أكاديمية ايجيبت رايت الأدبية

مرسل: **22 نوفمبر 2008, 10:25 pm**

ادينى بكمل الحملة اللى بدأاها محمد لتنشيط الأقسام اللى تحت وجه فى بالى موضوع اكتبه فى اهداء إلى..يلا عايزين الكل يفكر فى مواضيع للأقسام اللى تحت كده لأنها بجد لما ابتديت اكتب فيها لقتها كلها افكارها جميلة عايزة بس اهتمام مننا ونفكر فى مواضيع أكتر...

لو معاك 3 وردات هتهديهم لمين...مين الأشخاص اللى عايز تهديلهم وردة..وليه ..؟ وماحدش طماع يقول أخلى الـ 3 وردات لنفسى ومش أهديهم لحد

يعنى أنا مثلا أهدى وردة لكل الأساتذة اللى درسولى من ساعة ما كنت طفل..وبالذات مدرسين العربى والأنجليزى..فيه ناس كتيرة مش بيحبو المدرسين بتوع أيام الطفولة بس أنا عن نفسى كنت بحبهم ولحد دلوقتى فاكرهم واحد واحد بالإسم من ابتدائى لثانوى..وما أعتقدش هأنساهم أبدا لأن دول اللى علمونى الحروف و الكلام...

ويستحقوا أجمل وردة

الوردة التانية لأصحابى كمان من أول ماكنت طفل لحد أخر ثانوى...لأن دول كانو أجمل صحاب.ودول اللى فاضلى منهم لحد دلوقتى هما صحابى بجد...وصحاب الجامعة مهما كان عمرهم ماهيكونو زى براءة صداقة الطفولة...اللى يستحقو الوردة التانية...

الوردة التالتة بقى بكل بساطة لأكاديميتنا زى ماعبر أحمد...وردة للإدارة و لأحمد وخالد وأية ومحمد محمود و Lawyer و أستاذ مسعد وطبعا لزميلتى فى تيم الأحساس ورواية ( حب بلا وطن ) تنهيدة...وكمان لكل عضو فى الأكاديمية ولو كتب كلمة واحدة معانا....لكل دول بهدى أخر وردة عشان أغلى وردة دايما أخر وردة

أنا وردى خلص

جه دوركوا....

مرسل: **22 نوفمبر 2008, 11:41 pm**

ميرسى بالكوم يا قمر على انك اديتنى وردة بس يا ترى بلدى ولا ايه اتمناها بلدى مش مستورد
انا بقى يا عم اهدى التلات وردات
الوردة الاولى لسيدنا رسول الله صلى الله عليه على انه كان اول واحد علمنا حاجة
الوردة التانية دى والدى ووالدتى واستاذى ناصر عبد الفتاح اللى حولنى من عدو الانجليزى لاكثر محبيه ولاستاذى ماجد عبد اللطيف اللى كان سبب فوقانى فى فترة من فترات حياتى بعد ما خبطنى قلم على قفايا واعتذرلى بعده وقالى انه لو مش بيحبنى وعارف انى كويس ما كانش ضربنى
الوردة التالتة لاكاديميتنا لانه بجد لولاها ما كنتش عرفت اكتب اكتر من اللى كتبته دا ولا عرفت افكار جديدة واهديها كمان ليك يا حاج وليد ولا همسة وقلب حزين وتنهيدة واستاذ مسعد وخالد ومحمد ولسة صغير اخوك ولكل الناس هنا

مرسل: **23 نوفمبر 2008, 2:32 am**

لو معايا 3 وردات أنا مش عارفة حديهم لمين ولا لمين أنا فى ناس كتير فى حياتى بحبهم وبقدرهم حتى من غير مايشفونى ولا شوفهم لكن انا ححاول اديهم لاكتر ناس مأثرين فى حياتى اليومين دول ومش معنى كدة انى بنكر فضل ناس تانية المهم انا حدى الوردة الأولى مناصفتنا مابين بابا وماما واخواتى البنات وهم بقه يتصرفو وممكن اكتبلهما على أوراق الوردة انى عمرى ماحلاقى ناس تحبنى زيكو

والوردة التانية حديها لبلدى مصر لانى انا بحب بلدى أوى ونفسى أشوفها اعظم بلد فى الدنيا

أما الوردة التالتة فطبعا حديها لاكادميتا ولكل عضو من اعضاءه الا بجد اضافولى كتير بأفكارهم ورددهم حسسونى أن مصر لسه فيها شباب مبدعين زى أحمد وهمسه وخالد وقلب حزين ومحمد وزهره الأكاديميه لسه صغير قصدى أمير

معلش ياوليد أنا أشتريت وردة رابعة من فلوسى ودة طبعا بهديها لروح ألأكاديميه ومبتكر الأفكار الرائعة انت ياوليد

مرسل: **26 نوفمبر 2008, 12:43 pm**

انا لو معايا 3 وردات..

..
( اولاً )طبعاً هدى اول واحدة لأخويا وليد اول واحد.وانا بقدمها لوليد دلوقتى.اتفضل يا وليد

(ثانياً)هدى التانيه ل المدرسين والمدرسات والاصدقاءوللمدرس بتاعى.وانا بقدمهلهم.

(ثالثاً)هدى الثاثة ل امى وابى واخوتى ولنفسى وانا اقدم لهم جميعاً هذه الوردة.

ودى وردة من عندى لجميع من فى الموقع.

(وشكراً)

مع تحيات

( الامير الصغير)

أكاديمية ايجيبت رايت الأدبية

اهداء الى....لو معاك 3 وردات تهديهم لمين؟ :)

اهداء الى....لو معاك 3 وردات تهديهم لمين؟ :)

Re: اهداء الى....لو معاك 3 وردات تهديهم لمين؟ :)

Re: اهداء الى....لو معاك 3 وردات تهديهم لمين؟ :)

Re: اهداء الى....لو معاك 3 وردات تهديهم لمين؟ :)