أكاديمية ايجيبت رايت الأدبية

تخيلوا مصر فى سنة 2050 هيكون احوالها ايه... احوال الاقتصاد و السياسة و التعليم و الحياة عموما فى مصر هتبقى عاملة ازاى هل هتبقى احسن ولا هتبقى اسوء و انتا هتبقى ايه فى هذا الوقت.. تخيلوا و قلولى و انا منتظر و هنتخيل سوى... بس بدون تخطى الحدود ... اصل الواحد مش ناقص..هاهاهاهاهها

حمد الله على السلامة يامحمد وحشتنا بجد بس ربنا يعينك ويعين الكل فى الإمتحانات ان شاء الله
2050 ؟ هيبقى عندنا كام سنة ساعتها بص إذا ربنا ادانا واداك طولة العمر يامحمد أنا متهيألى ان مصر هتبقى أجمل جدا جدا...لأنى شايف فى أطفال الأيام دى أمل كبير أوى للأجيال اللى جاية والسنين اللى جاية...يعنى جيل من صغره مثلا عارف كمبيوتر...انترنت...لغات...عنده مصادر ثقافة أكتر من أيام ماكنا أطفال...ده غير ان أكيد كل الناس اللى بتخرب فى مصر هتكون راحت...وكل اللى بيدمروا الشباب بأسلحة كتير أكيد هييأسوا لأما ربنا يفتكرهم قول آمين...هو اه ماحدش يقدر يقول ان الشر هيزول لأن سنة الحياة دايما فيه خير وفيه شر...بس أنا بحلم إن الخير ده يرجع فى مصر هو الأكتر زى زمان...لأن الشر بقى كتير أوى الأيام دى...
فيه تخيلات تانية يعنى من ناحية التكنولوجيا ان مصر هتبقى زى دول العالم كلها هيبقى فيها اليين بيطبخوا وأليين بيغسلوا الصحون..وآليين يعتنوا بالأطفال ويرضعوهم وكل ده عملوه فى تجربة فى الصين فعلا من مدة فإتخيل بقى ممكن فى سنة كام وخمسين اللى بتتكلم عليها دى هيخلوا الأليين يعملو ايه....ربنا يستر
وشكرا يامحمد على الموضوع والحلم الجميل جدا

طبعا أتمنى أن أحيا حتى العام 2050 لأنني سأكون عجوز جدا..حوالي 63 سنة..ولكن بعيدا عن هذا..أن متشائمة حقيقة..إن الوضع يزداد سوءا وأعتقد انه ربما يكون قد وصل أسوأ مداه في العام 2050..يعني ممكن مثلا نلاقي مجاعات في البلد والفقراء عملوا هجوم على الأغنياء..
طبعا أن شخصية سوداوية فما فيش داعي حد ياخد برأيي ..ممكن الأحوال تتحسن الأحوال..مين عارف..

أنا طبعا طول عمرى شايفة مصر جميلة واكيد لما أتخيلة للأيام الجاية حاأشوفة أجمل وأجمل أنا بتخيل مصر فى 2050اعظم بلاد الدنيا بتخيل أن كل الصحراء الا فى مصر أصبحت مدن جديدة نموذجية والمدارس تكون اتطورت وكل المناهج اتغيرت وجميع نظام التعليم فى مصر اتغير وبتخيل كمان ان جميع المناصب المهمة فى مصر تكون فى ايدين شباب بيحبو مصر وكل هدفهم هو تطويره وبتخيل حاجات كتير اوى لمصر اما انا طبعا حكون عجوزة أوى بس بتخيل نفسى عندى احفاد كتير بيحبونى وبيعتبرونى قدوة ودايما بحكلهم حواديت وبكلمهم عن حاجة كان اسمه انترنت( طبعا حيكون فى حاجة متطوره اكتر من الأنترنت )واكلمهم عن ذكرياتى وعن احلامى الااتمنى سعتها اكون حققتها بس اكتر شىء بتخيله وبحلم بيه انى ققدر اخلق فى أولادى وأحفادى الحب لكل شىء لله وللوطن ولكل الناس واكون قدوه فى حياتهم وأتمنى لو مش حقدر أحقق حلمى دة أموت قبل ما تيجى سنة 2050
بشكرك ياأحمد على موضوعك الهايل وعايزين نعرف تخيالاتك لسنه 2050

تنهيدة كتب: وأتمنى لو مش حقدر أحقق حلمى دة أموت قبل ما تيجى سنة 2050

بعد الشر عليكى ياتنهيدة وان شاء الله تحققى أحلامك كلها وتعيشى لحد مايبقى عندك ألف سنة كمان عشان تشوفى مصر أحلى وأحلى زى مابتحلمى ليها...