صفحة 1 من 1
الرسم فن جميل
مرسل: 25 نوفمبر 2008, 3:35 pm
بواسطة الامير الصغير
انا بشكر الموقع انه عمل قسم للأطفال.وانا سعيد انى الاقى مكان ممكن اكتب فيه. ويارب الاقى اطفال كتير ييجوا يكتبوا معايا..
ودى حاجة كتبتهاعن الرسم.يارب تعجبكوا.
الرسم
الرسم فن جميل
بحب الون واشخبط
او افنن وابدع
انا بحب ارسم
الرسم هوايه جميله
لو فاضى
اتسلى بيها
اسرح فى جو
تانى
جو الخيال والفن
ارسم
شجرة اوحمامة
او عصفوره
اويمامة
ارسم على الورقة
كل الى ييجى
على بالى
برسم طير صغير
يطير وسط الاشجار
وطفل لسه صغير
بس رسام وفنان
----------------------------(امير)--------------------------
مع تحيات
(الامير الصغير)
Re: الرسم فن جميل
مرسل: 25 نوفمبر 2008, 5:08 pm
بواسطة قلب حزين
والله حلو جدا يا أمير ياصغير
حلو انك تعبر عن هواية بتحبها بكتابتك عنها ولو بكلمات بسيطة وبطريقة عفوية جميلة زى طريقتك دى....انا بحب الرسم من صغرى وعمرى مافكرت اكتب حاجة كده زيك
شكرا يا امير على كتابتك االجميلة وهنستنى كتابتك كل ماتحس بموضوع اكتب عنه وخلينا نقرا
Re: الرسم فن جميل
مرسل: 25 نوفمبر 2008, 10:12 pm
بواسطة الأمير الحائر
مبروك يا أمير ياصغير تانى موضوع ليك
واكتب بقى اللى أنت عاوزه زى كده حتى لو بسيط واقرا للناس اللى فى الموقع كلها عشان تتعلم...عشان عايزيك تكتبلنا قصة قريب...
ويامحمد متهيألى التوقيع ممكن بس الشيبسى انسى
Re: الرسم فن جميل
مرسل: 25 نوفمبر 2008, 10:29 pm
بواسطة تنهيدة
ازيك يأمير أنا كنت مستنيه كتاباتك بس بجد موضوعك يجنن مليان براءة وحب انا كمان بحب الرسم لكن للأسف ما بعرفش أرسم مع انى اوقات كتير بكون نفسى أعبر عن شىء حساه بالرسم بجد يأمير أنا سعيدة بجودك معانا أوى وحستنى افكارك ومواضيعك وبشكرك على صورة التوقيع
Re: الرسم فن جميل
مرسل: 26 نوفمبر 2008, 12:42 pm
بواسطة الامير الصغير
شكراً يا تنهيدة على ردك الجميل..
وشكرا ياقلب حزين
وشكراً يا وليد...
وبالنسبه ليك يامحمد انا برده على رأى وليد ان يمكن التوقيع اه .
بس الشيبسى لا طبعاًً ...وشكراًعلى ردودكم جميعاً.سلام