الباشا سواق التاكسى
مرسل: 22 نوفمبر 2008, 6:27 pm
كنت جاى من مشوار فى احد الايام والجو ايه ولعة قلت افرجها على نفسى واشاور لتاكسى ويا رتنى ما فكرت.. حوالى عشرات التكسيات ولا واحد راضى يقف (يا استاذ.. يا باشا..طب يا بيه)ولا حياة لمن تنادى فقررت اكمل المسيرة و ماهزقش نفسى اكتر من كده و مشيت افكر ليه التاكسى الى من المفروض انه لتوصيلك الى اى مكان اصبح ولا الملاكى الى عايز يركبه يركبه والى مش عايز يركبه مش يركبه وعلى حسب الاماكن ..ليه ايه السبب وقعدت افكر فى الطريق لحد ما وصلت البيت وقررت انى ادور فى الاسباب وتانى يوم قررت اتهور واشاور لتاكسى فعندما فرمل بعديا بخمسة متر و الى اجبرنى ان اجريهم عشان اقول لسيادته على المكان قبل ما يجرى و فعلا وصلت الى التاكسى قلتله على المكان الى بصراحة كان نفسى يوافق عليه بس فوجئت انه بيقولى لا ياباشة مش فى طريقى وقبل ما يجرى قلتله بسرعة طيب انتا رايح فين ... بصلى باستغراب وقالى انا رايح ناحية كذا قلتله طب خدنى معاك
واخيرا تكرم عليا و خلانى اركب (الحمد لله) و فى الطريق تدخن يا باشا قلتله تسلم يا باشا وبعدين قلتله هو مش ممنوع التدخين راح بصصلى بصة حسيت انه هيقتلنى بعديها وبعدين قالى
صلى على النبى يا باشا قلتله عليه الصلاة والسلام بس بجد ده مش ممنوع قانونا راح رادد عليا و الشرار بيتطاير من عنيه يا سيدى سيبك امال نعمل ايه ده من زهقنا و محدش و اخد باله وبعدين قلتله ايه السبب انى لما بشاور لكتير من التكسيات مش بتقف ..قالى يا باشا علشان المكان بعيد فالتاكسى عقبال ما يوصلك يكون عمله بندورتين ولا تلاتة فرديت عليه طب انا اعمل ايه فقالى ببرود اركب ميكروباص او خدها موتورجل لقيت نفسى زهقان قلتله على جنب هنا يا سطى و قررت انى مش هركب غير رجلى علشان خاطر الباشا سواق التاكسى
واخيرا تكرم عليا و خلانى اركب (الحمد لله) و فى الطريق تدخن يا باشا قلتله تسلم يا باشا وبعدين قلتله هو مش ممنوع التدخين راح بصصلى بصة حسيت انه هيقتلنى بعديها وبعدين قالى
صلى على النبى يا باشا قلتله عليه الصلاة والسلام بس بجد ده مش ممنوع قانونا راح رادد عليا و الشرار بيتطاير من عنيه يا سيدى سيبك امال نعمل ايه ده من زهقنا و محدش و اخد باله وبعدين قلتله ايه السبب انى لما بشاور لكتير من التكسيات مش بتقف ..قالى يا باشا علشان المكان بعيد فالتاكسى عقبال ما يوصلك يكون عمله بندورتين ولا تلاتة فرديت عليه طب انا اعمل ايه فقالى ببرود اركب ميكروباص او خدها موتورجل لقيت نفسى زهقان قلتله على جنب هنا يا سطى و قررت انى مش هركب غير رجلى علشان خاطر الباشا سواق التاكسى