أكاديمية ايجيبت رايت الأدبية

غزلت نسيج أفكارى فتقاذفت أشعارى

فنسجت شعرا رقيقا لسكنى القلب والدار

الى من تعطينى البهجه والامل ليل نهار

الى من تهبنى الحياه والفرح حين ترانى

الى من احببتها ومكمن الهوى والاسرار

الى من لاقيتها فى يوم حسن الاقدار

الى من ناديتها وبالبسمه كانت بانتظارى

وتصافحنا سويا وعزلنا كل جدار

وبدأنا نتحدث معا وكونا رابطة واقتران

فأخذت كل عقلى وامتلكت كل افكارى

هى من نظر القمر اليها فقال سبحان مصور الانسان

عيناها كالجوهرتان تشعان حبا وجمال

ووجنتيها كالوردتان تبثان حسنا واحمرار

وشفتيها ذاكرتان دائما اسم الرحمن

فسبحان الخالق اذ أبدع ركب وعدل باحكام

خصالها حميده تحبها بغير كلام

سكنت بعيده عنى ولكن قريبه من كيانى

وآخر كلامى انت صديقتى ولو بعد زمان

جميل بجد ياأيه ولو دى صاحبتك بجد وبتحبيها كده يبقى يابختها بيكى
شعرك جميل اوى بجد ومتميز وان شاء الله يبقى ليكى مستقبل فى المجال ده
شكرا ياأية على الشعر وعلى الحب الجميل ده

الله على جمال الكلمات بجد ممتازة يا أية وأحلى مافيها الأحساس بالحب الحقيقى لصاحبتك
صراحة الحاجة اللى الواحد بيحسدكو عليها ساعات يابنات ان بتبقى صداقتكو جميلة جدا وبتحبو بعض بجد من غير مصالح ودى حاجة نادر مابلاقيها بين الولاد وبعض عشان كده الواحد لو ليه صاحب واحد بجد بيبقى فضل ونعمة يبوس ايده وش وضهر يارب يتعلمو منكوا

قصيدة مع بساطتها انما والله وراها معانى كتيرة اوى جميلة ومافيش اجمل من الصداقة الحقيقية اللى عبرتى عنها دى بحييكى علي القصيدة الجميلة دى ياهمسه

جميلة قوي..صعب نلاقي حد لسه بيكلم على الصداقة كده..الطبعي دلوقت هو يعني إيه كلة صداقة أصلا..

الأمير الحائر كتب:الله على جمال الكلمات بجد ممتازة يا أية وأحلى مافيها الأحساس بالحب الحقيقى لصاحبتك
صراحة الحاجة اللى الواحد بيحسدكو عليها ساعات يابنات ان بتبقى صداقتكو جميلة جدا وبتحبو بعض بجد من غير مصالح ودى حاجة نادر مابلاقيها بين الولاد وبعض عشان كده الواحد لو ليه صاحب واحد بجد بيبقى فضل ونعمة يبوس ايده وش وضهر يارب يتعلمو منكوا

غريبة البنات برضه بيفتكروا كده..إن الولاد هم اللي صحبيتهم كويسة مع بعض أما البنات فبتغير من بعض..الظاهر إن كله محصل بعضه..

هبة الله محمد كتب:غريبة البنات برضه بيفتكروا كده..إن الولاد هم اللي صحبيتهم كويسة مع بعض أما البنات فبتغير من بعض..الظاهر إن كله محصل بعضه..

ههههههههه أقولك ياهبة هو فعلا الولاد لما بيبقى فيه صحوبية بجد مثلا من الطفولة أو كده دى بتبقى أفضل وأرجل صحوبية انما صحوبيات الجامعة والشغل فشنك
وبالنسبة للبنات فصحوبيتهم بردو بتبقى كويسة بس ماعدا الغيرة دى لأنى لاحظتها فعلا بين بنات كتير حتى لو كانو أصحاب وأخوات...بس فى كلا الحالتين ده مش تعميم وساعات كده بتحصل فلتات ربنا يوعدنا بفلتة منهم