أكاديمية ايجيبت رايت الأدبية

ازيكو ياأعضاء انا طبعا مقدره ان كتير منكو فى أمتحانات ربنا يوفق الجميع عشان كده ان حبيت أنشط الأقسام الا تحت عشان اكتر عدد منكو يقدر يشارك بأرئه معانا وكمان منعطلكمش كتير
ففكرت فى موضوع الأسئلة كلنا بيدور جوانا كتير من الأسئلة بيكون نفسنا نسئلة لشخص معين او لمجموعة من الناس او حتى لنفسنا وكتير بنخاف نسئلة ليكون مالهاش أجابة بس لاقيت اننا نسئلة لبعضنا يمكن واحد فينا يقدر يجاوب على سؤال مكنش لية أجابة ؟
وياريت ياأصدقائى الأعزاء ان كل واحد فينا يسأل كل الأسئلة الا بدور فى نفسة ويخصص من ضمن الأسئلة سؤال يسأله لعضو من الأعضاء بس على شرط العضو الا حيتسأل السؤال يوعدنا أنه حيجاوب بصراحة
ياريت كلنا نشارك بعضنا فى حل أسئلتنا لان ده بجد حيعرفنا ويقربنا اكتر ببعض مستنية أسئلتكم وكمان أجوبتكم وانا كمان حقول كل الأسئلة الا بتدور فى بالى

موضوع جامد ياتنهيدة...وفعلا الناس كلها مشغولة عشان الإمتحانات ربنا يوفقهم ويوفقنا مع إن أنا أخر حاجة ممكن أفكر فيها موضوع المذاكرة أيام الإمتحانات دى...عيب
بصى أنا عندى أسألة كتير...هأقول بس بعضهم اللى بتزهقنى وأبقى بجد مخنوق ونفسى أعرف إجاباتهم...أولهم مثلا لما بركب أى مواصلة مقفولة أو أدخل مكتب كده فى أى شركة أو بنك وألقى حد بيشرب سجاير ومغرق الجو دخانة والناس كلها حواليه عمالة تكح وهاين عليها تقوم تقتله..وأبقى عايز أسأله انت ماعندكش دم ولا السجاير خلتك مابتحسش؟ وطبعا بأكتم سؤالى فى نفسى وبكتفى انى بقوله طفى السيجارة وفى الغالب لو محترم بيطفيها انما فيه ناس بيبقى فاضل فى السيجارة بشلن كده ومش هاين عليه يرميها وده بيبقى جابه لنفسه لأنى عدو لحاجة اسمها سجاير واللى بيشربوها وبطلع خنقتى من السيجارة عليه بس بردو ما بعرفش إجابة السؤال...هو ماعندوش دم ولا مابيحسش؟
فيه بردو سؤال كان نفسى أسأله لكل الحكومة وأصحاب المناصب بوجه عام....تعرفو ايه عن الكراسى الموسيقية...؟
وبلاش أسألة تانى عشان اللى جاى هيبقى فيه ضرب نار بجد بس بحييكى عالموضوع ياتنهيدة بجد هايل

تعرف ياوليد أنا كمان بضايق من كل واحد بيدخن ويجبر غيره أن يدخن بتدخينة فى الأماكن العامة والحل الا نفسى يتعمل اننا نقفل جميع مصانع السجاير واعلم ولادى ازاى ميدخنوش بأنهما يشفونى مبدخنش ..اما عن الكراسى الموسيقية فأنا مش حقدر اجوب عليها حخلى محمد يجاوب
بس ياوليد أنت نسيت تسأل سؤال لعضو من الأعضاء

معلش ياتنهيدة أنا خدت بالى بس مش كنت عايز أحرج حد عموما يلا سؤالى لأحمد الصياد ولو مش عايز يجاوب براحته طبعا...كنت عايز أسأله هو ليه غير اسمه للحاج أحمد وهو مش حج وبعدين كنت عايز أسأله هو زعلان ولا ايه أصلى بشوفه فى الأكاديمية كتير بس مش بيرد على حاجة خالص فلو زعلان مننا يقولنا ادى سؤالى ياتنهيدة ومستنى أسألتك وأسألة باقى الأعضاء اللى الظاهر الإمتحانات خدتهم خالص الأيام دى...ربنا يعينهم

أنا سعيدة طبعا أنك أتمكنت من الرد على الموضوع ولو انى اتمنيت أسمع كل أسئلتك أكتر من كدة بس طبعا انا عذراك عشان الأمتحانات وبدعيلك بجد ان ربنا يوفقك وينجحك بس ياريت انت ياأحمد تذاكر شوية وأنت ربنا اكيد حينجحك بالنسبة لحكاية النجاح أنا كنت فى معهد حاسب ألى فالموضوع كان سهل والحمد لله نجحت
عالفكرة ياأحمد أنا مكنتش مضيقة خالص من لقب حاجة بالعكس أنا امنية حياتى الأولى انى أحج ويارب يكتبلى أنا وانت وكل الناس زيارة مكة
بالنسبة لموضوع الدخول للأكاديمية ساعات بيحصل معايا بس حله انى بكتب الآسم وبضغط فى خانة كلمة السر وبسجل دخول وبسرعة بدخل قائمة المنتديات بس انت خليك فى امتحاناتك الأيام دة ربنا يوفقك ياأحمد

كويس ان سمكة القراش سابتك ترد أخيرا يا أحمد...وادى فات أسبوع وان شاء الله كام يوم والنت يرجع زى الأول...
بشكرك يا أحمد على مقالك انهارده وردك السريع مع انشغالك بالمذاكرة- على الأحداث المؤسفة دى...
بالنسبة للنجاح فى الكليات يا أحمد فمقاييس التعليم الجامعى فى مصر معكوسة ومش ليها أساس بس طبعا كل واحد لازم يعمل اللى عليه ويذاكر...ده غير أهمية الحضور فى الكلية كعامل أساسى فى النجاح لأن نسبة كبيرة من الجامعيين الأيام دى مابيهتموش بالمحاضرات...وتلاقيهم زى ما أنت كنت عبرت قبل كده...على الكافتريات وبيلفو الجامعة...مع ان المفروض الوقت ده وقت للمحاضرات ووقت الجامعة ده نفسه وقت المفترض بيه انه للدراسة وبس مش زى مابنشوف فى جامعاتنا كده...وربنا يوفقك ويوفق الكل يا أحمد...وزاكر كويس الأيام اللى جاية وان شاء الله ربنا يوفقك وبحييك مرة تانية على بدء سلسة مقالاتك الجديدة والمهمة...
....
ومستنيين أسألتك ياتنهيدة

السلام عليكوا يا شباب انا بصراحة عندى سؤال بس اعتقدش ان ما فيش حد هيقدر يجاوبلى عليه هو انا مين هو يمكن يكون سؤال سهل بس فكروا فيه هتلاقوه صعب جدا لدرجة انك مش هتقدر ترد انا عن نفسى مش عارف الاقى ايجابة ليه و اعتقد انى لو لقيت ايجابة هستريح بس ده لو عرفته او حد عرفه و السؤال الثانى هو ان ليه و ده سؤال طبعا كلكم هتجيبوا لعبادة الله و انا عارف بس ربنا خلق كل انسان ليكون له دوره فى هذه الحياة انا ايه دورى سؤال صعب صح

عموما انا اشكرك يا تنهيدة على هذه الفكرة و ربنا يوفقك فى الامتحانات انتى و انا و كل الى بيمتحنوا اللهم امين و فى النهاية السلام ختام

تعرف يامحمد أن انت فهمت موضوعى زى ماأنا فكرت فيه وهى ده فعلا الآسئلة الا كان نفسى تتسأل والا فعلا كتير منه مش حيلاقلها أجابة أو بمعنى أصح كل جيالنا مباقش عارف لها اجابة أحنا مين وجينا ليه بس انا عندى اجابة يأمحمد لسؤلك الأول والتانى انت مين وانت ليه ؟
انسان خلقه ربنا عزو جل وأختاره من جميع مخلقاته ليجعله خليفة ليه فى الأرض عشان يعمرها وأحنا طبعا كنا خير المخربين وتوهنا عن دورنا ومبيقناش عارفين نعمل اية غير نأكل ونشرب ونملى دماغنا بتعليم مش بنستفيد بيه فى حياتنا بعد كدة بس أنا ليه دور وانت ليك دور وكلنا لينا دور فى تصليح مجتمعنا لكن محدش عطينا فرصة حتى نعرف احنا مين أو جينا ليه والمفروض نعمل أيه
انا نفسى أسئل اسئلة كتير لكل الناس نفس اسئلهم احنا لية بقينا كدة ليه بقينا نظلم ونخدع ونكذب ونكره ونقول ده بقي حال مجتمعنا ليه بقينا نكرة كل نجاح ونسينا اننا خير أمة اخرجت لناس وعايزة اسئل سؤال دايما بسألة لنفسى لما يجى يوم القيامة ونقابل رسول الله ويسألنا ماذا فعلت للاسلام من بعدى مش عارفة حنجاوب ازاى وخصوصا ان كان عندى امل ان الأيام الجاية تجاوب علية لكن للأسف الأمل بدء يموت جوايه ...
والسؤال الا نفسى أسئلة لعضو من الأعضاء انا حسألة لكل الأعضاء وهوعن الأمل ..الأمل فى حياة كل واحد فيكم بيمثل كام فى المية ؟
بشكرك يامحمد على أسئلتك وياريت أكون عرفت أجاوب عليها مع انى متاكدة انى مهم أتكلمت مش حعرف أجاوب عنها صحيارب يامحمد تتوفق فى امتحاناتك انت وكل الأعضاء