أكاديمية ايجيبت رايت الأدبية

أزيكو يا أحلى أكاديمية
بناءا على طلب رسمى من Lawyer فى موضوعه نداء من القسم المحتل واللى أنا بأيده جدا فهنبتدى مع بعض حملة ( عاجبانى كلمة حملة دى ) احم ..حملة لتنشيط الأقسام اللى تحت كلها يعنى هنوازن بين الكتابة الأدبية والمواضيع اللى تحت شوية عشان زى مامحمد قال فعلا عايزين يبقى لو حد حتى مش بيكتب أدبيا كتير يشارك معانا فى النقاشات وكده...انا مش بقول ماتكتبوش يعنى مش قصدى بعدين حد يشتكينى للإدارة ويقول مشرف الكتابة بيحرضنا مانكتبش بس عايزين يعنى بين كل موضوعين أدبيين نكتب 5 مواضيع فى الأقسام اللى تحت وربنا معانا بقى
أول موضوع هبدأه هنا فى قسم ( كلام فى الحب ) ...فأول سؤال جه فى بالى ...يعنى ايه حب؟ اكيد مش كلنا مفهومنا للحب واحد...فيه حد عنده الحب أمان وراحة نفسية...فيه حد عنده الحب تعود على حد فتحبه...فيه حد عنده ده حد شكله حلو بنت شكلها حلو فأحبها...فيه حد تانى خالص عنده الحب ده معناه وهم! او ان الحب ده كلام افلام ودلوقتى الحب الحقيقى الوحيد بقى حب الفلوس...ده حد طماع اوى طبعا اللى عايز أقوله ان كل بنت أو وولد...راجل أو ست...ليهم معنى ومفهوم خاص بيهم عن الحب...أنت بقى الحب عندك معناه ايه...؟
يلا مستنى ارائكو وأنا هكتب رأيى فى وسط الأراء معاكو

اخيرا حد كتب حاجه فى القسم الغلبان ده شكرا ياوليد انك فتحت موضوع زى دهفى زمانا ده الحب بقى ليه معانى كتيره اوى زى ماانت قلت بس فى وجهة نظرى الحب بالنسبه لى انى احس بالامان مع الشخص اللى بحبه يبقى فيه بينا مشاركه كل واحد فينا يحس بالتانى يفرح لفرحه يزعل لزعله يشيل عنه همه يحس الاول بالراحه لما التانى يكون التانى معاه يحس ان فيهم حاجه ناقصه لو مش مع بعض واخر حاجه ممكن تربط بيننا هى الشكليات والماديات والحاجات اللى ملهاش لازمه دى

ياسلام ياهمسة على الرأى ..لو كل البنات بتفكر كده كان الولاد مابقاش حالهم كده..انا اعرف ولاد اعتزلوا حاجة اسمها حب عشان اتعقدوا من البنات وتفكيرهم
بس المشكلة ساعات الضغوط اللى حوالبنا بتتحكم فى معنى الحب عندنا...يعنى زى مثلا أنا أحب اللى هأخطبها والسلام...وانا هأقبل اللى جاى يتقدملى والحب هييجى بعدين..وعلى كده الظروف ساعات بتغير معنى الحب خالص وده على فكرة اللى سائد الأيام دى..الا قلة يعنى هما اللى لسه متمسكين بالحب الحقيقى ودول بقوا نادرين قوى

على فكره فعلا زى ماانت قلت ياوليد الكل بيقول انا احب اللى اخطبها او الحب ييجى بعد الجواز والكلام اللى بنسمعه ده بس دى عادات وتقاليد بتحكمنا يعنى مثلا انا من بلد ارياف مفيش حاجه اسمها ارتباط او حب بين اتنين مفيش علاقة حب او جواز بينهم ولو اتقال غر كده ياسلام والدها وقرايبها يمسكوها يضربوها بالنار كله دلوقتى بيسمى الحب تحت مسمى شرف وسمعه واترمت فى الارض

كلام جميل ياوليد لانه طبعا كلام فى الحب لكن أناشايقة انك كل الحالات الا قولته مافيهاش اى نوع من الحب الحب عمره مكان أنواع الحب هو أسمى معانى الحياة
أنا عن نفسى الحب بالنسبالى حاله من الصدق مابين اتنين لو حبيت بصدق حتخلص وتضحى من غير ماتحس وحتقدر تحتوى حبيبك
لكن ازاى أقول ان انسانه بتحب واحد عشان فلوسة او العكس ده حب او الا بيتعودعلى بعض ده حب مافى حاجات كتير فى حايتنا بنتعود عليها لكن لما بنسبها مننسها والا بيحب واحده عشان جمالها او الابتحب واحد عشان كلامه حلو كل ده عمره مكان اسمه حبflower1 الحب مشاعر بتخلى المحب يقدر يستحمل عيوب حبيبه ويجملها فى عنيه واخر كلامى ان الحب الحقيقى عمره مكان وهم

همسه كتب:على فكره فعلا زى ماانت قلت ياوليد الكل بيقول انا احب اللى اخطبها او الحب ييجى بعد الجواز والكلام اللى بنسمعه ده بس دى عادات وتقاليد بتحكمنا يعنى مثلا انا من بلد ارياف مفيش حاجه اسمها ارتباط او حب بين اتنين مفيش علاقة حب او جواز بينهم ولو اتقال غر كده ياسلام والدها وقرايبها يمسكوها يضربوها بالنار كله دلوقتى بيسمى الحب تحت مسمى شرف وسمعه واترمت فى الارض

بالظبط يا أية هى عادات وتقاليد وعلى فكرة أصبح كله سواء فى الريف أو المدينة فيه زى اجماع ان مافيش حب فى الزمان ده ..فيه خطوبة وجواز وبس والحب ده بعدين هييجى..بعد مايعيشو مع بعض ويجيبو أطفال وبعد كده بقى لو ماجاش الحب يعملو ايه؟ الأهل اللى بيرتبوا الجوازات وكده بين اتنين جايز اول مرة يشوفوا بعض دول بجد بيبقى عليهم ذنب اى خلافات هتحصل قدام لأن دول اتنين عمرهم ماعرفوا بعض ولا فهموا بعض ومرة واحدة المفروض يتجوزا؟ طبعا مشكلة كبيرة جدا...ويارب أى حد بجد يلاقى اللى يحبه ويعيش معاه عمره بحاله بكل حب لأن هى ده الأرتباط اللى بيدوم...

تنهيدة كتب:كلام جميل ياوليد لانه طبعا كلام فى الحب لكن أناشايقة انك كل الحالات الا قولته مافيهاش اى نوع من الحب الحب عمره مكان أنواع الحب هو أسمى معانى الحياة
أنا عن نفسى الحب بالنسبالى حاله من الصدق مابين اتنين لو حبيت بصدق حتخلص وتضحى من غير ماتحس وحتقدر تحتوى حبيبك
لكن ازاى ققول ان انسانه بتحب واحد عشان فلوسة او العكس ده حب او الا بيتعودعلى بعض ده حب مافى حاجات كتير فى حايتنا بنتعود عليها لكن لما بنسبها مننسها والا بيحب واحده عشان جمالها او الابتحب واحد عشان كلامه حلو كل ده عمره مكان اسمه حب الحب مشاعر بتخلى المحب يقدر يستحمل عيوب حبيبه ويجملها فى عنيه واخر كلامى ان الحب الحقيقى عمره مكان وهم

أنا كتبت فى كلامى فوق انى هأقول رأيى فى وسط الأراء تحت... انا كده مش هأقوله لأنك قولتيه خلاص...الحب...احساس..بصدق

الحب هو القدرة على العطاء والتضحية من أجل الآخر دون أن أنتظر منه المقابل، فالمحب هو من يعشق العطاء تقديرا لمن أحب ، ويتمنى أن يرى السعادة في عيني حبيبه حتى لو ضحى هو بسعادته .
وعلى فكرة وعن تجربة شخصية أكثر شيء يقوي الحب هو أن تبذل ما في وسعك لإسعاد من تحب دون أن تطالبه بحبك ونتيجة هذا البذل ستكون مؤكدة وهو أن تنال نفس القدر من الحب بل وتجعل من تحب يبادلك نفس المشاعر ويكون شغله الشاغل هو أن يعوضك عن عطائك بحب يفوق حبك وصدق الله حين قال " لو أنفقت ما في الأرض جميعا ما ألفت بين قلوبهم ولكن الله ألف بينهم " صدق الله العظيم .

بجد يا متر رأى مميز جدا لأنه جاى من حد عاش حقيقة الحب وكمان الجواز...اللى هو البداية الأجمل للحب الحقيقى...والمعنى اللى بتوصله من ان العطاء دون انتظار الأخذ ده اهم مبدأ فى الحب...وانك تحب بجد من غير ماتطلب انك تتحب...لأن الحب رد الفعل الطبيعى للحب لو كان صادق من القلب...وبحييك على الحقيقة الهايلة والأية الكريمة اللى ختمت بيها رأيك اللى بقدره جدا...ونورت الأقسام اللى تحت يامتر...ابقى خلينا نشوفك فيها دايما ونقرا أرائك المميزة