ألف مبروك يانهاد
خبر جميل و متوقع منك بحبك للأعمال و ردودك اللى دايما بتحس بالعمل و تقراه بالقلب قبل العين..و عشان كده ردودك دايما جميلة و فعلاً تستحقى ألف فوز مش فوز واحد على حبك لكل اللى حواليكى
بهنى كمان كل زمايلى اللى اتذكر أسمائهم واحد واحد لأنهم حقيقى يستاهلوا..
مبروك ياجيهان
ردودك فعلاً فيها قراءة عميقة للعمل دايماً..و أسبوع الردود أكيد كان فرصة جميلة عشان تظهر ردودك بشكل أكبر..و يارب دايماً مميزة بردودك و أعمالك
.....
مبروك ياهبة
زميلتنا الأولى العائدة بقوة..و حقيقى أنا سعيد جداً بعودتك فى كل حاجة ياهبة سواء فى الفوز فى المسابقة أو فى الردود او فى المواضيع..و ياريت تفضلى كده زى ما اتعودنا عليكى و يفضل النشاط و الفوز دايماً
.....
أختنا المتميزة دايما غادة
مبروك للترشيح و أظن لو كان فيه مسابقات لكل شهر فى الردود طول الفترة اللى فاتت أكيد كنتى هتبقى أنتى فائزة بردودك اللى دايماً مشجعة و ناقدة من غير مجاملة و من غير تجريح..و بحب فى القراءة و التعليق..و حقيقى بدعيلك نفس دعوتك الجميلة ليا دايماً إن ربنا يبارك فى وقتك و ما تبعديش أبداً عن قلمك ولا عن اى شئ بتحبيه
.....
زميلى اللى بعتز بيه محمد محمود
مبروك مش بس على الترشيح هنا لكن على كل ردودك و تشجيعك اللى دايماً كان حافذ للكل على كتابة المزيد مش بس فى قسم الشعر لكن فى كل الأقسام و حتى فى المواضيع النقاشية رأيك دايماً بيبقى موجود و مؤثر..و بتمنالك دايماً كل تميز فى كتابتك و حياتك
......
مبروك يارحاب
مش غريب على حد بتميز اعمالك و لغتك سواء فى الخواطر أو القصص إنه يبقى ردوده مميزة كمان..و حقيقى سعدت بوجود اسمك هنا و بتمنى يبقى موجود دايما فى كل فوز و تكريم
......
مبروك إيناس حليم
مبروك حقيقى للترشيح و أنا شفت ردك مرة بخصوص إن الشغل هو اللى بيبعدك عن الكتابة و فعلاً ما أعتقدش كاتبة قصص قصيرة متميزة زيك المفروض يبعدها حاجة عن هوايتها المفضلة..و بتمنالك كل تميز دايما
......
نورا..الف مبروك
ردودك كمان بتقرى العمل حلو اوى دايماً..و بالذات فى المواضيع النقاشية..زى أعمالك..يمكن أنا شخصياً قبل أسبوع الردود كنت محضر قائمة من الأعمال اللى عايز أرد عليها فيه و كان فيها اعمالك اللى ما عرفتش أرد عليها قبل كده مع إنك حقيقى مع زميلنا محمد محمود من أكتر الناس اللى بيخلونى اقرا شعر و أحبه رغم إنه مش مجالى المفضل..و طبعا لا تعليق على مصير تلك القائمة و الأسباب التى حالت دون الرد عليها.. س11
مبروك يانورا و بتمنالك النجاح دايما إن شاء الله فى الأدب و فى كل حياتك
........
مبروك كمان لإدارة الأكاديمية على فكرة أسبوع الردود و كانت أمنيتى الأكبر طبعاً إنى أشارك فيه و يبقى عودتى للردود بس للأسف ظروف الوقت جائت بما لا يتمنى صاحبها...
........
و أخيراً مبروك مرة تانية يانهاد على الفوز اللى بجد تستحقيه جداً..و أكيد غير إنه خبر سعيد للكل بس ليا شخصياً أكتر و فوز كمان ليا لأنه فوز زميلتى فى الأكاديمية و فى فريق الإحساس
و يارب دايما متميزة إن شاء الله