حرامى على الحدود....
مرسل: 29 ديسمبر 2008, 10:35 pm
حرامى على الحدود...
حرامى يا بلدنا على الحدود
حرامى نقض كل العهود
سرق البسمة وبنى بينا السدود
حرامى سرق ارضنا ارض الجدود
حرامى مسيره النار
ومسيرنا يا بلدنا لجنة الخلود
حرامى على الحدود...
بيقتل فى غزة اهلنا مع شعبنا
واحنا ما لينا يا ناس حكم على أرضنا
يا ريتنى كنت هناك محارب مش نايم هنا
عشان أموت اشهيد واقابل ربنا
حرامى على الحدود.....
سايبينه ليه يا ناس يهتك عرضنا
ويخلى الناس تغلط وتهد فى مصرنا
اصحوا يا ناس وفوقوا وافتكروا حربنا
حاربنا كتير يا ناس تب وانت يا عمنا
حرامى على الحدود...
عايش بقوت عيالنا وحارمنا من قدسنا
هنعيش لامتى قولولى دا الموت اهون لنا
حرامى بالصواريخ عمال بيبيد فى غزة اهلنا
واحنا يا ناس صابرين والصبر مننا
عاشت حماس يا ناس وعاشت مصرنا
حرامى على الحدود....
نفسى يا ناس اشوف العرب عملوا لينا ايه
حاربنا عشانهم كتير وشربنا مرهم
لو عايز تحارب روح حارب يا الله يا بيه
عشنا كتير نحارب ومن الموت عنينا وبنعانى
وكل دا وانا راضى لما الموت جانى
وانتوا يا عرب غنيتوا لينا روح وانسانى
حرامى على الحدود...
مالى بيوتنا خوف من اف 16 قبل الاباتشى
بس ما عرف انا قلوبنا حية وحالفة ما تموتشى
هيه الحياة كدا ليه تحرم علينا والقدس لسة ما جاتشى
حالف بعهد الله يا نصر يا شهادة ومن غير الله ما اخافشى
حرامى على الحدود.....
مرينا كتير بمره ودوام الحال من حاله
اعمل ايه تانى دلينى يا خاله
عشان سكتنا مرة اتهمونا يا ناس بالخيانة
احارب واسمع كلامهم واشوف الماضى وناره
ولا اسكت واللى يتكلم اقطعله لسانه
دلينى اعمل ايه تانى يا خاله
حرامى على الحدود....
واقف مستني لحظة غضب عشان تحلاله
ويهجم علينا فجأة والناس تخاف خياله
وتبقى ليهم يا عينى فى مصر دولة
ويتحقق املهم من الفرات للنيل دا اللى خايف منه
صبرنا كتير وصبر ايوب لازم له نهاية
ولو حتى هعيش فى العار الامان ما فى احسن منه
القدس هترجع لينا بس بقرار ممن خلق البشر والامة
عايزين يا ناس نعيش هى قطر احسن بالذمة
حرامى على الحدود .....
لازم يا ناس اعيش واحمى اخواتى وعيالى
مش بقول كفاية ولا بقول حتى وانا مالى
بس نفسى اشوف الحب لينا فى قلوبهم مالى
هو احنا حاربنا لمين مش للعرب ولا حاربنا لمالى
حرامى على الحدود ...
عايزينا نحاربه وننتحر من تانى
يحتل سينا فى ثانية وابكى على حالى
وابطل غنا وانسى من الالم موالى
حرامى على الحدود ......