الدنيا كلها ألوان فيها الزاهى والى بيضحك والى يغير شكل الألوان يوم نضحك للون الأحمر يوم مانشوفة ..
وردة جميلة بتفتح لشمس ونورها وتجدد معنى الأيام ,
ويوم تانى بنكره لونه يوم مانشوفة دم وسايل على جبين طفلة بريئة....
وهو يوم نكره ويوم بنحب وهى دنيا كلها الوان ..
وبيخطفنا اللون الأصفر باشعة شمس ذهبية تدخل جوه قلوبنا بفرحة تدفينا من برد أيامنا
وتنسينا الحزن الساكن جوه قلوبنا...
وفى يوم تانى غايبة الشمس , وأوراق الشجر الدبلانة مليه الأرض
يدخل جوه قلوبنا الخوف تكره عينا اللون الأصفر لما نشوف الشجر أصفر ..ونعيش يومنا زى ماهو
ماهو هيعدى غصب عنا مهما هنكره او هنحب ..
دا حكاية الدنيا طويلة هنعشها فى قصة غريبة ابطالها هى الألوان .....
وفى ألوان للحب اتخلقت تضم بالحب عيونا وتخطفنا لدنيا جديدة متلونة بأجمل ألوان ...
منها اللون الأزرق طبعا , لون السما ولون البحر تيجى غيوم تدراية أوقات لكن يرجع تانى ويصفا
ويحلى طعم الأيام ...وندوب فى البحر همومنا, ونصفى بسمانا نفوسنا ...
وأهى الوان واتخلقت لينا .. تغيرها بيكون بأيدينا ومهما هنكره أو هنحب هنعيش فى دنيا الألوان
بأيدينا نخليها جميلة ونتمتع بكل الالوان لما نخلى الأحمر وردة رقيقة وناسيها لون الدم ...
ونفرح بأشعة الشمس وننسى وياها الهم ...
ليه نكره الوان الدنيا ...الا اذا كان العيب جوانا بنشوف بس الأسود منها وبننسى كل الألوان ..
حب الدنيا بكل الوانها واوعى تغير من معانيها ...
ولك من نصيحة أخيرة شوف الدنيا بكل الوانها ,لكن قلبك يكون لون واحد مهما اتغيرت الألوان ...
الله يارورو بجد كلماتك حلوة اوى
عجتنى جدااااا وعجبنى اوى تصورك الجميل واحساسك بالأولوان
قدرتى بجد تشوفى الناس والوانها ووصفتى دا بشكل رائع انا سمتها على فكرة الوان الناس
بحيكِ بجد ياروان على تعليقك المميز وسعيدة ان كلماتى المتواضعة الهمتك الكلمات الرائعة دى
بشكرك مرة تانية على المرور الجميل وبتمنالك من قلبى كل التميز والتوفيق
خاطرة جميلة يا نهاد
عنوانها جذاب لأننا أصبحنا في دنيا كلها ألوان
ناس تتلون حسب الظروف ، وناس شايفة الدنيا بمبي على طول
وناس الدنيا مضلمة عندهم على طول
الألوان ببساطة بتمثل جزء مهم في حياتنا وردود أفعالنا ، وحتى في تكوين شخصيتنا ومشاعرنا
خاطرتك ناقشت موضوع الألوان وعلاقتها بالنفس البشرية بصورة جميلة وسلسة
أتمنى لك حياة مليئة بالألوان المبهجة لك ولكل من حولك
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ
محمد محمود كتب:خاطرة جميلة يا نهاد
عنوانها جذاب لأننا أصبحنا في دنيا كلها ألوان
ناس تتلون حسب الظروف ، وناس شايفة الدنيا بمبي على طول
وناس الدنيا مضلمة عندهم على طول
الألوان ببساطة بتمثل جزء مهم في حياتنا وردود أفعالنا ، وحتى في تكوين شخصيتنا ومشاعرنا
خاطرتك ناقشت موضوع الألوان وعلاقتها بالنفس البشرية بصورة جميلة وسلسة
أتمنى لك حياة مليئة بالألوان المبهجة لك ولكل من حولك
شاعرنا الرائع محمد محمود شرفت بتعليقك الخاطرة سعيدة جدا بأعجابك بيها ولانى كتبت الخاطرة عن الألوان
فحسيت ان كل تعليق فيها هشوفه بلون شخصية صاحبه وانا بجد النهاردة شوفت تعليقك بالون الزهرى الا دايما بيسعد نفس أى حد يشوفة بشكرك جدا ياقرئى الأول ومصححى اللغوى العظيم ..
وانا طبعا فى منتهى التشوق لرجوعك بقصيدة جديدة تجدده به الأمل فى نفوسنا
اشكرك على مرورك الرائع وانا ايضا اتمنالك حياه متلونة بأجمل الوان ...
شيماء قبيصى كتب:دى نظرة فنان يا نهاد
فعلا كلها مفارقات ..يمكن احنا بنشوفها زى محنا عايزين ..ويمكن بترتبط فى اذهاننا بمواقف .. دى فلسفه عميقه اوى يا نهاد
وصعب ناخد المؤثرات الايجابيه ونتجاهل الاخرى وخصوصا فى مواقف ومهن معينه..
عجبانى اوى الباليته بتعتك وكمان باليتة روان
خاطره مبهجه ومتفائله جداااا
دى نظرة انسان ياشيمو نفسه يشوف الدنيا بالألوان
شرف كبير ياشيمو ان صاحبه الأفكار الفلسفية العميقة تصف كلماتى المتواضعة بالفلسفة والعمق
لكن لانك انت دائما صاحبة نظرة حكيمة فقد قرأتى كلماتى بعمق تفكيرك الذى يفتش دائما فى اعماق الكلمة
قد قرأت عينى تعليقك ياشيمو بالون الأبيض الذى رغم شففيته الذى تبهر العين فأن لا يرى شففيته غير كل نفس صافيه ترى الدنيا بعين الحكمة والرضا ..
أحيكِ على تعليقك الجميل والا اسعدنى جدااااا بيتمنالك ياشيمو انك تشوفى دنيتك دايما متلونه بأروع ألوان ...
وبشوفها أبيض أو اسود رمادى ده انا معرفهوش لو حد هيقولى ده بمبى برضه انا مهأمنلوش لون الصراحه معروف للكل لو حد مره يقول مشافوش هقوله الوانك بايظه والدنيا الوانها على الوشوش
خاطره جميلة يانهاد وربنا يوفقك دايما
ولو كان المقام بها كريما ... لما كانت تموت الانبياء
ومن يغدو بدار الغير ضيفا .. فرب رحيله يكن المساء
ahmed_bebo كتب:وبشوفها أبيض أو اسود رمادى ده انا معرفهوش لو حد هيقولى ده بمبى برضه انا مهأمنلوش لون الصراحه معروف للكل لو حد مره يقول مشافوش هقوله الوانك بايظه والدنيا الوانها على الوشوش
خاطره جميلة يانهاد وربنا يوفقك دايما
مرورك هو الا جميل ياأحمد وحقيقى كلماتك صادقة وصريحة
وفعلا لون الصراحة معروف للكل مش محتاج يتوصف بأى لون عشان الناس تعرفه
وزى ماقلت ان الدنيا الوانها على وشوش البشر بتبان وبأيدينا نخليها اجمل دنيا وبايدينا برضة ممكن نحولها لدنيا
خالية من اى حياة بشكرك ياأحمد على مرورك الذى اسعدنى جداااا
بتمنالك كل الخير والتوفيق فى كل حياتك
تشبيه رائع يا نهاد إنك توصفى أحوال الدنيا بالألوان . . نظرة تليق بالواقع الذى نعيشه الآن يوم لون كذا ويوم لون كذا والحياة لونها كذا مثل أغنية " الحياة بقى لونها بمبى لسعاد حسنى " وطبعاً تختلف الألوان من شخص لآخر حسب حالته النفسية . أتمنى أن يجعل الله لكي أيامك كلها ألوان مفرحة وجميلة مثل أعمالك .