انسى الى فات

[لارا]

انسى

انسى اللى فات

وانسى ايام زمان

ايام ما كنت بصدقك

خلاص بقيت واحده تانيه غير اللى انت عرفتها

واحده بتفكر بعقلها قبل قلبها

واحده عاشت فى كذبك وخداعك وغشك

انسى اللى فات

انسى انى ارجع تانى اصدقك

خلاص معدش ينفع ارجع اصدقك

بس ارجع واقوللك

اشكرك

اشكرك على كل لحظه سعاده مزيفه انا عشتها

اشكرك على كل حلم جميل عشت انا فيه

اشكرك انك خلتنى واحده تانيه

بتفكر بعقلها قبل قلبها

انسى اللى فات

وانسى ايام زمان

[الأمير الحائر]

بجد روعة...فوق المعانى الجميلة داخل كلماتك عجبنى بساطتها وصدقها...طريقة كتابتك بتشبه لطريقة زميلتنا العزيزة تنهيدة فى صدقها وبساطتها فى أول خواطر ليها...وعلى فكرة الصدق ده سبب أساسى دايما فى جودة أى عمل...وبتمنالك بجد التوفيق من كل قلبى فى رحلة الكتابة ومستنيين دايما خواطرك الصادقة يالارا

[تنهيدة]

جميلة يالار بجد خواطرك مليئة بالكلمات البسيطة الا بتحمل بداخلها احلى معنى بجد بحيكى على الأسلوب الجميل وعلى الصدق الا حسيته خلال الخاطرة وزى مقال وليد ان البساطة وصدق المعنى اول طريق نجاح العمل انا كمان بتمنالك التوفيق ومستنيه اعمالك الجميلة الا أكيد حنحسها بصدق زى ماحتكتبيها بصدق

[لارا]

متشكره اوى ليكى يا تنهيده انتى والامير الحائر على تعلقيتكم الجميل