احلام مجانين
مرسل: 07 نوفمبر 2008, 2:38 am
معلش يا جماعة هتكلم كلام بس يمكن يكون كلام مجانين هو مش كلام هو حلم بحلم يبقى ما فيش فى مصرظلم حلم مجنون مش كده يمكن بس الحلم ده حلمته كتير وكان نفسى يتحقق نفسي كل مصرى يتعامل معاملة بشرية مش حيوانية . ولا زى ما بيقولوا يبقى فى خيار وفقوس حلم مجنون صح. ونفسى لما شخص عادى يروح يبلغ اي بلاغ فى البوليس يهتموا بيه مش انتا شغال ايه ولا هنبقى نعملك محضر ولا.. ممكن تشيل قضية بدل المحضر. نفسى ميكنش القاضى الى بيحقق العدل مرتشى نفسى يحكم بالعدل بين الناس حلم صعب صح. نفسى كل طالب ياخد حقه فى الامتحانات مش يبقى فى ...ده ابن وكيل الوزارة ..لا ده ابن الوزير.لا ده ابن مستشار ..ده ابن ك..ما علينا. نفسى فى حاجات كتيرة نفسى يبقى فى عدل عشان كده درست افكار كتيرة قريت عن جيفارا والشيوعية وعن الاخوان بس مش ده الى عايزه انا عايز عدل مش الشيوعية ولا الافكار المنحرفة ولا الاخوان ولا الحزب الوطنى.. احم احم. نفسى ما خافشى لما اخلف.. ده بعد عمر طويل.. ده ان اتجوزت نفسى ابنى يطلع بيحب البلد دى مش يشتم فيها... اسف على الكلام ده بس ده احلام مجانين صح بس يمكن تتحقق مين عارف