أكاديمية ايجيبت رايت الأدبية

كان ليا إقتراح للإدارة وأحب أشوف كمان رأي زملائى فى الأكاديمية عليه...بأقترح إنشاء قسم لأخبار الأدب والأدباء..بمعنى إن أى خبر عن أديب أو مسابقة أدبية كبيرة ممكن ننشره فى القسم ده...وده قسم شائع فى مواقع كتيرة...وهيبقى ليه أهميته من تعريف أعضاء الأكاديمية بأنشطة أدبية فى المحافظات المختلفة أو بمسابقات أدبية كبيرة...عشان أنا كنت عايز أتكلم على حاجات من دى كتير بس مش لاقى قسم مناسب وغير كده المواضيع دى دايما لازم يبقى فيها روابط..فخايف تبان كإعلان لمسابقة أو جهة معينة...فأعتقد لو فيه قسم خاص هيبقى أفضل كتير...
ثانيا عندى إقتراح تانى وهو الأهم فى نظرى...إن يبقى فيه قسم زى " قرأت لك " أو " كتاب جديد " للتعريف بأى كتاب قراه حد وعايز يعلق عليه ويكتب مقال عنه..كمان لو صاحب الكتاب نفسه دخل كتب مقدمة لكتابه وتعريف بيه هيبقى حاجة هايلة..ومش عارف بردو إذا كان الإقتراح ده ممكن ولا لأ لطبيعة الموضوع الإعلانية...بس أنا حاسسها أكتر كمفضلة للكتب و كمان عرض الكتب الجديدة...
أتمنى يكونوا الإقتراحين معقولين و أنا اقترحت أسماء مبدأية وياريت كل اللى يدخل يقترح اسم لو موافق على الفكرة عشان يبقى الإقتراح عملى...
خالص تحياتى

وانا معاك يا وليد بصراجة لانى ما اعرفش كتير من ادباء مصر فهتبقى فرصة اتعرف عليهم بدون تعب

الأمير الحائر,
نشكرك على اهتمامك, ويسعدنا دائما تقبل إقتراحات الأعضاء لتطوير الأكاديمية, فكما نؤكد دائماً, أعضاء الأكاديمية هم مالكوها ومؤسسوها الحقيقيون, ولذا نتمنى دائما ونسعى إلى ذلك التواصل بين إدارة الأكاديمية و أعضائها, لإضافة أقسام جديدة للأكاديمية أو تطوير قسم معين أو إضافة خواص وإمكانيات جديدة للموقع بشكل عام.
الإقتراحان المقدمان مهمان, و طبقا للردود على الإقتراحين حتى الأن بالموافقة يمكن تنفيذ كلا الإقتراحين قريبا مع أخذ أراء باقى الأعضاء, مع ملاحظة أن أى أقسام جديدة ستضاف كقسم فرعى فى قسم مناسب من الأقسام الحالية لعدم تطويل صفحة الأقسام الرئيسية وثقلها.
مع أطيب تمنياتنا بالتوفيق.
إدارة الأكاديمية.

واللهى بجد أقتراحين هايلين وانا طبعا موافقة عليهم جدااااااااااااااااااا وسعيدة أن الأكاديمية كمان وافقت علية لان بجد حيفيد كل الأعضاء أننا نعرف أخبار الأدب ده شىء مهم جدا وبكده احنا حنستفيد كلنا , وفكرة أن كل واحد قرأ كتاب يعلق علية او يكتب فية مقال بجد شىء مهم أنا عن نفسى حستنى الأقسام ده من دلوقت ..
وأنا حبه أشكر أدارة الأكاديمية على تواصلها الدائم مع الأعضاء..وبشكر وليد جدا انه بيمدنا بأفكاره الهايلة وان بيعرض علينا تجربته عشان كلنا نستفيد ...

بشكر الإدارة جدا على تجاوبها السريع...وبالنسبة لمكان القسم فمش هيبقى ليه أى تأثير..المهم وجود القسم...و بأشكركم على تواصلكم اللى هيشجعنى أقول كل اقتراحاتى بعد كده إن شاء الله عشان الأكاديمية تبقى أحسن دايما...
شكرا يا محمد جدا على تأييدك للفكرة وعلى توضيحك ويارب إن شاء الله باقى الأعضاء يأيدوها وتتنفذ فعلا..
وشكرا يا أحمد وفعلا فية كتير مننا معلوماتهم قليلة عن الأدباء والكتب ودى هتبقى معلومات مهمة لينا كمحبين للأدب فى موقع أدبى...
بجد شكرا ياتنهيدة على موافقتك وعلى رأيك الجميل..وأنا مستنى الأقسام كمان...لأن زى ماقولتى هى مشاركة بخبرة وبأفكار ولازم يبقى فيه مكان مخصوص ليه هنا بإعتبار هنا أكاديمية أدبية وثقافية...وبشكر معاكى الإدارة مرة تانية على تواصلها المشجع مع أعضاء الأكاديمية..
ومستنيين أراء باقى زمايلنا على الإقتراحات..

ياااه..دا كنا اتفقنا على الفكرة دي من زمان لدرجة غن انا افتكرت إنك صرفت عنها نظر بس كويس إنك رجعتلها تاني..وفكرتك الثانية أنا كنت بفكر فيها موضوع نكل واحد يكتب اسم الكتاب واسم الؤلف وتعليقه على الكتاب بس أنت سبقتني بفكرة أجمل..تحياتي.

فعلا ياهبة الفكرة من زمان لما قعدنا نتعازم على بعض وأنا كنت متردد يعنى فى طرح الإقتراح بس أعتقد تجاوب الإدارة مشجع جدا للإقتراحات...يعنى ابقى اقترحى بعد كده أنتى كمان ياهبة مش لازم نتعازم
و أنتى السبب فى تفكيرى فى القسم ده من الأساس ياهبة لما بعتيلى على الفيس بوك عن المسابقات الأدبية ومن بينها عرفت مؤسسة نجلاء محرم اللى دلوقتى بقيت عضو دايم فيها! يعنى شوفى مشاركة بسيطة بمعلومة غيرت اد ايه..ولو ماكنتش شاركتينى بالمعلومات دى كنت ممكن مش أعرف المؤسسة ولا أحضر وأهتم جدا بنشاطها..فالفكرة لما نطبقها هنا فى الأكاديمية هتبقى هايلة وهتفيد ناس كتير...ونفس الموضوع بالنسبة لمضلة الكتب...ويارب إن شاء الله بعد التأييد ده نشوف الأقسام دى قريب فى الأكاديمية لأنى شخصيا مستنيها جدا وعايز أكتب موضوعات كتير محضرها من دلوقتى..

الأمير الحائر,
بعد موافقة أغلبية الأعضاء على الإقتراحان, نعلن بدء القسمين تحت إسمى: أخبار الأدب, كتب وكتاب.
تم إضافة القسمين إلى قسم المقالات العامة, لذا سيكون إشراف القسمين للمشرف أحمد الصياد مشرف عام قسم المقالات.
ويسعدنا تقبل إقتراحات جميع الأعضاء فى أى وقت, لتطوير الأكاديمية وإنشاء أقسام جديدة حسب إتفاق الأعضاء.
مع أطيب تمنياتنا بالتوفيق,
إدارة الأكاديمية.

شكرا جزيلا على الاستجابة السريعة والمبهرة من Admin لاقتراحات الأعضاء..وقد شجعنى ذلك على السؤالين التاليين وقد أجهدنى التفكير والبحث عن الاجابة :
# السؤال الأول هو(لماذا لا يوجد قسم لقصيدة النثر وهى لون أدبى لا يمكن تجاهله لأنه قد فرض نفسه و بقوة على الساحة الأدبية) ؟؟؟؟
# السؤال الثانى هو ( لماذا لا تفصح الادارة عن أسماء بعض حكام المسابقة و أفراد الادارة وهوياتهم _ وهذا شىء يهم كل كاتب قبل أن يرسل أعماله الى الأكاديمى خاصة اذا لم يكن فى بداية الطريق أو مجرد باحث عن أصدقاء لل (شات) )_ وان ادعى البعض ان ذلك لايهمه؟؟؟؟...
و لا نخفى عليك سرا أيها ال Admin العزيز أنى و كثير من الأصدقاء نجد الكثير من الضيق بسبب التعامل مع المجهول.....وكذلك الكثير من الحرج من طرح هذا السؤال.

و أخيرا ..شكرا لسعة صدركم ....... و نرجو الافادة.