى وجدت من أنقذنى من بحر الأحزان وأرسانى بحبه على مرسى الأمان..
كان كالفارس الذى خطفنى وليس بحصانا أبيض ..ولكن بشخصيتة القوية ..واحترامه لوجودى..
وأحساسه بحريتى قد أمتلك قلبى ولكنه..أعطانى مفتاحه ...
هو ليس كالفارس بلا هو حقا فارس
هو الفارس ..الذى رسمت صورته فى خيالى ..
والأن لم يكن فقط صورة ..بل أصبح حقيقة وأصبح يملىء بحبه كل لحظات حياتى ...
وداعا أيها القلب الحزين وداعا ...اليوم أمتلكت قلبا أخر عنوان سعادته حبيبى ....
.
ألف..ألف مبروك يا تنهيدة وعقبال المركز الأول تاني إن شاء الله..وده يثبت أكثر إن انت موهوبة وممكن تكتبي في أي موضوع..
[/center]
Re: إعلان نتيجة مسابقة الشهر الثالث
مرسل: 19 فبراير 2009, 10:06 pm
بواسطة هبة الله محمد
Egypt Write كتب:
ghadat2009
اقفل شنطتك و اسمعني
ماشي من غير ماتودعني؟
دايما غاوي كده تعذبني !
تشمت الناس بي و توجعني
انت شاريني؟ ولا بايعني ؟
فلوس كتير؟ طيّب.. إيه يعني؟
أنا محتاجالك ياللي سامعني !
بتقول لي ايه؟هي أحسن مني ؟
طب ليه كده يابني ؟
عارفة انه كله بيكرهني
ده يسبني و ده يلعني !
إيه اللي يعرفوه عني ؟
دي الغيرة مني و من فنّي
و زعامتي للّي ظالمنّي
فهمتني و لاّ أغنّي ؟
ده حقيقي بقي زهقان منّي ؟!
طب ليه كده يابني ؟
عايزني أقنعك بإيه ؟
شايف أخوك و اللي حصل فيه؟
صرف كل اللي ف إيديه
ماباقاش حيلته نص جنيه !
جاله اللي ضحك عليه
" تذكرة..تأشيرة يا بيه ؟ "
و عللّي حصل .. يا عيني عليه !
مالنجمة جَرَيان ع المينا
مالقاش هناك أي سفينة !
لقاله واحد بلدينا !
قلّه : تعالى.. يا أخينا
الحلوة دي.. هتودينا
عبّارة إيه ! جديدة..متينة!
فاكر ازاي.. رجع لينا؟؟
عللّي حصل.. عيني علينا !
استنى!.. مخلصش كلامي !
و أخوك اللي جلدوه قدّامي
دكنور و قالوا عنه..حرامي !
ياحزني.. يا مرار أيامي
وداعك ...بيزيد آلامي !!
مش حاسس أبدا بغرامي ؟
صعبان عليّ
عمري اللي ضيعته عشانك !
يا دموع عينيّ
استنّي حبّة ف جريانك !
إيه في إيديّة
معملتوش و أهو قدامك !
طب يا بُنيّ
مترمنيش كده بسهامك !
قلبك عليّ؟
سيبك طب م اللّي ف بالك!
يابني اسمعني أبوس يدّك !
أنا أرضك .. أنا حتّة منّك
إزاي تقدر.. تنسى أمك؟
مين بعدي مين يسأل عنّك ؟
بلاش يضيع منّك سنّك ..
طب لمّا تمشي و تسيبني
مين فيّ يعمّر ... يبني ؟
و يرد عللّي ساببني ؟
و يضرب اللّي ناهبني
جاوبني ياللّي تاعبني؟
وانت بعيد مين يحميني؟
بُعدك مخوّفني.. هدّيني
أحضنّي..صبّرني..خبّيني!
طمّنّي على ولدك..نور عيني
لسّاك برضه ناوي تسافر ؟
حاسس إنّك منّي.. نافر؟
طب خلّي بالك ..خدلك ساتر !
مفيش أمان منين ما تهاجر
د انا حضنك وطنك مش فاكر؟
ابقى اسأل عني .. يا مهاجر
لو لسّه لي عندك خاطر !
.
ألف مبروك على الترشيح الشرفي وإن شاء الله المرة الجاية تكوني من الفايزيين لأن كتابتك جميلة جدا[/center]
Re: إعلان نتيجة مسابقة الشهر الثالث
مرسل: 19 فبراير 2009, 10:44 pm
بواسطة Ghadat2009
Re: إعلان نتيجة مسابقة الشهر الثالث
مرسل: 20 فبراير 2009, 9:56 pm
بواسطة هبة الله محمد
آه نسيت
ألف مبروك
لسالي إبراهيم
و
dr_hope