م كل شيء بقى ملك يدي ..
أنا اللي باخد و انا اللي بدي ...
و أنا هنا السلطان ..
.........................
و م تسألش عن كم الانتصارات...
و لا حتى تحسبلي عدد الانجازات...
و م تقعدش تطرح تساؤلات....
و تضيعش نفسك في متاهات ...
م أنا هو السلطان..
.........................
بلاش تتكلم و أحسنلك السكات
م اللي قبلك اما منفي يا إما مات...
لو عقلت يا ما ح تاخد حاجات ....
لو أصريت ياما ح تشوف هزات ...
يا بني أنا السلطان...
............................
باين دماغك ناشفة و انك عنيد
م فيش مشكلة ثانية و يحضر الحديد
مستني ايه ياللا مد الإيــــــد...
و لو م حرمتش أن ممكن أزيد ..
م أنا السلطان ..
......................
طمن قلبك أنا قلبي مش قاسي ...
لسى فيه شوية حنية على مقاسي..
لو عملت اللي انا عايزو ممكن تدخل راسي..
تعيش أمير و أديك بعدي الكرسي......
لأني السلطان..
......................
ها...
ح ترضخللي و تعيش تحت ايدي عال العال
و لا ح تعمللي فيها راجل و م يرضكشي دة الحال
فكر كويس و اسأل نفسك ميت سؤال
و كدة كدة معايا م تفرقشي ...
أنا بردو السلطان ....