أكاديمية ايجيبت رايت الأدبية

حبيبتى ورده بلدى
مزروعه وسط شوك
فى جمالها ما تلقى زهره
ولحسنها قوام تروق
فى عبيرها ما شفت ورده
تقدر ابدا تفوح
دى حبيبتى بضحكه صافيه
تشوفها على طول تدوب
وكمان بسنه لولى
لا تقول مورجان وياقوت
دى الحلوه ولا فى دلالها
بستان من الف لون
كل مااقرب منها
يجرحنى قوام الشوك
نفسى بايدى اخرجها
وف عينى اداريها على طول
وبأيدى ترجع ورده
وشابه بنت بنوت
دى حبيبتى هى بلدى
اللى فى حبها بموت
واللى ف قلبى حاططها
رمز للوروود

الله على الجمال بجد يا أية
أيوة كده ارجعى ورينا أشعارك الجميلة دى واللى بجد بتوصف حبنا كلنا لمصر بطريقة جميلة ومميزة...زى الوردة...اللى عمر ريحتها ماهتروح مهما عملو فيها اللى نفسهم يقطعوها ويخلوها وردة دبلانة...
يارب دايما بلدنا بخير يا أية...ويارب دايما بردو نشوف أشعارك الجميلة دى فى حب مصر

فعلا بلدنا وردة يجب أن نرويها من جهدنا وعرقنا ودمائنا حتى تظل متفتحة ويذبل كارهوها
شعر جميل وكلمات رائعة لكنها قليلة على بلدنا
برافو

رائعة ياأيه
فعلا مصر أغلى وردة فى حياتنا كلة عبرتى عن أحساسنا بأحساسك الصادق الجميل يأيه ياسلام على حب مصر لما تعبر عنه كلماتك بأشكرك يأية على شعرك المميز
انتى بقه ياأيه أغلى وردة فى الأكاديمية

جميل جداً يا همسه هذه الورده....

بشكركم اوى اوى ياجماعه على كلامكم الجميل اللى كله حماس دهبس والله ده كلام طالع من قلبى وجه بسرعه شويه لانى اتضايقت لما قريت موضوع مريم فكتبت الكلام ده والحمد لله انه عجبكم بالنسبه لتنهيده انتى اللى وردة وزهرة الاكديميه كلها مش انا

eman كتب:انتى اكيد انسانة جميلة ورقيقة اوى يا همسة لان جمالك ورقتك طغت على القصيدة
انا لو شوفتك فى الحقيقة اكيد مش هقدر اهديكى غير " وردة بلدى "
اتمنى تحافظى على مستواكى الجميل ده بل وتطوريه كمان ب11

اكيد انتى اللى انسانه رقيقه وجميله ياايمان على الكلام اللى انتى بتقوليه ده شكرا على الكلام الرقيق ده وان شاء الله هحافظ على مستوايا واطوره:)