أكاديمية ايجيبت رايت الأدبية

منور ايجيبت رايت يامتر أنت بتسأل على موضوع حساس أوى وهو موضوع البطالة, واللى بتضيع أساس المجتمع...الشباب بص هو مش الحكومة لوحدهم ولا الشباب لوحدهم...الأتنين عليهم غلط..يعنى الحكومة مش بتوفر فرص عمل لكل الخريجين وحتى الكليات العليا..أنا ياما صادفت شباب متخرجين من كليات كويسة جدا علوم طب وهندسة...وقاعدين مش لاقيين شغل..المفروض ان الحكومة على قد ماتقدر توفر فرص عمل فى نفس التخصص للخريجين الغلط بقى الللى على الشباب هو لو ماحصلش كده يعملو ايه؟ يعنى لو الحكومة مش لاقتلهم شغل؟ هيقعدو فى البيت ولا عالقهاوى مستنيين وظيفة فى تخصصهم؟ ده يبقى كسل أيوة أنا عارف انك لما تشتغل بعيد عن مؤهلك بتبقى صعبة بعد ماتعبت فى الكلية وتشتغل فى محل أو مكتب اتصالات أو سيبر أو أى شغلانة مش تناسب مؤهلك..بس هنعمل ايه؟ هنقعد نحط ايدينا على خدنا ونقول ماما الحكومة مش جابتلى شغل؟؟ ماينفعش أبدا..الحكومة غلطانة ده أكيد بس اللى بيفضل مستنى العدل لما يجيله من الحكومة وقاعد على قهوة ده اللى أكبر غلط بجد..أشتغل فى أى مجال وأى تخصص لحد مايجيلك شغلة فى مجالك..اللى بيقول أنا مؤهل عالى ازاى أشتغل الشغلانة دى ده سورى يعنى يبقى مش بتاع شغل..وده اللى بيخلق بعد كده موضوع الأنحراف اللى انت بتقول عليه ومخدرات وسكة بعيدة خالص..ربنا يبعد الكل عنها اللى أنا قولته ده هو رأيى واللى شايفه حل مؤقت لأن الحل الأساسى للمشكلة فى ايد الحكومة والموارد الأقتصادية والبشرية اللى محتاجها سوق العمل فى مصر..وان شاء الله ييجى يوم نلاقى مصر فيها أحسن وأنجح شباب فى الدنيا, شكرا على فتح مناقشة الموضوع الهايل ده