Re: ( إحتلال قلب ) رواية درامية حربية - الجزء الأول
مرسل: 13 ديسمبر 2008, 1:36 pm
هبة الله محمد كتب:جميلة قوي ومشوقة..عجبتني بجد..أسلوبها بيفكرني بأسلوب د.نبيل فاروق شوية...وشكلي هادخل على الأجزاء الثانية على طول.
شكرا ياهبة على رأيك...وفعلا أنا بفخر انى من مدرسة دكتور نبيل فاروق اللى أكيد علم جيل كامل اتربوا على كتاباته وأسلوبه المميز...وأنا الجزء الأول ده بالذات كنت كاتبه من سنتين فى فترة أنا كنت متابع دائم لروايات دكتور نبيل فاروق وأعداد كوكتيل 2000 تحديدا اللى بحبها جدا...وعشان كده الجزء ده كان مشابه جدا فى أسلوبه وتعبيراته لدكتور نبيل فاروق بس هتلاحظى فى الأجزء الجديدة اختلاف كبير ورجوع لأسلوبى الشخصى عشان أنا كاتب الأجزاء دى مع بداية الأكاديمية لأن الرواية دى كانت طى النسيان أصلا وكانت هتفضل رواية بجزء واحد لولا انى لقيت الأكاديمية هنا و ده اللى حمسنى أكمل الرواية
وأنتى ياهبة على حظك جاية بعد ما انكتب أربع أجزء يعنى مش هتضطرى تستنى كتير
وأنا على فكرة مع أخر جزء كتبته زودت فى أخر كل جزء لينك للجزء اللى بعده عشان اللى عايز يقراها كلها ورا بعض يبقى الموضوع سهل...وشكرا مرة تانية على رأيك يا هبة وياريت انتى كمان تبتدى وتورينا رواية ليكى بأسلوبك الجميل 