كُتابنا تحت الأضواء , حلقة رقم 3 , مع الكاتبة : نهـاد نعمان

مع كل أسبوع نجم جديد من كُتاب الأكاديمية, نسقط الضوء على أعماله, نناقشه فى كل الموضوعات الأدبية أو العامة و نتعرف عليه أكثر عن قرب.

المشرف: Ghadat2009

أضف رد جديد
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة Ghadat2009 »

زملائي الأعزاء
مرحباً بكم في ثالث حلقات ( كتابنا تحت الأضواء ) ، و الذى يهدف إلى إلقاء الضوء على أعمال كل كُتاب الأكاديمية الأعزاء
,لمزيد من المعلومات عن أهداف و كيفية عمل هذا القسم, يمكن دائماً العودة إلى (إعلان إفتتاح قسم كُتابنا تحت الأضواء ).

*****

هيكاتبة مرهفة الحس ، تكتب بعفوية محببة للنفس ، تسكب مشاعراً على الورق بإحساس عالٍ بديع ، تستشعر -
حين تقرأ ما يسطره قلمها الموهوب – بأنّك قد فتحت ورقة في مذكراتها الشخصية ، فتعيش في عالمها الرقيق ، يتسم أسلوبها بكونه رومانسي حالم ؛ فتارة تجدها تحلم بعالم أفضل و أخرى تجدها تتمسّك بأخلاقيات و مثاليات المدينة الفاضلة.
حلّقت بنا في أجواء الصداقة و الحريّة ، و أبدعت حين كتبت عن الحب و مشاعره الدافئة ، لمست القلوب برقة حين سكبت مشاعرها لتشركنا في أحاسيس و تأملات جميلة ، فكان مجالها المفضّل و الذي أثرته بالعديد من الإبداعات هو : الخواطر.
و انطلقت مع التأمّل في صورٍ فوتوغرافية أو فنية معبّرة ؛ بكلماتها و خواطرها الجميلة جمّلتها و أكملتها بما تعكسه من انطباعات في نفسها .
غير أنّها لم تتوقّف عند هذا المجال ، بل تجاوزته بنجاح إلى الإبحار في عالم الطفل : فقصّت علينا قصصا جميلة هادفة تتناسب مع ما تعتنقه من قيم و ترغب في زرعها في الأطفال ، و انطلقت إلى مجال القصة القصيرة حيث سطرت أفكاراً ذات طابع رومانسي عذب ، و كان من أجمل الأعمال التي استمتعنا جميعا بها هي رواية ( حب بلا وطن ) و هي رواية مشتركة مع الزميل المتميّز وليد توفيق
تتحمّس كثيراً لكل من يكتب بحب و إحساس صادق ، و تشجّع الجميع بروح طيبة .
يسعدنا أن يكون نجمتنا المتألّقة طوال هذا الأسبوع - من اليوم و حتى صباح الأربعاء القادم - هي زميلتنا العزيزة
نهاد نعمان
يمكن لكل الزملاء الترحيب بها مناقشتها ( كما تم التوضيح فى إعلان إفتتاح القسم ).
و فيما يلى روابط للصفحة الشخصية للزميلة نهاد و التى تحوى أرشيف لكل أعمالها فى أقسام الأكاديمية المختلفة, كما سأحاول أن أسقط الضوء على أهم الأعمال التى أبدعتها عبر مشوارها الأدبى فى الأكاديمية, بحيث يمكن لكل الزملاء الاستمتاع بمتابعة أعمالها بالقراءة و التعليق بإذن الله
.
صورة



الصفحة الشخصيةللزميلة العزيزة نهاد نعمان :

أهم أعمال الأديبة نهاد نعمان:


لزميلتنا العزيزة نهاد أعمال متنوعة فى مجالات مختلفة,كما أن لها مواضيع نقاشية مميزة :


مناقشاتها

و فيما يلي نماذج من بعض هذه الأعمال في المجالات
المختلفة :

في مجال الخواطر :
و هو المجال الخصب الذي تظهر فيه موهبتها التلقائية المعبرة ، حيث نبحر معها في عالم من المشاعر الخالصة:


لا تأسرني بحبّك

إعترافات عاشــقة
في مجال الروايات :

:كانت لها تجربة مميزة مشتركة رائعة مع الزميل العزيز وليد ؛ في كتابة رواية كاملة مميزة جدا بعنوان :
في مجال القصة القصيرة :
:كانت لها العديد من التجارب القصصية المتميزة كان من بينها :
الدراما التركية و الشباب



:و يمكن العودة
كما يمكن لكل الزملاء فى ردودهم هنا إضافة المزيد من الأعمال الأدبية المفضلة لديهم من أعمالها و آرائهم حول هذه الأعمال .
أتمنى أن أكون قد وفّقت في تقديم كاتبتنا الرقيقة : نهاد نعمان .
و الآن... حان موعد الأسئلة :
من هو مثلك الأعلى : دينيا ، تاريخيا ، عربيا ، عالميا ؟ شخصيا ؟
هل يمكن أن يلعب النقد البناء دورا حيوياً في حياة الكاتب ؟ كيف ؟
هل تعتقدين أن كبار الكتّاب هم فوق مستوى النقد ؟
ما هي معايير النقد من وجهة نظرك ؟
مع أصدق التمنيات بالتفوّق و دوام التميّز إن شاء الله .
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
هبة الله محمد
مشرفة قسم أخبار الأدب
مشاركات: 672
اشترك في: 28 نوفمبر 2008, 12:20 am
Favorite Quote: الجحيم هو الآخرين.
verification: ID verified and trusted writer

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة هبة الله محمد »

الزميلة نهاد من أحب الأعضاء في الأكاديمية إلى قلبي برقتها وذوقها وكتابتها الجميلة

علشان كده أحب أوجه لها شوية أسئلة صعبة :lol:
اعتذار تريدي ان تقدميه لمن ستقدمينه؟؟؟
ماذا ستكتبين لنا لتعبري عن حياتك التي عشتها الي الان في كلمات قليلة؟؟؟
ادا اردت ان تبكي الان فعلى من ستبكي؟؟؟
من ستختارين ليمسح دموعك؟؟؟
مستحيل انساك لمن ستقوليها؟؟؟


يارب تكون خفيفة عليكي read1
صورة
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة محمد محمود »

أولاً : أود أن أشكر زميلتي وأختي الكريمة غادة على إتاحة هذه الفرصة حتى نتحدث عن كاتبة مميزة ورائعة من مبدعي الأكاديمية وهي أختي العزيزة " تنهيدة " نهاد نعمان . هذه الكاتبة التي أثرت الأكاديمية بروائع الأعمال منذ بداية الأكاديمية وحتى الآن وتميزت فيها أشد تميز برقة الأحاسيس وتدفق المشاعر ، تقرأ أعمالها فتشعر بصدق الكلمات دون تكلف . بساطة أسلوبها وبعدها عن التعقيد من أهم مميزات كتاباتها ، وهي في نفس الوقت تكتب فتشعرك وكأنها ترسم صورة للعمل بفرشاة فنان يجيد استخدام أدواته .

** دائماً كلماتها محفزة ومشجعة لزملائها ، تتمتع بالروح الطيبة التي تجعلك تنتظر كتاباتها وتنتظر ردودها على أعمالك فهي من البارعين في تحليل العمل والتعليق عليه .

** بحق هي كاتبة تحترم كلمتها وتقدر دور الكلمة في تهذيب النفس والمشاعر .

أما عن أعمالها فسنقول الكثير الكثير :

وصفحتها الشخصية أكبر دليل على ما قلته وسيقوله زملاؤنا عنها http://egyptwrite.com/u/tanheda.html ففي هذه الصفحة ستجد كل أعمالها المميزة التي لن تملّ من قراءتها دون أن تفرق بين جودة هذه الأعمال ومستواها العالي .

*** وأود أن أوجه لك بعض الأسئلة :
1- ماذا تمثل الكتابة بالنسبة لك ؟ وما هو الجو النفسي الأكثر دفعاً لك للإبداع والكتابة ؟
2- ما هي الفكرة التي دارت في عقلك مراراً ولم تكتبي عنها حتى الآن ؟
3- ما هو العمل الذي كتبتيه وشعرت أنه أكثر أعمالك تعبيراً عن شخصيتك ؟
4- ما هو المجال الأدبي الذي تتطلعين لطرق أبوابه ؟ وما هو المجال الذي تخشين الكتابة فيه ؟
وأخيراً ما هي أمنياتك و آمالك على المستويين الأدبي والشخصي ؟


تمنياتي ودعواتي لها بالتوفيق الدائم والسعادة الغامرة .
آخر تعديل بواسطة محمد محمود في 21 مارس 2010, 4:09 pm، تم التعديل مرة واحدة.
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة elsayad »

الزميلة العزيزة / نهاد
طبعاً لا يمكن أن يفوتني هذا التكريم الخاص بدون أن أرحب بكي وأقول أنكِ وبصراحة شديدة " ونعم أعضاء الأكاديمية " بمواضيعك الهادفة وردودك المشجعة لزملائك والمفيدة أيضاً لهم . . ففي هذا اليوم أنتى تستحقين :
أولاً : وساماً من الأكاديمية لكي ككاتبة مميزة وإنسانة خلوقة ونعم الخلق .
ثانياً : وساماً لذوقك الرفيع فى اختيار مواضيعك المميزة وأيضاً فى ردودك الشيقة على زملائك .
ثالثاً : وساماً من أجل إنسانة تشجع زملاءها وتفيدهم .


وتستحقين أيضاً الكثير والكثير من الأوسمة التى بها ربما نرد لكي بعض الشئ من عطائك الوفير والجدير بالذكر داخل الأكاديمية وخارجها .

وأود قبل أن أنتهي من كلامي أن أسألك ويا رب تكون أسئلتى خفيفة . .

من أكثر إنسان أو إنسانة تحبينهم ؟
ما أو من أكثر شئ تكرهينه ؟
وبمناسبة أن اليوم يصادف " عيد الأم " فماذا ستقدمين لوالدتك فى هذه المناسبة وماذا ستقولين لها ؟
من هو أكثر كاتب تعتبرينه قدوة لكي وتعجبين بكل كتاباته ؟
ما هو المجال الذى تفضلين الكتابة فيه وتكوني فى قمة سعادتك أثناء كتابته عن باقي المجالات ؟
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة تنهيدة »

"]
هيكاتبة مرهفة الحس ، تكتب بعفوية محببة للنفس ، تسكب مشاعراً على الورق بإحساس عالٍ بديع ، تستشعر -
حين تقرأ ما يسطره قلمها الموهوب – بأنّك قد فتحت ورقة في مذكراتها الشخصية ، فتعيش في عالمها الرقيق ، يتسم أسلوبها بكونه رومانسي حالم ؛ فتارة تجدها تحلم بعالم أفضل و أخرى تجدها تتمسّك بأخلاقيات و مثاليات المدينة الفاضلة.
حلّقت بنا في أجواء الصداقة و الحريّة ، و أبدعت حين كتبت عن الحب و مشاعره الدافئة ، لمست القلوب برقة حين سكبت مشاعرها لتشركنا في أحاسيس و تأملات جميلة ، فكان مجالها المفضّل و الذي أثرته بالعديد من الإبداعات هو : الخواطر.
و انطلقت مع التأمّل في صورٍ فوتوغرافية أو فنية معبّرة ؛ بكلماتها و خواطرها الجميلة جمّلتها و أكملتها بما تعكسه من انطباعات في نفسها .
غير أنّها لم تتوقّف عند هذا المجال ، بل تجاوزته بنجاح إلى الإبحار في عالم الطفل : فقصّت علينا قصصا جميلة هادفة تتناسب مع ما تعتنقه من قيم و ترغب في زرعها في الأطفال ، و انطلقت إلى مجال القصة القصيرة حيث سطرت أفكاراً ذات طابع رومانسي عذب ، و كان من أجمل الأعمال التي استمتعنا جميعا بها هي رواية ( حب بلا وطن ) و هي رواية مشتركة مع الزميل المتميّز وليد توفيق
تتحمّس كثيراً لكل من يكتب بحب و إحساس صادق ، و تشجّع الجميع بروح طيبة .
يسعدنا أن يكون نجمتنا المتألّقة طوال هذا الأسبوع - من اليوم و حتى صباح الأربعاء القادم - هي زميلتنا العزيزة
نهاد نعمان
:) غادة حقيقى مش لاقية كلام أرد بيه على كلماتك الرائعة ومش بقول رائعة لانها عنى لا دا عشان روحك وقلبك الجميل حسنى كدا حقيقى سعادة كبيرة جدا ماتتوصفش باأى كلام ...بتمنى بجد أكون أستحق الكلمات الرقيقة دى وتكون فعلا كلماتى تركت أثر جواكم بجد دا حلم كبير بتمنى دايما انه يتحقق وانتوا بجمال أحساسكم ورحكم بتحققولى كل يوم حلمى وهى دى ميزة أكاديمتنا وأعضاءها ان كل الا فيها بيحقق حلم التانى بوجودة وبمساندة لية :) حبيت كل كلمة قلتيها ياغادة عشان منك انتى ياصديقتى العزيزة بتمنى من كل قلبى انى دايما أقدر أكتب الا بحسه وبتمنى أكتر أستمرارى معاكم وانكم تفتكرونى دايما ولو بس من خلال كلماتى :)
و الآن... حان موعد الأسئلة :
انت عارفة طبعا ياغادتى الجميلة انى دايما بحب جدا أسئلتك وحقيقى انها وحشتنى جداااااااا
:)
من هو مثلك الأعلى : دينيا ، تاريخيا ، عربيا ، عالميا ؟ شخصيا ؟
طول عمرى بحب أن يكون لى مثل أعلى كنت بعجب بفكرة ان الإنسان يتعلم مميزات شخصية حبها ومش لان الشخصية دى بس عملت أعمال عظيمة فالازم أخدها مثلى الأعلى عشان أكون زيها لان فى شخصيات عظيمة بحبها للناس وبمبادئها الا بتحاول تزرعها فى الا حواليها بدون مقابل او سعى فى انها تكون مشهورة فكل العظماء كان يوجد فى حياتهم شخصيات ربما لم يذكرهم التاريخ ولكنهم هم سبب قوى فى تكوين شخصياتهم شكلى بعدت عن اجابة السؤال ونسيت أقول من هو مثلى الأعلى
:? اسفة ياغادتى بس بجد انا بحب اوى فكرة ان تكون شخصيات عظيمة مثل وقدوة فى تكوين شخصياتنا بس الشخصيات الا انا هذكرها هى شخصيات عظيمة أوى أنا بحبهم حقيقى وبتمنى اكون بتعلم منهم :)
انا مثلى الأعلى دينيا هو الرسول علية أفضل الصلاة والسلام لان بجانب انه رسولنا الكريم هو خير مثل يقتدى بها كل إنسان لانه أفضل شخصية عرفها تاريخنا ، دا لان كل إنسان قرأ عن سيرة سيدنا محمد سيشعر بقربة الشديد منه وكانة يجلس بجواره ليعلمة أخلاقة الكريمة
ويريد بمنتهى الحنان والحب أن يزرع بداخلة أفضل واجمل المبادئ والقيم مهما كان هذا الإنسان ومهما بلغت أخطاءه ستشعر ان الرسول يريد قربك منه فهو مثلى الأعلى الذى أتمنى من كل قلبى أن أسير على خطاه ...
:) ومثلى الأعلى دينيا أيضا أو بمعنى أوضح الشخصية التى أحبها جدا شخصية سيدنا عمر بن الخطاب الا دايما بحلم انها تكون مثل وقدوة لكل انسان مسلم بيتمنى نصرة أسلامة وان شاء الله سيدنا عمر رضى الله عنه هيكون الشخصية الا هزرعها فى أولادى وهعلمهم أزاى يفتخروا بأن أسلامنا كان فيه سيدنا عمر بن الخطاب :)
يمكن اجاباتى هى عن اكتر الشخصيات الا بحبها لكن انا دايما يحس ان الا بيحب حد بيترك أثر فى حياتة كبير وكل كلمة انا كتبها عن شخصيه بحبها هى فعلا تركت أثر كبير فى حياتى بخاف اقول انهم قدوتى لان بحس انهم اعظم من كدا ولانى لسه حاسة انى معملتش عمل يستحق او يلايق انه يرتبط باسم ناس عظيمة زيهم
:) ياه طولت اوى :)
هل يمكن أن يلعب النقد البناء دورا حيوياً في حياة الكاتب ؟ كيف ؟
طبعا النقد بيلعب دور مهم كدا فى حياة كل كاتب وانا هتكلم عن نفسى بما انى بحب الكتابة وبحب اتعلم من كل كلمة بتتوجهلى
انا بحس ان لو فى نقد اتوجهلى انه حد خايف على الكلمة بيتمنى انها تكون احسن وطبعا الحب دا بيكون ظاهر جدا فى طريقة الناقد
ودا الاختلاف مابين النقد الا بيهدم والنقد الا بينى ..حد بيكون شايف العمل جميل وكان بيتمى انه يكون افضل من غير أخطاء معينة
:)
هل تعتقدين أن كبار الكتّاب هم فوق مستوى النقد ؟
لا طبعا لان لو الجميع شاف العمل عظيم لانه لكاتب كبير ومينفعش حد ينقده يبقى الكاتب دا فى وقت هتصبح أفكاره محدودة لان الكل بيحيه على كل كلمة يكتبها مهما كانت ومن حقة يكتب أى شىء لانه كاتب كبير الكاتب احساس وفكرة وروح
ممكن فى عمل من الأعمال تغيب الروح او يغيب الأحساس وتضيع الفكرة لو مفيش نقد يعيد للكاتب حماسه الكاتب الكبير دا هيوقف عند نقطة معينة ومش هيقدر يبدع

ما هي معايير النقد من وجهة نظرك ؟
مش هقول انى أعرف جيدا ماهى المعايير الذى يقوم علية النقد لكن من وجهة نظرى ان كل كلمة كتبها كاتب بيحب الكتابة فهى مجهود واحساس يستحق من التقدير وعشان نقدر ننقد العمل كويس لازم نكون بنحب الكلمة الصادقة بنعرف ازاى نشوف الجانب الأخر من الكلمة نتعمق جواها ونحس بمعناها .. وطبعا عشان نقدر نفيد اكتر لازم الناقد يقرأ كويس فى جميع مجالات الأدب ويتعرف على الأساليب المختلفة وحاجات كتيرة كدا هقراها وابقى اجى احكيهالكم
;)
غادة بشكرك على كل كلمة جميلة كتبتيها عنى وبشكرك جدا على مجهودك المميز الا بتعمليه عشانا وعلى التكريم الرائع الا روعتة أنه معاكم وانه من أكاديمتى الا بحبها جدااااااا وبتمنالها انها دايما تكون أجمل وأجمل .. ومن أعضاء هم أحب الناس الى قلبى
وطبعا عشان منك ياأحلى وأغلى غادة بتمنالك كل السعادة
:) flower1

[/quote]
صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة تنهيدة »

[quote="
هبة الله محمد

"]
الزميلة
نهاد من أحب الأعضاء في الأكاديمية إلى قلبي برقتها وذوقها وكتابتها الجميلة
علشان كده أحب أوجه لها شوية أسئلة صعبة
[/quote] :) هوبة حبيتى منورة بجد الحلقة وسعيدة جدااااااا برأيك الجميل الا بعتز بيه دايما وسعيدة أكتر انى أحب الأعضاء لقلبك لانه حقيقى أحساس متبادل انتى كمان من الأعضاء الا بحبهم جدا وسعيدة جدا بمعرفتهم من خلال الأكاديمية وعشان كدا فأنتى تسألى زى ماأنتى عايزة حتى لو أسئلة صعبة :)
نجاوب بئة على أسئلتك الا فعلا صعبة :)
اعتذار تريدي ان تقدميه لمن ستقدمينه؟؟؟
هقدم أعتذار لبلدى مصر لان حقيقى كان نفسى أقدملها شىء لكن للحظة دى مقدمتش شىء لأغلى وطن ، لكن مازالت
بتمنى ان لو فى سنين فى عمرى جاية أقدر أعمل شىء يأكد حبى له وانى فعلا أستحق اكون بنت مصر
:)

وطبعا أحب من خلال سؤالك ياهوبة أقدم أعتذار لكل إنسان فى حياتى جرحتة حتى لو من غير ماأقصد وبقدملة الوردة دى
flower1
ادا اردت ان تبكي الان فعلى من ستبكي؟؟؟
على الردود الا كتبتها دلوقت وموصلتش
:(
بجد ياهبه دى أكتر وقت فى حياتى محتاجة فيه انى أبكى لكن فى أوقات كتير حاجات بتضيع مننا بتكون دموعنا أقل
بكتير من حزن قلوبنا عشانها
فأنا حاسة بجد انى مهما بكيت فدا أقل بكتر من الحزن الا حتى دموعى مش هتقدر تترجمة ...لكن حقيقى أنا دايما بحاول آجل دموعى بخاف تنزل لتفقدنى أملى فى رجوع الأشياء الا بحبها بحاول رغم حزنى عليها أنتظر يمكن لو لسة فى عمرى أيام جاية أحب أشيائى الا ضاعت منى ترجعلى
:)
سورى ياهوبة نكدت عليكى بس انتى الا سألتى عن الدموع فى الأول
:)
من ستختارين ليمسح دموعك؟؟؟
تانى اهو بتجيبى سيرة الدموع مليش دعوى انا
;)

أكيد هيتمنى ان أحب أشخاص فى حياتى يكونوا معايا ولو انى وقتها أكيد مش هكون محتاجة أبكى لسببين أكيد لانى بحبهم ومش هعاوز أبكيهم عشانى
ثانيا طالما هما فى حياتى وموجودين معايا أكيد مش هيكون فى اى دموع وهتهون وقتها أى دموع يعنى فى النهاية لو
بكيت هبعد شوية عن الناس الا بحبهم وهضطر أمسح أنا بأيدى دموعى
:)
مستحيل انساك لمن ستقوليها؟؟؟


مستحيل أنساكى ياأجمل هوبة مستحيل أنسى أكاديمتنا الجميلة الا جمعتنا بكل حب مستحيل أنسى كل إنسان عرفتة فى حياتى واثر فيها مستحيل أنسى الحب مستحيل أنسى معنى الصدق مستحيل أنسى أن فى ناس لسه بتعرف تحب ..أشخاص كتير أو نفسى أقولهم باأعلى صوتى ان لو فى حياتى أيام او سنين جاية ومهما بعدتنا السنين فأنا بكل صدق مستحيل أنساكم بتمنى بجد أقولهم كدا ويصدقونى flower1 flower1 flower1

يارب تكون خفيفة عليكي
كانت خفيفة جدا واستمتعت بيه جداجدا
:) بشكرك من كل قلبى ياهوبة على رحلتك الجميلة جوه نفسى أستمتعت بوجودك وباأسئلتك :) والأسئلة مش كانت صعبة ولا اى حاجة لان الإنسان لما بيكتب الا حاسه بيكون سعيد يعنى بجد انتى أسعدتينى جدا بتمنالك ياأجمل هوبة أسعد وأجمل حياة :) flower1

هروح وأرجعلكم تانى :)
صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة تنهيدة »

محمد محمود كتب:أولاً : أود أن أشكر زميلتي وأختي الكريمة غادة على إتاحة هذه الفرصة حتى نتحدث عن كاتبة مميزة ورائعة من مبدعي الأكاديمية وهي أختي العزيزة " تنهيدة " نهاد نعمان . هذه الكاتبة التي أثرت الأكاديمية بروائع الأعمال منذ بداية الأكاديمية وحتى الآن وتميزت فيها أشد تميز برقة الأحاسيس وتدفق المشاعر ، تقرأ أعمالها فتشعر بصدق الكلمات دون تكلف . بساطة أسلوبها وبعدها عن التعقيد من أهم مميزات كتاباتها ، وهي في نفس الوقت تكتب فتشعرك وكأنها ترسم صورة للعمل بفرشاة فنان يجيد استخدام أدواته .

** دائماً كلماتها محفزة ومشجعة لزملائها ، تتمتع بالروح الطيبة التي تجعلك تنتظر كتاباتها وتنتظر ردودها على أعمالك فهي من البارعين في تحليل العمل والتعليق عليه .

** بحق هي كاتبة تحترم كلمتها وتقدر دور الكلمة في تهذيب النفس والمشاعر .


:) الله الله على الكلام الجميل يامحمد دا كل دا عشانى أنا مش عارفة ازاى أشكر ك حقيقى كلام يستحق كل حرف فيه انى اشكرك علية ولما يكون من شاعر مميز زيك فحقيقى بيكون بالنسبالى جايزة كبيرة بسعد وبعتز بيها جدا وأتمنى من كل قلبى انى أكون اد الكلام الرائع ده
وطبعا انت تستاهل الف شكر لانك دايما بتشجعنى على الكتابة ونفسك انى أكتب أكتر :) مشاعر أخوة صادقة مش بنلاقيها كتير غير فى ناس بتملك روح طيبة زيك يامحمد ... :)
هروح دلوقت بسرعة أجاوب على أسئلتك الجميلة :)

*** وأود أن أوجه لك بعض الأسئلة :
أتفضل ياأستاذى العزيز أسأل زى ماانت عايز وكالعادة هجاوب بمنتهى الصراحة
:)

1- ماذا تمثل الكتابة بالنسبة لك ؟ وما هو الجو النفسي الأكثر دفعاً لك للإبداع والكتابة ؟
نعمه عظيمة بحب دايما أشكر ربنا عليها , زى ماأبشكره على كل نعمةعليه ...يكفى أنك تحس بحزن أو فرح فقلمك يحسك قبل أى حد ويشاركك فرحتك ويخفف عنك حزنك ...حضن دايما مفتوح عشانك انت بس عمره ما هيشتكى مهما كلماتك المته ، الكتابة بتمثل ليا شىء كبير كلامى بجد مش هيقدر يوصفة لكن دايما بحس وانا بكتب ان صاحب القلم هينتهى ومش هيبقى منه غير كلمات فالازم الكلمات دى تكون مكتوبة بكل صدق قلبك عشان تقدر تحافظ على بقائها
الكتابة أهم جزء فى حياتى بيحسسنى بوجودى
:)
اتكلمت كتير ونسيت الجزء التانى من السؤال :? اه افتكرت وما هو الجو النفسي الأكثر دفعاً لك للإبداع والكتابة ؟
أكتر جو نفسى بكون نفسى اكتب فيه بحور كلام لما قلب وعينى يكونوا حاسين بالأمل وقتها بكون نفسى انقل املى من خلال كلماتى لكل انسان فى دنيتى
:) لكن مايمنعش ان الحزن بيخلينى أوقات اكتب احساسى الحزين من غير مااحس :)

2- ما هي الفكرة التي دارت في عقلك مراراً ولم تكتبي عنها حتى الآن ؟
كتير جدا يامحمد بس أكترها أفكار لقصص للطفل
:) ...بس فى مجموعة أفكار لقصص للطفل بحاول انفذها وهى انى
أربط مابين شخصيات من التاريخ العربى الأسلامى وتفكير الطفل النهاردة وهى انى أجيب موقف إنسانى من مواقف أبطالنا العظماء وأحاول باسلوب مبسط أوصل المعنى الا جوه الموقف للطفل وان يتعرف من خلال مواقف انسانية عن أبطال عضماء بطولتهم مش بس بمعاركهم مش زى ما بيحصل دلوقت ان كل أطفالنا عارفين بس اعمال هولاء العظماء البطل دا قاد معركة اية وانتصر ولا لا الطفل بيحفظ بس عنوان للبطل ..نفسى حقيقى أنفذها وبتنمى لو يشاركنى فيها كل الأعضاء
:)
3- ما هو العمل الذي كتبتيه وشعرت أنه أكثر أعمالك تعبيراً عن شخصيتك ؟
بصراحة انا كل عمل كتبتة فيه جزء منى حتى لو كنت كتبت عن موقف محصلش ليا بتخيل نفسى انى لو مكان البطلة او البطل كنت هحس اية فبحس دايما كل عمل كتبته انه فى ولو لمحة من شخصيتى , لكن الشخصية الا تمنيت بجد تكون أنا هى مريم فى حب بلا وطن اد ايه حبيتها ونفسى بجد اكون هى دى فى كل حاجة فى حماسة لوطنها وحبها لحبيبها حتى نهايتها طول عمرى بتمنى أموت شهيدة للوطن يمكن دى أكتر شخصية اتمنبت بجد اكون مكانها وتمنيت تكون نهاد هى الا مكان مريم
:)
4- ما هو المجال الأدبي الذي تتطلعين لطرق أبوابه ؟ وما هو المجال الذي تخشين الكتابة فيه ؟
المقال نفسى أكتب مقالات كتير وفى أفكار عن مقالات بتمنى أكتبه وان شاء الله انجح قريب أدعيلى انت بس
:)
المجال الا بخاف الكتابة فيه مع حبى الكبير ليه هو أدب الطفل برغم انى كتبت فية لكن فى كل مرة بكتب قصة للطفل بيكون عندى نفس خوف المرة الأولى لان حقيقى مجال مش سهل لانك وانت بتكتب للطفل بتحتاج انك توصل قيمة بطريقة غير مباشرة من خلال موقف وفى نفس الوقت بتحتاج المعنى يوصل للطفل ببساطة من غير اى تعقيد عشان يقدر يحسه قلبه ويفهمه عقلة ودا مش سهل على انك تنجح فيه وانك تقدر تحبب الطفل فى القصة والقيمة الا بتقدمه له من خلالها :)

وأخيراً ما هي أمنياتك و آمالك على المستويين الأدبي والشخصي ؟
على المستوى الأدبى نفسى طول عمرى أفضل أكتب بس عشان بحب الكتابة
dream11 ...بس لو ببتكلم على الا بحلم اعملة نفسى أنشر مجموعة قصص للطفل وتتنشر رواية حب بلا وطن من جديد فى الأكاديمية وهى مترجمة زى ما أتفقت انا وليد ونكتب عمل جديد مشترك يكون بالصدق الا كتبنا بيه روايتنا وان شاء الله دا بتحقق قريب :)
أما على المستوى الشخصي فأنا بحلم ان ربنا يحققلى الا بتمناه على المستوى الشخصى فى اجمل من كدا حلم ;)
بحلم يامحمد ان دايما يجمعنى الحب بالناس مش أى شىء تانى وطبعا بحلم أحلام كتير أوى لكن فى أحلام فى حياتنا كلامنا وتعبيرنا عنها
بيضيع روحها الا عايشة جوانا فمش بنقدر نتكلم عنها كتير لكن بتفضل جوانا اغلى الأحلام حتى لو عاشت طول عمرها أحلام :) flower1

تمنياتي ودعواتي لها بالتوفيق الدائم والسعادة الغامرة .

محمد بجد بشكرك جدااااااااااا جدااااااااااااا لانك حققتلى حلمى الاكان طول عمرى نفسى يتحقق وهو ان بكون ليا أخ كبير بيحترمنى ويخاف علية
وانت بمنتهى الحب والصدق دايما بتعمل كدا معايا فأكيد كلمات الشكر مش هتوصف حقيقى مدى اعتزازى بيك لكن انت أكيد عارف
بتمنالك كل السعادة والتوفيق فى كل حياتك يأروع أخ :) flower1

صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة سندريلا »

مساء الخير يا نهودتي
دايما آجي متأخرة معلش الظروف بئى ... بس بجد اسفة و الله ع التأخير ... بالنسبة لنهاد الإنسانة فهي حقا رائعة بطيبتها و جمال خلقها و حسها المرهف بكل شيء حولها ... هي تنهيدة رقيقة تزفرها أنفاسنا عند قراءة عمل أدبي متميز يترك بصمته في نفوسنا مثلما تترك هي بصمتها في قلوبنا ....
أما نهاد الكاتبة فهي كاتبة تعبر عن أحاسيس النفس البشرية بكل رقة و صدق ... أحببت جدا روايتها مع الأخ الفاضل وليد .. حب بلا وطن تلك الرواية الرائعة التي عبرت عن مآسي فلسطين ... أيضا أحببت لها لا تسألوني ... ثورة حب .. اعترافات عاشقة ... أما بمجال القصص القصيرة فعشقت رسام الحرية ... سجينة الماضي .. أما مجالها المتميز حقا مجال أدب الأطفال فأحببت لها جميلة و المرآة .. مصباح الفلاح ... إلخ
سؤالي لنهاد الكاتبة ما هو طموحك في الكتابة ؟
و سؤالي لنهاد الإنسانة أكثر حلم سعدتِ بتحقيقه ؟ أعلم جيدا ما هو لكن أتمنى أن تحكي عنه بنفسك ...
سعيدة جدا بمعرفتي لكِ يا نهودتي متمنية لكِ كل السعادة في حياتك ...
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: كُتابنا تحت الأضواء , حلقة رقم 3 , مع الكاتبة : نهـاد نعمان

مشاركة بواسطة تنهيدة »

elsayad كتب:
elsayad كتب:الزميلة العزيزة / نهاد
طبعاً لا يمكن أن يفوتني هذا التكريم الخاص بدون أن أرحب بكي وأقول أنكِ وبصراحة شديدة " ونعم أعضاء الأكاديمية " بمواضيعك الهادفة وردودك المشجعة لزملائك والمفيدة أيضاً لهم . . ففي هذا اليوم أنتى تستحقين :
أولاً : وساماً من الأكاديمية لكي ككاتبة مميزة وإنسانة خلوقة ونعم الخلق .
ثانياً : وساماً لذوقك الرفيع فى اختيار مواضيعك المميزة وأيضاً فى ردودك الشيقة على زملائك .
ثالثاً : وساماً من أجل إنسانة تشجع زملاءها وتفيدهم .
وتستحقين أيضاً الكثير والكثير من الأوسمة التى بها ربما نرد لكي بعض الشئ من عطائك الوفير والجدير بالذكر داخل الأكاديمية وخارجها .


وأنا سعيدة جدااااااا ياعاطف بتشريفك وأسفة جدا على التأخير وحقيقى كلامك أعجزنى عن الشكر :)
وبكلامك بجد ياعاطف أنا حصلت على وسام غالى جدا من زميل بعتز جدا بكلامة وحقيقى فى الأكاديمية انا كل يوم بحصل على وسام بوجودى وسطكم
وانت كمان ياعاطف تستحق الكثير من الأوسمة على روحك الطيبة وكلماتك الجميلة سواء الا بتمنعنا فية فى الشعر او الا بتشجع بيها زملائك ربنا يجزيك
كل خير بشكرك كل الشكر على وجودك وعلى اسعادى بتلك الكلمات الرائعة :)

وأود قبل أن أنتهي من كلامي أن أسألك ويا رب تكون أسئلتى خفيفة . .
وانا بكل الصدق هجاوب على اى أسئلة وأكيد ان شاء الله هتكون خفيفة :)
من أكثر إنسان أو إنسانة تحبينهم ؟
ياه سؤال صعب جداااااااااا ياعاطف انا محتاجة كدا صفحتين او أكتر عشان أقول اكتر إنسان بحبه لان انا بحب ناس كتير جداااااااا ولو بتتكلم عن القرايبين جدا منى فهما كتير جدا برضة انا بجد بحب ناس كتير جدا ولو ذكرت انسان واحد ييقى انا بظلم نفسى اولا لان انا فى ناس كتير من غير وجودهم أكيد حياتى كانت هتنتهى لكن أنا هجاوب عن السؤال بشكل تانى أنا أكتر حد مش بفكر حتى قبل ماانفذ ليه أى طلب بحبه حب كبير جداااااا لو طلب حياتى بجد مش هتأخر ابدا انى اديهالة عشان عمرة يطول أكتر جدتى بحبها بجد حب كبير جدااااااااااا ومش عارفة بجد لو مش موجودة معايا أنا كنت عملت اية اكيد الحياة كانت هتبقى ملهاش اى معنى انا طيعا بحب اتكلم عنها كتير اوى وعن علاقتنا الجميلة ببعض ربنا يخليهالى وميحرمنيش أبد من وجودها:) ويارب ربنا يخليلى كل الناس الا بحبهم ويفضلو طول عمرهم منورين حياتى :)

ما أو من أكثر شئ تكرهينه ؟
احنا لسة كنا بنتكلم عن الحب لية قلبنا فجأة كدا بس :) أكتر شخص بكره بمنتهى الأمانة أنا عمرى ما حسيت بمشاعر الكره تجاه انسان لان الكره معنى كبير جدا انك تكره حد يعنى تكره وجودة واى شىء مرتبط بيه بحس بجد ان القلب بيتلوث بمجرد انه يدخلة مشاعر الكره تجاه اى إنسان ...اوقات أه بكره تصرفات أشخاص لانها بتأذى أشخاص تانية لكن مش بحاول أكرهم ممكن اتجنبهم لكن أكرهم لا ...
لكن فى حاجات فعلا بكرهها او بحب جدا انى أكرهها بحب جدااااااااااا أنى أكره الكذب والخيانة وبيخوفنى وبيألمنى وبكره جدا جدا الفراق :)

وبمناسبة أن اليوم يصادف " عيد الأم " فماذا ستقدمين لوالدتك فى هذه المناسبة وماذا ستقولين لها ؟
هقولك الموضوع من أولة ياعاطف أول ماصحيت شغلتلها الراديو وقلتلها انى بهديلك كل الأغانى الا هتتغنى عن الأم وقلتلها طبعا كل سنة وانتى طيبة
وبعدين خرجت فضلت ادور اشترى ايه روحت أشترتلها كروت شحن للموبيل :D قلت حاجة مفيدة وفضلت أقولها طول اليوم كل سنة وانتى طيبة لدرجة انها زهقت منى بس فى أخر اليوم كنت انت نزلت القصيدة رحت قرته لها وقولتلها ان زميل معانا بيهديها لكل أمهات مصر وانى انا بهديهالك بشكل خاص ودا كل الا حصل :) بس معاكم احب أقولها أنى بحبها جدااااااااا وبتمنى انى دايما أن أرضيها وياربت تسامحنى على أى حاجة عملتها وضيقتها بيها وبديها أجمل وردة flower1
ما هو اكثر كاتب تعتبرينه قدوة لكي وتعجبين بكل كتاباته ؟
كنت زمان بحب أوى أقرأ كتب عائشة عبدالرحمن كنت بحب اوى جو الشاطىء والذكريات الا فى كتاباتها وكان نفسى أعمل زيها وتتنشرى أعمال زيها تحت اسم مستعار وأفضل طول عمرى مجهولة فى عقل القارئ كنت معجبة جدا بالفكرة دى وباسلوبها وبحب كتاب كتير بحب بعض أعمال يوسف السباعى وبحب جدا الكاتب أنيس منصور ...لكن لو هتكلم عن القدوة والا يستحق يتقال علية كدا هما كتاب من أكاديمية إيجيبت رايت بجد انا بحب جدااااا كتاباتهم وبستناها وبعتبرهم قدوتى فى الكلمة وأستفدت منهم كتير ولولاهم عمر ماكان ممكن حد يشوف كلامى جميل :)
ما هو المجال الذى تفضلين الكتابة فيه وتكوني فى قمة سعادتك أثناء كتابته عن باقي المجالات ؟
أدب الأطفال دا المجال الا بكون فى قمة سعادتى وانا بكتب فية او بقرأ بحس كأنى أم بتربى اولادها وبتتمنى تديهم أفضل ماعندها من مبادىء وقيم وكل شىء جميل وبحب كمان الخواطر جدا جداااا لانة المجال ا الا بحس فيه بحريتى وان قلمى مش واقف قدامة اى شىء بس فى الأخير انا بتمنى أكتب فى كل المجالات لان عندى أفكار كتير نفسى أكتبها وان شاء الله ححاول:)
بشكرك كتير ياعاطف على كل كلمة جميلة كتبتها وعلى أسئلتك المميزة ووبتمنى أكون عند حسن ظنكم جميعاً

بتمنالك كل الخير والتوفيق فى كل حياتك :) flower1


صورة
أضف رد جديد

العودة إلى ”كُتابنا تحت الأضواء“