الزميلة العزيزة,invisible gogo كتب:إدارتي العزيزة ...
اولا يا ريت الشرخ اللي انتم حاسين بيه تنسوه شوية و مش تزعلوا بسبب قلة عملت كدة .. لان اعتقد ان كل زملائي و كل الاعضاء هنا بيثقوا فيكوا و بيحبوكوا و يمكن اكتر مني انا شخصيا ...
طبعا موضوع زي ده حيزعلكم لكن برضه ممكن تقدروا تهزموا الزعل ده و مش تزعلوا بسبب قلة .. و مش نخلي القلة دي تهزم افكاركم و اهدافكم اللي كنتم عايزينها بداية من الاكاديمية و اللي بالتاكيد نجحتوا في تحقيقها ...
ثانيا انا مش من طبيعتي اني اجامل لكن انا بجد بشكركم لاني واحدة من الناس استفادت جدا من موقع و كاديمية محترمة زي دي .. يكفي اني اعمل حاجة و اكتبها و اشوف ردود زملائي المشجعة و اللي بستفيد منها .. و دي اعظم فايدة في نظري يكفي ان كتابتي توصل للناس .. ده غير طبعا الفوايد التانية
ثالثا انا شايفة ان موضوع التبرعات مش فيه اي حاجة و كمان مش المفروض من اكاديمية محترمة بنثق فيها انها تقدم مبررات لفكرة معينة يكفي ان الاكاديمية دي متابعانا اولا باول و بتوجهنا و بتشاركنا في كل شيء ..
ده غير طبعا ايجابيات التبرعات دي اللي ذكرتوها قبل كدة و اللي كلنا بنوافق عليها .. و متفقين عليها .. و جايزة اسبوع المقال انا شايفة ان مش فيها حاجة خالص مجرد حد محترم عجبته الفكرة و المقال فحب يشجع صاحبة المقال يعني نوايا طيبة و كمان انتم تعاملتوا مع النوايا دي بذوق و لطف و قبلتوا الاموال لانكم عارفين انها نوايا طيبة ..
رابعا بالنسبة لرقم ال ip انا بصراحة مش بفهم في الحاجات دي كتير لكن اللي متاكدة منه هو ان في مشاكل في شبكات النت عامة .. حاليا لان في مواقع كنت بدخلها مش بتفتح بسبب مشاكل في شبكات النت فبالتاكيد الخلل اللي في النت ده هو اللي مسبب المشكلة زي ما ادارة الاكاديمية قالت ..
خامسا بالنسبة للاقتراح هو انا طبعا ممكن اوافق عليه ما دام في مشاكل بتحصل كتير بس برضه حرام .. يعني ممكن في ال 3 شهور دول يكون في حد كويس بجد عايز يتقدم للمسابقة .. فحرام نحرمه من الفرصة دي .. و كمان الاكاديمية اقترحت ان الاعضاء الجدد اللي حابين يدخلوا في المسابقة هما اللي يدفعوا .. يعني لو فعلا حد كويس و عايز يدخل المسابقة بجد فاعتقد ان مبلغ 20 جنيه مش مشكلة ..
و مع احترامي للجميع اللي عايز يدخل المسابقة بجد و لسة جديد ف 20 جنيه مش مشكلة و مع احترامي الشديد لكم اللي مش عايز يدفع و حاسس ان الموضوع في خداع و طبعا ده بستبعده ف ما يدفعش و ما يتقدمش .. لكن حرام السيئة تعم زي ما تفضلتوا و قلتوا قبل كدة ...
اسفة جدا على الاطالة بس كان لازم ارد و اقول انكم ادارة محترمة تستحق الاحترام و التقدير لاني من اول يوم سجلت فيها و انا بشوف كل خير و بعرف ناس محترمة زيكم ..
و يا ريت الردود المستفزة مش تاثر فيكم مع احترامي ليهم برضه .. و عامة لو طلع معايا اقتراح جديد و حسيت انه مفيد و ينفع طبعا مش حتاخر عليكم و حقوله على طول ..
و جزاكم الله كل خير و اعانكم على كل مسئولياتكم ..
نقدر ردك و دعمك الذى أسعدنا, و الأكاديمية و النشاط الرائع البناء من كتابها المتميزين يسعدنا و يشجعنا أكثر, ولكن المشكلة أصبحت خلط فئة معينة بين المسابقة و الأكاديمية كما وضحنا فى ردنا بأعلى, و نحن نادراً ما نتأثر بهذه القلة التى بدأت منذ بداية المسابقة, لكن التوقيت و الظروف هى ما يصنع الفارق فى التأثير علينا, و آرائكم و مشاعركم نحو الأكاديمية هى بحق ما يجعلنا نستمر و نحول هذا الإحباط السلبى إلى طاقة إيجابية تبنى و تدفع الأكاديمية للأفضل بإذن الله تعالى.
نشاركك نفس الرأى بخصوص إختلاف أهداف المساهمات, لكن ما نقصده هو أن هوية المساهم نفسه تصنع فارقاً كبيراً, فعندما يساهم أحد أعضاء الأكاديمية المميزين فى أى من فعاليات الأكاديمية فهذا داعى لكل تقدير و شكر كما حدث أخيراً, لكن كل ما قصدناه أن خلال هذه المرحلة لا نريد فتح الباب أمام مساهمات غير منظمة, فمسابقة العام القادم كما وضحنا فى موضوع التصويت الأخير, ستشهد فتح باب المشاركة بمبلغ إضافى للمسابقة خلال الصندوق الزجاجى الذى سيوقف أى محاولة من مشكك مثل العضو المذكور, لهذا فالطريقة و الوقت و التنظيم لعملية المساهمة هى ما نتحدث عنه و ننتظره بإذن الله لتكون المساهمة لصالح المسابقة متاحة مع إبقاء الأكاديمية بعيدة عن أى شبهة أو تجريح من عضو جديد لا يعرفها إطلاقاً ولم يأخذ حتى الوقت للتعرف عليها و فهم أهدافها و قواعدها, ففكرة الصندوق الزجاجى ستوقف كل مشكك عن ممارسة هوايته.
بالنسبة لنقطة الإشتراك فهذا هو محل النقاش الأساسى, نقدر رأيك تماماً و بالفعل نحن أيضا لسنا سعداء بتعميم السيئة على كل الأعضاء الجدد كما ذكرنا, ولكن للضرورة دائماً أحكام, و سنتابع عرضنا لباقى الأراء لنخرج فى النهاية معاً بقرار أخير بإذن الله.
جزيل الشكر على تعليقك و دعائك, و نتمنى بالفعل أن يعيننا الله لنحافظ على الأكاديمية لائقة بكل أعضائها.
أطيب تمنياتنا بالتوفيق,
فريق الأكاديمية.