سؤال:بتكتب ليه وامتى ولمين و ....؟؟
المشرف: تنهيدة
قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: سؤال:بتكتب ليه وامتى ولمين و ....؟؟
هــبة :
أولا : أشكرك لمرورك الجميل و المميز
1-اجابة ملفته ! بدأت تكتبي في سن صغير كده !
2- جميل ان زي ما بابا شجعك فانت بتشجعي أختك ...
3-بس المحاولة ما فيهاش ضرر برضه !
4-الف مبروك عالمركز التالت و يارب دايما !
5-
6- كلامك كان واضح فيه العقل و الهدوء لحد ما جت سيرة الماتشات !
7-واضح ان ثقافتك متنوعة و ده بيفيد جدا _ اعتقد- في الكتابة !
8- أيوة للأجيال القادمة !
9-حبك للكتابة جميل جدا !
سعدت بالتعرف الأدبي عليكي و اتمنى لك اجمل مستقبل مع الكتابة و التعبير الحر عن كل ما تريدين !
أولا : أشكرك لمرورك الجميل و المميز
1-اجابة ملفته ! بدأت تكتبي في سن صغير كده !
2- جميل ان زي ما بابا شجعك فانت بتشجعي أختك ...
3-بس المحاولة ما فيهاش ضرر برضه !
4-الف مبروك عالمركز التالت و يارب دايما !
5-
6- كلامك كان واضح فيه العقل و الهدوء لحد ما جت سيرة الماتشات !
7-واضح ان ثقافتك متنوعة و ده بيفيد جدا _ اعتقد- في الكتابة !
8- أيوة للأجيال القادمة !
9-حبك للكتابة جميل جدا !
سعدت بالتعرف الأدبي عليكي و اتمنى لك اجمل مستقبل مع الكتابة و التعبير الحر عن كل ما تريدين !
آخر تعديل بواسطة Ghadat2009 في 21 فبراير 2009, 3:52 am، تم التعديل مرة واحدة.
-
- أكاديمى نشيط
- مشاركات: 173
- اشترك في: 09 فبراير 2009, 9:17 am
- Favorite Quote: لا تنس ذكر الله
- مكان: مصر
- اتصال:
Re: سؤال:بتكتب ليه وامتى ولمين و ....؟؟
[quote]بيتهيألي كده ان عدم تمكنك من كتابة الرواية اللي عايز تكتبها وراه نظرتك -الساخرة طبعا - للقراءة على انها مجرد تضييع وقت ! يعني لو خدتها جد حتى لو بتكتب هزار حتقدر تكتب روائع ..[/quote][/size][/color]
أصبتِ كبد الحقيقة؛ ماشاء الله ..
اللهم إلا حكاية الروائع دي
من جديد شكرا على الموضوع المميّز
أصبتِ كبد الحقيقة؛ ماشاء الله ..
اللهم إلا حكاية الروائع دي
من جديد شكرا على الموضوع المميّز
حسبنا الله و نعم الوكيل !
-
- أكاديمى نشيط
- مشاركات: 174
- اشترك في: 09 فبراير 2009, 2:57 am
- Favorite Quote: لا حياة بدون يأس ولا يأس بدون حياة (وعجبى)
Re: سؤال:بتكتب ليه وامتى ولمين و ....؟؟
1-من قعده صفى مع نفسى
2-لا احد
3-نعم
4-نعم عبر المواقع وليس فى الحياء العمليه ..بسبب صغر سنى
5-انشاء روايات لى .....وان اشترك مع د(احمد خالد)...فى روايه ان شاء الله
6-تربيه الحيوانات والصيد
7-فى العالم العربى (احمد خالد)....والعالم (مركيز ) و(اميللى)
8-لنفسى
9-لا اعلم لكنى اجد فى كتابتى المغموره متعه غريبه ......ربما هكذا افضل
10-الروايات...و القصص القصيره
2-لا احد
3-نعم
4-نعم عبر المواقع وليس فى الحياء العمليه ..بسبب صغر سنى
5-انشاء روايات لى .....وان اشترك مع د(احمد خالد)...فى روايه ان شاء الله
6-تربيه الحيوانات والصيد
7-فى العالم العربى (احمد خالد)....والعالم (مركيز ) و(اميللى)
8-لنفسى
9-لا اعلم لكنى اجد فى كتابتى المغموره متعه غريبه ......ربما هكذا افضل
10-الروايات...و القصص القصيره
- الأمير الحائر
- مشرف قسم الروايات
- مشاركات: 859
- اشترك في: 31 أكتوبر 2008, 8:06 pm
- Real Name: وليد توفيق
- Favorite Quote: و تبقى الكلمات...
- verification: ID verified and trusted writer
Re: سؤال:بتكتب ليه وامتى ولمين و ....؟؟
مش عارف أشكرك إزاى يانهاد بجد على كلامك الجميل فى كل ردك وعلى إجاباتك الرائعة والجميلة جدا...وأنا أسعد كاتب فى الدنيا بحبك لكتاباتى...تنهيدة كتب: بقرأ ليكمكلكم ...واللهى بجد أنا بحب قوى أقراه كتاباتكم ...بحب أقراه كل كتاباتوليد بحس أنه متنوع وانه كاتب شامل المفروض يكون بقه أسمه على كتب..
أنا بجد مش عارف ليه الأيام دى بقيت بأسمع كلمة الفيلسوف دى عليا كتير...بس بأشكرك ياغادة بجد على الألقاب الجميلة وأنا فعلا حتى كنت بكتب اسمى زمان تحت كتاباتى " أمير الرومانسية الحائر " وبعد كده استطولت الإسم ده غير إنى بقيت بكتب فى حاجات كتير غير الرومانسية...بس زى ماقولت أكتر حاجة بحب أكتبها هى الرومانسيات عموما..لإنها مناسبة لشخصيتى أكتر...ghadat2009 كتب:إجاباتك بجد رائعة جدا ! اسمح لي أطلق عليك أمير التأمل أو الفيلسوف الحالم
توقفت عند بدايتك : كتابة ساخرة و رسوم كاريكاتيرية و الآن حب الكتابة الرومانسية ... تطور مذهل !
أنتى فهمتى وجهة نظرى غلط خالص ياغادة...أنا عارف إن الفوز أمر مشجع للكاتب وفخر ليه...وماقولتش إنها عيب...ولا قولت إن لازم اللى يدخل مسابقة لا يكتب حبا فى الكتابة...لما قولت تعبير " مسابقاتى " كان قصدى إن فيه ناس قاعدة ليل نهار تدور على مسابقات تدخل فيها أعمالها من غير ما تفكر تطور أعمالها أكتر بالعرض وبالمناقشة...وأنا أعرف ناس كده فعلا...وعشان كده قصدت أقول إنى مش مسابقاتى من النوعية دى..أنا بحب أعرض كتاباتى وأقرا كتابات تانية وهكذا..ده أفضل عندى من ألف مسابقة بجد..والدليل إنى ما إشتركتش غير فى مسابقة واحدة بس...ده كان قصدى...إنى بحب الكتابة للكتابة...ومش بحب المسابقات...ولا ربط بين حبى للكتابة ككتابة وبين عدم حبى للمسابقات..دى كلها تفضيلات شخصية ليا وأكيد فيه ناس كتير ليهم نفس الرأى وأخرين لهم رأى أخر...ghadat2009 كتب: لاأدري لماذا تحمل هذا الرأي للمسابقات ؟ أعتقد ان الفوز في المسابقات امرمشجع و ليس معناه ان من يدخلها لا يكتب حبا في الكتابة ...
كنت..فى هندسة..وهى سبب بعدى عن أى نشاط..حاليا فى أداب قسم فلسفة...ولذلك متفرغ أكثر حاليا لهواياتى...وأهمها الكتابة هنا فى الأكاديمية...ghadat2009 كتب: بس واضح انك كاره نظام التعليم و الكلية بتاعتك ( هي كلية أدبية ام لا؟)
بشكرك ياغادة ..بس نسيتى أنتى كمان تعرفينا ادبيا عليكى...ghadat2009 كتب: يسعدني جدا ان تقرا لي و استفيد من تعليقاتك العميقة المستفيضة الأكثر من رائعة بصراحة
أشكرك جدا على تعريفنا بك أدبيا
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: سؤال:بتكتب ليه وامتى ولمين و ....؟؟
أشكرك يا وليد على انك فكرتني أجاوب على أسئلتي ...كنت ناسية فعلا!!
1- يا ترى اكتشفت امتى وازاي حبك للكتابة ؟
من أيام ابتدائي كنت بحب جدا مواضيغ الإنشاء و باخترع مواضيع اكتب فيها و كنت باخد درجات عالية فيها- لما كنا نروح أي رحلة مدرسية أو عائلية كنت أحب أكتب عنها ..و لما بقيت في ثانوي بدأت أكتب أحاسيسي بس لنفسي..
2- فيه حد شجعك أو وجهك ؟
أختي كانت دايما تشجعني اني أستمر في الكتابة ...و كمان مدرساتي للغة العربية كانوا أجمل تشجيع لي - أما تشجيع أصدقائي الجدد في الأكاديمية الجميلة دي فهو أكبرتشجيع حصلت عليه في حياتي و أخص بالذكر و الامتنان (الأمير الحائر وليد -و تنهيدة نهاد و هالة و مؤخر ا لارا و لوسفير .....و فريق الأكاديمية الأكثر من رائع )
3- جربت تكتب لمجلات أو جرايد ؟
جربت أكتب لمجلة اسمها ( هو و هي )
4- فزت بأي مسابقات أدبية؟
فزت مرتين مرة أظن بالمركز الثالث و مرة بالمركز الثاني في مسابقات الكتابة لمجلة هو و هي و كانت الجوائز ( نشر الأعمال +جوائز رمزية )
5- إيه هدفك من الكتابة ؟
أنا بحب الكتابة نفسها يعني ساعات اكتب عشان عايزة اكتب و بتكون نتيجة أحاسيس أو تخيلات أو تجارب لي أو للآخرين ... و ساعات أحس اني في بعض القضايا و الأمور نفسي أعمل حاجة بجد و لو مفيش في ايدي الا القلم فاحب يكون زي السلاح تمام - و باتمنى ساعات اكتب حاجة تسعد غيري او تنسيهم مشاغلهم او همومهم و لو دقايق !و كمان اتمنى اني في يوم اعرف اوصل لعقلية الطفل و اكتبله حاجة ممتعة و هادفة و افتكر ان ده شيء من النوع السهل الممتنع و لاّ ايه ؟
6- عندك هوايات غير الكتابة ؟
عندي هوايات : زي الرسم اللي مش لاقياله وقت اوي - رسم الكاريكاتيرو كنت باعمل مجلات حائط كاريكاتير - تعلم برامج كمبيوتر متنوعة مابين جرافيكس و مباديء برمجة- التحليل النفسي و قريت فيه كتير و كمان مرة اخدت كورس افادني جدا - تطوير نفسي لغويا و تنمويا ..... يعني! انا كده طولت عليكم
7- بتقرأ لمين؟
قراءاتي متنوعة و كل فترة احس بتغلب مجال على الآخر فمثلا في فترة كنت أقرأ لشكسبير و أخرى لنجيب محفوظ-احسان عبد القدوس -أنيس منصور-يوسف معاطي-أجاثا كريستي - فرويد - و كثير جدا من كتب التحليل النفسي والآن مهتمة جدا بقراءة كتابات أعضاء الأكاديمية و خاصة فعلا : الأمير الحائر المتنوع و المتحدي و اعتبره نموذج يحتذى به - تنهيدة و كتاباتها باحساس عالي هبة و اسلوبها المشوق الممتع - لارا برقتها - هالة بخفة دمها - لو سفير بغموضه ......الخ و عذرا لمن لم اذكره لعدم الاطالة
8- بتكتب لمين ؟
لنفسي احيانا و لمن يحب ان يقرا ما اكتب ....احيانا احس اني اريد ان يقرأ كل الناس ما اكتب و ان يكون لي دور في تخفيف اعباء الحياة عليهم
9- بتحلم تحترف الكتابة ؟ولا تبقى هواية و بس!
اتمنى احترف لكن ان اظل اكتب بروح الهاوي
10-ايه المجال الأدبي اللي لقيت نفسك فيه أكتر من غيره ؟
بصراحة دايما كنت بحب القصة القصيرة و بعدها كتابة الخواطر أما دلوقتي فبجد أنا باستمتع بتجربة حاجة مختلفة زي المقالات و المذكرات الكوميدية و التجربة لا تضر بل تعطي خبرة و حتى ان فشلت فأنا أعتز بالمحاولة و من تاني باشكر وليد جدا على تشجيعي و باقي الأعضاء على اقتحام مجالات جديدة في الكتابة
1- يا ترى اكتشفت امتى وازاي حبك للكتابة ؟
من أيام ابتدائي كنت بحب جدا مواضيغ الإنشاء و باخترع مواضيع اكتب فيها و كنت باخد درجات عالية فيها- لما كنا نروح أي رحلة مدرسية أو عائلية كنت أحب أكتب عنها ..و لما بقيت في ثانوي بدأت أكتب أحاسيسي بس لنفسي..
2- فيه حد شجعك أو وجهك ؟
أختي كانت دايما تشجعني اني أستمر في الكتابة ...و كمان مدرساتي للغة العربية كانوا أجمل تشجيع لي - أما تشجيع أصدقائي الجدد في الأكاديمية الجميلة دي فهو أكبرتشجيع حصلت عليه في حياتي و أخص بالذكر و الامتنان (الأمير الحائر وليد -و تنهيدة نهاد و هالة و مؤخر ا لارا و لوسفير .....و فريق الأكاديمية الأكثر من رائع )
3- جربت تكتب لمجلات أو جرايد ؟
جربت أكتب لمجلة اسمها ( هو و هي )
4- فزت بأي مسابقات أدبية؟
فزت مرتين مرة أظن بالمركز الثالث و مرة بالمركز الثاني في مسابقات الكتابة لمجلة هو و هي و كانت الجوائز ( نشر الأعمال +جوائز رمزية )
5- إيه هدفك من الكتابة ؟
أنا بحب الكتابة نفسها يعني ساعات اكتب عشان عايزة اكتب و بتكون نتيجة أحاسيس أو تخيلات أو تجارب لي أو للآخرين ... و ساعات أحس اني في بعض القضايا و الأمور نفسي أعمل حاجة بجد و لو مفيش في ايدي الا القلم فاحب يكون زي السلاح تمام - و باتمنى ساعات اكتب حاجة تسعد غيري او تنسيهم مشاغلهم او همومهم و لو دقايق !و كمان اتمنى اني في يوم اعرف اوصل لعقلية الطفل و اكتبله حاجة ممتعة و هادفة و افتكر ان ده شيء من النوع السهل الممتنع و لاّ ايه ؟
6- عندك هوايات غير الكتابة ؟
عندي هوايات : زي الرسم اللي مش لاقياله وقت اوي - رسم الكاريكاتيرو كنت باعمل مجلات حائط كاريكاتير - تعلم برامج كمبيوتر متنوعة مابين جرافيكس و مباديء برمجة- التحليل النفسي و قريت فيه كتير و كمان مرة اخدت كورس افادني جدا - تطوير نفسي لغويا و تنمويا ..... يعني! انا كده طولت عليكم
7- بتقرأ لمين؟
قراءاتي متنوعة و كل فترة احس بتغلب مجال على الآخر فمثلا في فترة كنت أقرأ لشكسبير و أخرى لنجيب محفوظ-احسان عبد القدوس -أنيس منصور-يوسف معاطي-أجاثا كريستي - فرويد - و كثير جدا من كتب التحليل النفسي والآن مهتمة جدا بقراءة كتابات أعضاء الأكاديمية و خاصة فعلا : الأمير الحائر المتنوع و المتحدي و اعتبره نموذج يحتذى به - تنهيدة و كتاباتها باحساس عالي هبة و اسلوبها المشوق الممتع - لارا برقتها - هالة بخفة دمها - لو سفير بغموضه ......الخ و عذرا لمن لم اذكره لعدم الاطالة
8- بتكتب لمين ؟
لنفسي احيانا و لمن يحب ان يقرا ما اكتب ....احيانا احس اني اريد ان يقرأ كل الناس ما اكتب و ان يكون لي دور في تخفيف اعباء الحياة عليهم
9- بتحلم تحترف الكتابة ؟ولا تبقى هواية و بس!
اتمنى احترف لكن ان اظل اكتب بروح الهاوي
10-ايه المجال الأدبي اللي لقيت نفسك فيه أكتر من غيره ؟
بصراحة دايما كنت بحب القصة القصيرة و بعدها كتابة الخواطر أما دلوقتي فبجد أنا باستمتع بتجربة حاجة مختلفة زي المقالات و المذكرات الكوميدية و التجربة لا تضر بل تعطي خبرة و حتى ان فشلت فأنا أعتز بالمحاولة و من تاني باشكر وليد جدا على تشجيعي و باقي الأعضاء على اقتحام مجالات جديدة في الكتابة
- الأمير الحائر
- مشرف قسم الروايات
- مشاركات: 859
- اشترك في: 31 أكتوبر 2008, 8:06 pm
- Real Name: وليد توفيق
- Favorite Quote: و تبقى الكلمات...
- verification: ID verified and trusted writer
Re: سؤال:بتكتب ليه وامتى ولمين و ....؟؟
بما إن أنتى صاحبة الموضوع ياغادة ومش ينفع تردى على ردك فخلينى أخد دورك وطريقتك المرة دى فى الرد على تعريفك الأدبى بنفسك...( وده مع إنك من الحزب المعادى بس يلا...عدى الجمايل )
جميل التنوع ده فى هواياتك و فيها كتير من هواياتى كتصميم وبرمجة وكده..وكنت زمان بحب أقرا أوى فى علم النفس وبفكر أبقى دكتور نفسى قبل ما أعقل عشان مش يجننونى زى دكتورة سمية ...وأعتقد علم النفس بيفيد أصلا فى الكتابة عشان الكاتب يتعمق فى شخصية البطل و نفسية الشخوص فى العمل...يعنى الهواية دى ليها فايدة رائعة أدبيا...
سلام بقى كفاية كده إحتلال لدورك فى الموضوع
إزاى تنسى تجاوبى وأنتى اللى كاتبة الأسألة أصلا.. مش لازم تعملى نموذج إجابةghadat2009 كتب:أشكرك يا وليد على انك فكرتني أجاوب على أسئلتي ...كنت ناسية فعلا!!
والله فعلا أنا كنت ناسى إنى كمان كنت بحب مواضيع الإنشاء دى و مرة فى الإبتدائى كتبت قصة قصيرة فى إمتحان العربى فى خانة التعبير...وعشان كده كانت أقل الدرجات فى العربى تشجيع تشجيع يعنى بس كويس أنك كنتى بتاخدى درجات عالية..وموضوع إنك تكتبى عن الرحلات دى حاجة جميلة جدا ما بتجيش فى بال أى طفل عادة..وأعتقد تشجيع أختك والمدرسين فادك جدا..وشكرا على شكرك ليا ولكل زمايلنا فى الأكاديمية من المشجعين ليكى وإحنا أسعد بده أكيدghadat2009 كتب:
1- يا ترى اكتشفت امتى وازاي حبك للكتابة ؟
منأيام ابتدائي كنت بحب جدا مواضيغ الإنشاء و باخترع مواضيع اكتب فيها وكنت باخد درجات عالية فيها- لما كنا نروح أي رحلة مدرسية أو عائلية كنتأحب أكتب عنها ..و لما بقيت في ثانوي بدأت أكتب أحاسيسي بس لنفسي..
2- فيه حد شجعك أو وجهك ؟
أختي كانت دايما تشجعني اني أستمر في الكتابة ...و كمان مدرساتيللغة العربية كانوا أجمل تشجيع لي - أما تشجيع أصدقائي الجدد فيالأكاديمية الجميلة دي فهو أكبرتشجيع حصلت عليه في حياتي و أخص بالذكر والامتنان (الأمير الحائر وليد -و تنهيدة نهاد و هالة و مؤخر ا لارا و لوسفير .....و فريق الأكاديمية الأكثر من رائع )
أنا حاسس إنى قريت أو شفت مجلة بالإسم ده قبل كده...بس أمتى مش فاكر... ومبروك على الفوز ويارب فى يوم يتصدرلك عمل لمجلة أو جريدة كبيرةghadat2009 كتب:3- جربت تكتب لمجلات أو جرايد ؟
جربت أكتب لمجلة اسمها ( هو و هي )
4- فزت بأي مسابقات أدبية؟
فزتمرتين مرة أظن بالمركز الثالث و مرة بالمركز الثاني في مسابقات الكتابةلمجلة هو و هي و كانت الجوائز ( نشر الأعمال +جوائز رمزية )
إجاباتك هنا رائعة بجد..والوصول لعقلية الطفل بحاجة هادفة مش صعب أوى لو تعبنا فى خلق فكرة مناسبة..لكن العيب فى ناس بتستخف بعقول الأطفال وبالكتابات الموجهة ليهم..يعنى أنتى بس دورى على فكرة ومستنيين تحدى فى قسم أدب الأطفال كمانghadat2009 كتب:5- إيه هدفك من الكتابة ؟
أنابحب الكتابة نفسها يعني ساعات اكتب عشان عايزة اكتب و بتكون نتيجة أحاسيسأو تخيلات أو تجارب لي أو للآخرين ... و ساعات أحس اني في بعض القضايا والأمور نفسي أعمل حاجة بجد و لو مفيش في ايدي الا القلم فاحب يكون زيالسلاح تمام - و باتمنى ساعات اكتب حاجة تسعد غيري او تنسيهم مشاغلهم اوهمومهم و لو دقايق !و كمان اتمنى اني في يوم اعرف اوصل لعقلية الطفل واكتبله حاجة ممتعة و هادفة و افتكر ان ده شيء من النوع السهل الممتنع ولاّ ايه ؟
6- عندك هوايات غير الكتابة ؟
عنديهوايات : زي الرسم اللي مش لاقياله وقت اوي - رسم الكاريكاتيرو كنت باعملمجلات حائط كاريكاتير - تعلم برامج كمبيوتر متنوعة مابين جرافيكس و مباديءبرمجة- التحليل النفسي و قريت فيه كتير و كمان مرة اخدت كورس افادني جدا -تطوير نفسي لغويا و تنمويا ..... يعني! انا كده طولت عليكم
جميل التنوع ده فى هواياتك و فيها كتير من هواياتى كتصميم وبرمجة وكده..وكنت زمان بحب أقرا أوى فى علم النفس وبفكر أبقى دكتور نفسى قبل ما أعقل عشان مش يجننونى زى دكتورة سمية ...وأعتقد علم النفس بيفيد أصلا فى الكتابة عشان الكاتب يتعمق فى شخصية البطل و نفسية الشخوص فى العمل...يعنى الهواية دى ليها فايدة رائعة أدبيا...
جميل التنوع ده فى قرايتك...ودى حاجة تسعدنى جدا إنك حسيتى بفكرة التحدى لكتابة أنواع جديدة عشان نشوف إبداعاتك بكل شكل ولون أدبى..ghadat2009 كتب:
7- بتقرأ لمين؟
قراءاتيمتنوعة و كل فترة احس بتغلب مجال على الآخر فمثلا في فترة كنت أقرألشكسبير و أخرى لنجيب محفوظ-احسان عبد القدوس -أنيس منصور-يوسفمعاطي-أجاثا كريستي - فرويد - و كثير جدا من كتب التحليل النفسي والآنمهتمة جدا بقراءة كتابات أعضاء الأكاديمية و خاصة فعلا : الأمير الحائرالمتنوع و المتحدي و اعتبره نموذج يحتذى به - تنهيدة و كتاباتها باحساسعالي هبة و اسلوبها المشوق الممتع - لارا برقتها - هالة بخفة دمها - لوسفير بغموضه ......الخ و عذرا لمن لم اذكره لعدم الاطالة
8- بتكتب لمين ؟
لنفسي احيانا و لمن يحب ان يقرا ما اكتب ....احيانا احس اني اريد ان يقرأ كل الناس ما اكتب و ان يكون لي دور في تخفيف اعباء الحياة عليهم
الإجابة دى لوحدها حكاية..روح الهاوى.. إجابة رغم اختصارها لكن حقيقى خير الكلام ما قل ودل...وعشان كده لاتعليق غير رائع...ghadat2009 كتب:9- بتحلم تحترف الكتابة ؟ولا تبقى هواية و بس!
اتمنى احترف لكن ان اظل اكتب بروح الهاوي
بجد دى أسعد حاجة حصلت إنى شفتك بتدخلى فى المجالات الجديدة دى لأنى فعلا حاولت أوصل لكذا حد قبل كده فى الأكاديمية فكرة إقتحام مجالات جديدة اللى أنا طبقتها وسعيد بيها...وأنتى طبقتى الفكرة بطريقة رائعة جدا وزى ما قولتلك اللى يشوف حاجة زى مذكراتك الكوميدية الأولى ما يصدقش إنه أول تجربة..يعنى الفكرة نجحت معاكى بتقدير امتياز ويارب للأمام دايما ونشوفلك أعمال متنوعة جميلة...ghadat2009 كتب:10-ايه المجال الأدبي اللي لقيت نفسك فيه أكتر من غيره ؟
بصراحة دايما كنت بحب القصةالقصيرة و بعدها كتابة الخواطر أما دلوقتي فبجد أنا باستمتع بتجربة حاجةمختلفة زي المقالات و المذكرات الكوميدية و التجربة لا تضر بل تعطي خبرة وحتى ان فشلت فأنا أعتز بالمحاولة و من تاني باشكر وليد جدا على تشجيعي و باقي الأعضاء على اقتحام مجالات جديدة في الكتابة
سلام بقى كفاية كده إحتلال لدورك فى الموضوع
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
-
- مشرفة قسم أدب الأطفال
- مشاركات: 1291
- اشترك في: 04 نوفمبر 2008, 3:01 am
- Real Name: نهاد نعمان
- Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
- verification: ID verified and trusted writer
- مكان: بنت مصر
Re: سؤال:بتكتب ليه وامتى ولمين و ....؟؟
أنا حبيت أسجل أعجابى بأجوبتك ياغادة وحقيقى أجابات مميزة ...بس احنا أضطرينا نستعينا بمصحح خارجى من الحزب المعادى بس بصراحة هو كان منصف جدا وحلل الأجوبة بمنتهى الأمانة فأحنا بنشكره ..بس ده مش حيغير حاجة فى نظام الحرب
أرجع لآجاباتك الا بجد أستمتعت جدا وأنا بقرأها بس شدتنى أوى محترف بروح الهاوى بجد أجابة جميلة بتدل على شخصية جميلة وكاتبه مميزة جدا ..أنا بجد سعيدة بتواجدك معانا ياغادة وبتنوعك فى الكتابة وبحبك للأكاديمية وأعضاءها عجبتنى كمان هواياتك وشجعتنى جدا أنى أقول هوايتى أصل أنا كمان بحب أقراه فى كتب التحليل النفسى وعندى قدرة انى أسمع مشاكل الناس بس أصحابى كانوا بيضحكوا علية لما كنت بستعير من المكتبة كتب عن التحليل النفسى ...ومن الحاجات المفضلة بالنسبالى سماع الراديو تقريبا طول النهار فتحاه حتى وأنا نايمة بسيبه مفتوخ بموت فى سماع الآخبار بتاعت الراديو ..وعندى شوية هوايات طفولية شوية فبلاش أحس تسمعوه
بحيك ياغادة ويارب تحققى كل أحلامك وتبقى كاتبة مشهورة
أرجع لآجاباتك الا بجد أستمتعت جدا وأنا بقرأها بس شدتنى أوى محترف بروح الهاوى بجد أجابة جميلة بتدل على شخصية جميلة وكاتبه مميزة جدا ..أنا بجد سعيدة بتواجدك معانا ياغادة وبتنوعك فى الكتابة وبحبك للأكاديمية وأعضاءها عجبتنى كمان هواياتك وشجعتنى جدا أنى أقول هوايتى أصل أنا كمان بحب أقراه فى كتب التحليل النفسى وعندى قدرة انى أسمع مشاكل الناس بس أصحابى كانوا بيضحكوا علية لما كنت بستعير من المكتبة كتب عن التحليل النفسى ...ومن الحاجات المفضلة بالنسبالى سماع الراديو تقريبا طول النهار فتحاه حتى وأنا نايمة بسيبه مفتوخ بموت فى سماع الآخبار بتاعت الراديو ..وعندى شوية هوايات طفولية شوية فبلاش أحس تسمعوه
بحيك ياغادة ويارب تحققى كل أحلامك وتبقى كاتبة مشهورة
- Noorlay
- أكاديمى جديد
- مشاركات: 8
- اشترك في: 20 فبراير 2009, 2:53 am
- Favorite Quote: إذا جاءك الطعن من الخلف , فاعلم أنك فى المقدمة
Re: سؤال:بتكتب ليه وامتى ولمين و ....؟؟
ghadat2009 كتب:سؤال بيلح علي فقلت أجرب و اسأل ....
اسئله تااااااااااااااااااااااااااانى .... ماشى ما انا اصلى اتعودت !!!
1- يا ترى اكتشفت امتى وازاي حبك للكتابة ؟
امممممممم ....... اكتشفتها السنه اللى فاتت ..
ازاى ..ازاى ... ازاى ...
هو انا كنت باكتب خواطر ومش كانت فارقة معايا كنت باكتب وخلاص
وفجأه مسكت القلم وكتبت قصة قصيرة ....
كانت فكرتها عميقة واحداثها غريبة ... ساعتها عرفت انى موهوبة
2- فيه حد شجعك أو وجهك ؟
ماما ... شجعتنى جامد ولحد دلوقتى
3- جربت تكتب لمجلات أو جرايد ؟
لا ... دا لو اعتبرنا مجلة الكلية دى مجلة !!!!!
4- فزت بأي مسابقات أدبية؟
قدمت فى مسابقتين ... فى الكلية
واعلنو الفائزين فى كل الاقسام ..ماعدا القصة القصيرة !!!!
5- إيه هدفك من الكتابة ؟
اعبر عن الحياة عموما وعن كل فكرة بتجذب انتباهى
6- عندك هوايات غير الكتابة ؟
الرسم ....
7- بتقرأ لمين؟
اممممممممممم ....باحب اوى صلاح جاهين
واحسان عبد القدوس ...
لكن للاسف معظم كتبى عن ادباء اجانب
8- بتكتب لمين ؟
مش لحد ..... باكتب وخلاص
9- بتحلم تحترف الكتابة ؟ولا تبقى هواية و بس!
باحلم حاليا ابقى متميزة فيها فى مجتمعى الصغير النونو
لحد ما احقق اهدافى العلمية بعدها ان شاء الله احترفها .. دا لو هى على قد المستوى المطلوب
10-ايه المجال الأدبي اللي لقيت نفسك فيه أكتر من غيره ؟
القصة القصيرة .... على الرغم من انى باكتب خواطر كتير
لكن للقصة معزه خاصة ...باحس انى ممكن ابدع فيها
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: سؤال:بتكتب ليه وامتى ولمين و ....؟؟
طبعا ! انا متوقعة تريقة! ماهي المجلة دي كانت مغمورة شوية بس كانت جميلة ! و للأسف -من غير ما تضحك-قفلوها من مدة مش كبيرة !على فكرة انا ساعتها اتفاجئت جدا انهم نشروا لي فما بالك اني افوز معاهم ؟ سعادتي كانت كبيرة مع ان المجلة مش كبيرة !الأمير الحائر كتب:أنا حاسس إنى قريت أو شفت مجلة بالإسم ده قبل كده...بس أمتى مش فاكر... ومبروك على الفوز ويارب فى يوم يتصدرلك عمل لمجلة أو جريدة كبيرة
أشكرك على المدح الجميل ...بس أنا بحس انه صعب أو زي ما قلت سهل ممتنع ...يعني الطفل دلوقتي مش هيسمع الحكايات اللي كنا بنسمعها و نستمتع بيها و احنا صغيرين ..ده طفل الانترنت و الدش ! لازم توصله بشكل مناسب و مقنع ليه و هنا ..الصعوبة...مش عارفة هل فعلا أقدر أكتب للطفل؟ ممكن أحاول ..الأمير الحائر كتب: إجاباتك هنا رائعة بجد..والوصول لعقلية الطفل بحاجة هادفة مش صعب أوى لو تعبنا فى خلق فكرة مناسبة..لكن العيب فى ناس بتستخف بعقول الأطفال وبالكتابات الموجهة ليهم..يعنى أنتى بس دورى على فكرة ومستنيين تحدى فى قسم أدب الأطفال كمان
أنا بدأت أقرا في علم النفس من و أنا عمري 13 أو 14 سنة ! و بجد كنت باعشق القراية فيه و فكرت اتخصص في الحقل لكن كل شيء نصيب ..و علم النفس أفادني كتير في التعامل مع الناس و في هوايتي المصاحبة ليه و هي التحليل النفسي لي و للمحيطين بي ...و اكيد مفيد لما بكتب ... و سيبك من الدكتورة سمية ..دي هاتشوف أيااام !!الأمير الحائر كتب: جميل التنوع ده فى هواياتك و فيها كتير من هواياتى كتصميم وبرمجة وكده..وكنت زمان بحب أقرا أوى فى علم النفس وبفكر أبقى دكتور نفسى قبل ما أعقل عشان مش يجننونى زى دكتورة سمية ...وأعتقد علم النفس بيفيد أصلا فى الكتابة عشان الكاتب يتعمق فى شخصية البطل و نفسية الشخوص فى العمل...يعنى الهواية دى ليها فايدة رائعة أدبيا...
و الله انت اللي بتجيد فن دفع و تشجيع اللي حواليك بشكل ملفت و جميل !الأمير الحائر كتب: الإجابة دى لوحدها حكاية..روح الهاوى.. إجابة رغم اختصارها لكن حقيقى خير الكلام ما قل ودل...وعشان كده لاتعليق غير رائع...
امتياز !ربنا يكرمك ! سعيدة جدا برأيك !الأمير الحائر كتب: بجد دى أسعد حاجة حصلت إنى شفتك بتدخلى فى المجالات الجديدة دى لأنى فعلا حاولت أوصل لكذا حد قبل كده فى الأكاديمية فكرة إقتحام مجالات جديدة اللى أنا طبقتها وسعيد بيها...وأنتى طبقتى الفكرة بطريقة رائعة جدا وزى ما قولتلك اللى يشوف حاجة زى مذكراتك الكوميدية الأولى ما يصدقش إنه أول تجربة..يعنى الفكرة نجحت معاكى بتقدير امتياز
أشكرك جدا على تعليقك المميز جدا ...و باشكرك جدا على دعمك لكل من حولك .... و بجد وجودي معاكم فرق معايا كتير !الأمير الحائر كتب:ويارب للأمام دايما ونشوفلك أعمال متنوعة جميلة...
سلام بقى كفاية كده إحتلال لدورك فى الموضوع
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: سؤال:بتكتب ليه وامتى ولمين و ....؟؟
تنهيدة كتب:أنا حبيت أسجل أعجابى بأجوبتك ياغادة وحقيقى أجابات مميزة ...بس احنا أضطرينا نستعينا بمصحح خارجى من الحزب المعادى بس بصراحة هو كان منصف جدا وحلل الأجوبة بمنتهى الأمانة فأحنا بنشكره ..بس ده مش حيغير حاجة فى نظام الحرب
أرجع لآجاباتك الا بجد أستمتعت جدا وأنا بقرأها بس شدتنى أوى محترف بروح الهاوى بجد أجابة جميلة بتدل على شخصية جميلة وكاتبه مميزة جدا ..أنا بجد سعيدة بتواجدك معانا ياغادة وبتنوعك فى الكتابة وبحبك للأكاديمية وأعضاءها عجبتنى كمان هواياتك وشجعتنى جدا أنى أقول هوايتى أصل أنا كمان بحب أقراه فى كتب التحليل النفسى وعندى قدرة انى أسمع مشاكل الناس بس أصحابى كانوا بيضحكوا علية لما كنت بستعير من المكتبة كتب عن التحليل النفسى ...ومن الحاجات المفضلة بالنسبالى سماع الراديو تقريبا طول النهار فتحاه حتى وأنا نايمة بسيبه مفتوخ بموت فى سماع الآخبار بتاعت الراديو ..وعندى شوية هوايات طفولية شوية فبلاش أحس تسمعوه
بحيك ياغادة ويارب تحققى كل أحلامك وتبقى كاتبة مشهورة
دايما كلك ذوق و رقة كده ؟
أنا سعيدة جدا بقراءتك لكتب التحليل النفسي .. لكن مالكيش دعوة برأي أي حد بالذات في الهوايات ..دي شيء شخصي جدا ! اما سماع الراديو .. و على الأخبار ! فده اللي فعلا مميز في زمن النت و الدش ... بس بقى نفسي أعرف الهوايات الطفولية دي !
و باتمنى ربنا يحقق لك كل امنياتك و احلامك و تبقي ارق شاعرة و كاتبة