مشكلتى انى بحب
مش بس بحب ... أنا على رأى خالد سليم:أنا عاشق
بجد بحبها جدا لدرجة انى مش بلاقى الراحة الإ عندها
ومهما بشوف منها برضه مش بقدر ابعد عنها
علشان كده أنا مش عايز اسافر
ابعد عنها واروح فين
والله العظيم بحبها
بحبـــــــــــــــــــها
أسمى معانى الحب
ومهما كتبت فيها مش هقدر اوصلك قد ايه كل حته فيها بتوحشتى
شوارعها ... حواريها ... ناسها الطيبين
مصــــــــــــــــــــــر ياجماعة
والله العظيم أم الدنيا
واحسن بلد فى الدنيا دى كلها
كفايه كده والواحد بيتمشى على كوبرى قصر النيل فى الصيف
عمر تانى والله
ولا لما اخرج مع الشله ونروح وسط البلد ... وطلعت حرب ...أو نفطر على عربية فول
ولا الحسين فى رمضان
ومصر القديمه... والقاهرة ..الازهر والسلطان حسن
مساجد ...كنايس
عالم تانى ...بجد عالم تانى
والله لو حكيت قد ايه لما بكون متضايق او مخنوق وانزل اروح اى مكان بحس فيه بنفسى
قد ايه برتاح... قد ايه بهدى وارجع لنفسى
وكمان لو حكيت لكم قد ايه بعشق اسكندريه واسوان
اكيد مش هتصدقونى أو هتقولو انى ببالغ
بس اللى يعرفنى كويس يعرف ان اللى بقوله والله صحيح بنسبة مليون فى الميه
وببص حواليا واقول 80 مليون عايشين عليها وهيه بكل المشاكل والظروف دى
ولسه بيضحكو
مش بالذمه دى معجزه
علشان كده انا مقدرش اسيب مصر واسافر اشتغل بره زى كل شباب البلد بيعملو
بحاول اقاوم واقاوم .....واقاوم
بس مش عارف لحد امتى
انا مش هستحمل ابعد عنها
والله العظيم
بحبهــــــــــــــــــا
بحبــــــــها
- ahmed_bebo
- أكاديمى فعال
- مشاركات: 66
- اشترك في: 09 ديسمبر 2008, 6:28 am
- Real Name: أحمد إبراهيم أحمد
- Favorite Quote: الخط المستقيم ...أقصر مسافة بين نقطتين
- verification: ID verified and trusted writer
بحبــــــــها
ولو كان المقام بها كريما ... لما كانت تموت الانبياء
ومن يغدو بدار الغير ضيفا .. فرب رحيله يكن المساء
ومن يغدو بدار الغير ضيفا .. فرب رحيله يكن المساء
-
- مشرفة قسم أدب الأطفال
- مشاركات: 1291
- اشترك في: 04 نوفمبر 2008, 3:01 am
- Real Name: نهاد نعمان
- Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
- verification: ID verified and trusted writer
- مكان: بنت مصر
Re: بحبــــــــها
جميل يااحمد اجتهادك والأجمل معانيك وأفكارك الأعايز توصلها من خلال خواطرك وقصصك بجد هايل تفاعلك واهتمامك بفكرة الأكاديمية
وانتى قدمتلنا خاطرة طلعه من قلب مصرى حابب بلدة بحلوها ومرها وهو ده الا نفسى يوصل لكل شباب مصر ان بلدنا حلوه ولازم نحاول نحلى مرها مش نزوده بالسفر والهجرة لازم كلنا نحاول نصلح من بلدنا عشان نقدر نخليها أجمل بلاد الدنيا زى ماكانت وانشاء الله حتبقى بأيدينا بشكرك يأحمد وبتمنالك كل التوفيقflower1
وانتى قدمتلنا خاطرة طلعه من قلب مصرى حابب بلدة بحلوها ومرها وهو ده الا نفسى يوصل لكل شباب مصر ان بلدنا حلوه ولازم نحاول نحلى مرها مش نزوده بالسفر والهجرة لازم كلنا نحاول نصلح من بلدنا عشان نقدر نخليها أجمل بلاد الدنيا زى ماكانت وانشاء الله حتبقى بأيدينا بشكرك يأحمد وبتمنالك كل التوفيقflower1
- الأمير الحائر
- مشرف قسم الروايات
- مشاركات: 859
- اشترك في: 31 أكتوبر 2008, 8:06 pm
- Real Name: وليد توفيق
- Favorite Quote: و تبقى الكلمات...
- verification: ID verified and trusted writer
Re: بحبــــــــها
جميلة بجد يا أحمد وعلى فكرة والله أنا نفس فكرتك عن البلد وانى مش عايز أسيبها مهما حصل ولا أسافر لو هأخد ملايين الدنيا بره مصر وأكيد فيه ناس كتير غيرنا بيحبو مصر الحب ده وبيخلصولها ومش عايزين يهربو ويرمو نفسهم فى البحر والخطر عشان قرشين زيادة...لأن لو كلنا بقينا كده هنصحى يوم نلاقى مصر مافيهاش شباب...
أنا بردو بعشق النيل وبعشق كل حاجة بسيطة فى مصر لأن دى أحلى حاجة فى مصر...ويارب دايما تفضل مصر بخير واللى بيكرهوها وهما منها يفهموا يعنى ايه وطن ويعنى ايه مصر...
بحييك يا أحمد على خاطرتك اللى طالعة من قلب مصرى بيحب بلده بجد...
أنا بردو بعشق النيل وبعشق كل حاجة بسيطة فى مصر لأن دى أحلى حاجة فى مصر...ويارب دايما تفضل مصر بخير واللى بيكرهوها وهما منها يفهموا يعنى ايه وطن ويعنى ايه مصر...
بحييك يا أحمد على خاطرتك اللى طالعة من قلب مصرى بيحب بلده بجد...
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
- ahmed_bebo
- أكاديمى فعال
- مشاركات: 66
- اشترك في: 09 ديسمبر 2008, 6:28 am
- Real Name: أحمد إبراهيم أحمد
- Favorite Quote: الخط المستقيم ...أقصر مسافة بين نقطتين
- verification: ID verified and trusted writer
Re: بحبــــــــها
شكرا لتنهيده وللأمير الحائر اللى مشرفين موضوعاتى دايما
ومصر ياجماعة تستحق مننا اكتر من كده مليون مرة
ومصر ياجماعة تستحق مننا اكتر من كده مليون مرة
ولو كان المقام بها كريما ... لما كانت تموت الانبياء
ومن يغدو بدار الغير ضيفا .. فرب رحيله يكن المساء
ومن يغدو بدار الغير ضيفا .. فرب رحيله يكن المساء