أكاديمية ايجيبت رايت الأدبية

طبعا عدد تعداد سكان مصر حوالى 75 مليون مصرى نشيل منهم 10 مليون فى الخارج يبقى داخل مصر كام 65 مليون شيل منهم 10 مليون طفل يبقى العدد كام 55 مليون
مصرى لو كل واحد فيهم دفع جنيه وما حدش يقول ليه هتعرفوا وبطلوا بخل شوية المهم كل واحد لو دفع جنيه من ال 55 مليون مصرى هيبقى معانا كام 55 مليون جنيه طيب هنعمل بيهم ايه دول دول نجيب بيهم معونات ونوديها غزة وعايزينها تبقى حملة تبدأ من هنا ونسميها حملة ال 55 مليون جنيه ايه رايكم ادونى رايكم بسرعة

والله يا أحمد الموضوع مش صعب ومش حلم مستحيل وكده...يعنى بكل بساطة لو حد فى الأكاديمية هنا عنده حساب فى البنك مثلا وابتدينا نعمل الحملة دى هتمشى وهتنجح جدا ونساعد غزة على قد مانقدر...لكن المشكلة انك هتلاقى واحد أمور كده يطلعلك يحلل الأكاديمية والناس اللى فيها ودوافعها وأمانتها قبل مايطلع الجنيه المصون ويضيفه للحملة...دى مشكلتنا يا أحمد...عارف فكرة زى كده ممكن تنجح فى أى وقت لما الأكاديمية يكتر أعضائها وكده مابين الأعضاء لأنهم هيبقو عارفين الأكاديمية وأهدافها ايه وصدقها..يعنى المشكلة مش فى الجنيه ولا فى العشرة ولا الميه..لكن المشكلة هتعرف الشعب المصرى كله وتقوله يتبرع هنا ازاى...؟

ياريت كلنا فعلنا ياأحمد نشارك فى مساعدة اهلينا فى غزة أنا عن نفسى اتمنى أنا أتبرع بالدم وبالأموال لأنقاذ جريح وأحد من الموت وأنا بحاول أجد مكان أقدر من خلالة توصيل التبرعات عن طريق بعض المدارس التى تقوم بجمع التبرعات لحساب الهلال الأحمر المصرى وأول مايتم الأعلان فأكيد حكلم أصدقائى وجميع أهلى للمساهمة
وبحيك ياأحمد على المبادرة وأحساسك الجميل تجاه أهلينا فى غزة وزى مقال وليد ده مش حلم مستحيل وهو ده أحساسنا كلنا اننا نفسنا نساعدهم بكل من نقدر

فكرة جميلة جدا أضم فيها صوتي لصوتك وأحيك عليها ويا ريت ما نسألش إزاي لأن هناك حساب بكل بنك في مصر لجمع هذه التبرعات بالإضافة إلى لجان الزكاة التابعة لمشيخة الأزهر يعني ببساطة محدش له حجة .
لكن أنا مش موافق على استبعاد العشرة مليون طفل . ليه كل أب عنده طفل ميدفعش جنيه عن طفله عشان ربنا يحفظه ويجنبه ويلات الحروب وبكده نكون زي ما قلت نبطل بخل .
ربنا يكرمك على هذه الفكرة.