رباعيات مصر بتكتب ايه ( تدريب على المسابقة )

[Egypt Write]

مرحبا بكل الأعضاء, هذا أول تدريب على نظام المسابقة لكى يعتاد كل الأعضاء عليه
سيكون هذا الموضوع لأكمال قصيدة مصر بتكتب إيه...سنكتب هنا جزء منها و نترك لكل الأعضاء كتابة جزء منها...بيت أو بيتين أو أكثر..هذا التدريب لهواة الشعر أو لا..سيكون هناك تدريبات أخرى دائمة على أنواع الكتابة الأخرى, لذا إذا لم تكن تحب الشعر يمكنك انتظار التدريب فى المجال الذى تفضله, ولكن فى كل الأحوال يمكنك المساهمة ولو حتى ببيت واحد...التالى هو جزء من القصيدة, يمكنكم قرائته ثم كتابة أشعاركم فى نفس السياق والموضوع. ننتظر مواهبكم.

كان فيه فكرة...ضاعت ليه...؟
كان فيه كلمة...سطر...
حلم لو راح هتبكى عليه...
امسك قلمك اصحى تعالى...
ونشوف مصر هتكتب ايه...؟

***

جوه كل واحد منا..حرف...
كلمة قلم مكبوت...
كفاية حبسة ياقلم...
وكفايانا سكوت...
دى الكلمة لو ماعاشتش...بين السطور...
بتموت

***

اقرا ياعالم...مصر هتكتب...
كلام جديد...
اصحى يادنيا...مصر هتفضل...
للدنيا تقيد...
عقاد...جاهين...محفوظ..
وآدى التاريخ هيعيد
طول مالسه فى ايدينا القلم..
الأمل بيزيد...
قرب تعالى ياعالم...
ماتقفش هناك بعيد...
قرب جرب...يمكن تتعلم...
تعالى وشوف...
مصر بتكتب ايه....؟

***

ننتظر شعراء الأكاديمية وابداعهم فى أول تدريب واختبار.
إدارة الأكاديمية

[الأمير الحائر]

هو أنا ماليش فى الشعر أوى صراحة بس هأحاول

_____

كفاية اقتباس...
وهما كتبوا ايه...
احنا ولاد انهارده...
طب احنا...
كتبنا ايه...

ماكفاية خلاص...
سرقة و نقل...
اكتب ابدع...
ربك اداك ليه العقل...
هنا ابداع...
من غير نقل..
هنا...
مصر بتكتب ايه......؟
_______

أنا حاولت أمشى على نفس النسق ويارب يكون شعرى كويس

[قلب حزين]

شكرا للإدارة على بدء التدريب على المسابقة وكمان عالقصيدة الجميلة دى
وأمير هايلة على فكرة التكملة بتاعتك
أنا هأحاول أقلد شوية بردوفى الكلام وحتى فى النقط
هنا أكاديمية...
بس مافيش غياب وحضور...
هنا اغنى مكان فى الارض...
من غير فلوس وقصور...
هنا جامعة كبيرة...
بس من غير سور...
اكتب واقرى...
خلى كلامك يشوف النور...
هنا...
مصر بتكتب ايه.......؟

بصقف لنفسى, يارب تعجبكوا

[المهاجر]

معلش ممكن أسأل سؤال بس اصلى مهيس شوية

يعنى هنكمل من موهبتنا احنا ولا ايه يعنى ما فيش تقيد بابيات القصيدة مش فاهم فهمونى عايز اكسب

[تنهيدة]

طبعا أنا زى حالات مريم وأمير بس ححاول وكتبت أحساسى شايفاكى يامصر جميلة... ووحارب يأسى بقلمى.... ححقق حلمى بأيدى... وحكتب الا فى نفسى... ده أنا شايفة الدنيا جميلة... والعمر قصير فيها.... وبقلمى حطول عمرى... وكتابتى تعبر عنى... وبكرة العالم حيشوف ... مصر بتكتب أيه..؟ يارب مجهودى يعجبكم

[الأمير الحائر]

رجوع خاص للموضوع عشان أحيى تنهيدة على الكلام الجميل اللى كتبته...وفعلا مصر مهما حصل هنشوفها جميلة... بس كل ده ومش ليكى فى الشعر ده انتى ولا أجمل شاعرة بإحساسك ده مش قلتلك بإحساسك ممكن تكتبى أى حاجة

ومريم هايل جدا مشاركتك وعجبنى تعبير جامعة من غير سور اوى
وردا على أحمد اقرا العنوان ياأحمد تدريب على المسابقة يعنى واضح اوى ان الإدارة قصدها بس تدريب على نظام المسابقة بأن احنا هنكتب فى نفس الموضوع عشان يظهر موهبة كل واحد فينا واحساسه...ده اللى متهيألى الإدارة تقصده عشان تعرفنا يعنى نظام تصفية المسابقة ولو انا غلط ياريت يصلحوا اللى قلته المهم يلا يا أحمد فين تكملتك مستنيين نقراها انت وخالد وأية وكل الكتاب اللى فى الأكاديمية

[المهاجر]

السلام عليكم

إن شاء الله جاى بالليل ومعايا التكملة بس العملية دلوقتى معايا ضايعة خالص ومش مركز ربنا يسهل عشان فيه مفأجاة ويا رب تعجبكم

[الأمير الحائر]

واحنا مستنيين المفاجأة ياأحمد وربنا يكون فى عونك أنا عارف تجارة صعبة اد ايه

[خالد]

احضن حلمك قرب بيه
شمر وابدأ خايف ليه
كلمة قلمك حالا توصل
يالا بسرعه اليأس ارميه
وتعالى نشوف..مصر هاتكتب ايه
طول ما قلبك لسه بينبض
فكر عبر اكتب اسرد
اوعى كلامك فى الهوا يتبدد
شارك يعنى هاتخسر ايه
وتعالى نشوف00مصر هاتكتب ايه

[تنهيدة]

متشكرة اوى يأمير على ردك عليه وانك قولت رأيك فى كلماتى واللهى بدون مجملة كلماتك جميلة أوى وفعلا هنا أبداع من غير نقل..وكفاية معانا مبدع زيك يأمير أم مريم فكلماتها فى منتهى الجمال وأن كمان عجبنى اوى هناجامعة كبيرة بس من غير سور ...هايل يامريم ..وانت ياخالد كلماتك رائعة كلها تعبيرات حلوه أوى ..
انا نفسى المشاركات تزيد فى التدريب أكتر عايزين نشوف المواهب الجامدة الا معانا