تعرف على شخصيتك من الصورة التي تختارها

[هبة الله محمد]

قررت أن أمارس المزيد من تجاربي النفسية الشريرة عليكم

والآن سأضع لكم إختبارا آخر


تعرف على شخصيتك من الصوره اللي تختارها ...|||...



الموضوع انك تتـع ـرف ع ـلى شخ ـصيـتك

من خ ـلال الصوـوره الي تخ ـتآرهـآ ... /
:




.
.
.
.



/
:

يلا كـل شخـص يخــتـآر لـه صـورة


ع ـشـآن نشـوف كيـف شخـصيــتـه..

[Ghadat2009]

يسعدني إني أقول لك :

انتي فعلا اختباراتك شريييييرة !!

يعني بقالي فترة ..كل شوية أدخل الموضوع ده ..و أحاول أزكز في واحدة تكون عايزة أختارها و مافيش فايدة !

أصل كذا صورة منهم تركت انطباع عندي ...بس فيه واحدة منهم عاجباني أكتر شوية ..هاقولها و أمري لله

هي صورة رقم (2 ) ..مش عارفة ليه حاسة إنها أنيقة و بسيطة و منظمة و بتفكرني بالقلم و الورق و ألوانها يمكن أهدأ شوية من الباقيين

( إيه الكلام الكتير اللي قلته ده )

ربنا يستر و ما أطلعش شخصية غريبة و لا سيكوباتية !

بس بجد ... نشاطك كمحللة نفسية هايل جدا ..استمري ..اختباراتك ممتعة و مميزة


تحياتي لكِ

[هبة الله محمد]

آه واحدة شجاعة اخيرا..

شخصيتك طلعت جميلة جدا،

صورة 2:

مستقل ، غير نمطي ، متحرر:
أنت تطلب حياة متحررة وغير مقيدة لنفسك. عندك حاسة فنية في عملك.
أحياناً سعيك وراء الحرية يحقق نتائج مختلفة تماماً عن توقعاتك.
أسلوبك في الحياة منفرد جداً ، تبعد عن التقليد بل بالعكس تسعى للحياة بطريقتك الخاصة
وتبعاً لأفكارك حتى ولو تطلَّب ذلك أن تسبح عكس التيار.

[محمد محمود]

يا ساتر على الشر اللي باين من أولها
فعلا ً يا هبة موضوع شرير جدا ً
أنا حاسس إن نتيجة إختياري حتكون مدمرة لكن ما باليد حيلة
توكلت على الله
اخترت رقم 8
خد لك ساتر ................ إضرب .
هههههههههههههههههههه
النتيجة إيه
سترك يا رب

[المهاجر]

يا ادى العيادة النفسية اللى فتحت هنا .... خد يسدها يا جدعان

موضوعك جميل يا هبة ودعينى اختار الصور رقم 7 حاسس انها فيها كتير منى مش عارف ليه

[تنهيدة]

دكتورة الأكاديمية النفسية المشهورة بحيكِ على أختيارك للمواضيع وبحثك الدائم على أهم الأختبارات النفسية الا بتجربيها فينا
أنا بصراحة أحترت شوية فى الأختيار لكن فضلت أفحص شوية لحد مااخترت الصورة رقم 3 أولا لونها عجبنى ثانيا حاسة كدا انها عبارة عن دوامة ...واحنا دايما حياتنا بتكون كدا ...
بحيك ياهبة ويارب أكون شخصية سوية عشان أنا أصلا مش بحب الناس المعقدين يارب يارب مكون معقدة
النتيجة حتطلع أمتى يادكتور بس عشان نتطمن

[ابن مصر]

يا ساتر يا رب ربنا يستر من اختباراتك ياهبة و اللهى انا شكلى كده هبقى زبون دائم عندك بس مش تعلى الفزيتة عليا لانى بجد بعد ما اخلص الامتحانات هروح لدكتور نفسى فلو هتكون الفزيتة بتاعتك رخيصة هجيلك ماشى

بصى يا دكتورة هبة انا هختار الصورة رقم( 2) ايه ...... مش بقولك انا حالة ميئوس منها انا عارف نفسى و عموما اشكرك على هذه الاختبارات النفسية التى فى نهايتها اعتقد انك هتشركى الاعضاء فى الموقع كله هاهاهاههاهاهاهه


تحياتى ليكى يا هبة و منتظر التحليل و الروجتة

[الزهراء]

مساء الخير يا هبة الله

موضوع جميل و لو انك ناوية تفضحينا اليومين دول هو انت حد وزك علينا و لا عند بحث بتجريه ، الحقيقة اني خايفة و مترددة أختار بس ربنا يستر و نقول الصورة رقم 8 رغم اني كنت محتارة بينها و بين صورة تانية لأني بحب الالوان الزاهية كتير

قليلي بصراحة يا دكتورة و من غير ما تخبي عليا و إذا استدعى العلاج رحلة و سفر و شم هوى يا ريت تعجلي بكتابتو عشان محتجالو بسرعة

شكرا و الحساب يجمع

[سندريلا]

بصراحة انا احترت كتييييييييييييييييير هبة حسيت اني حتحول لما شفتهم ما تخافيش ما بقيتش حولة ... المهم عجبتني و احدة او بمعنى ادق شدتني هي رقم ( 3 ) حسيت انها دوامة بتاخدني لاماكن كتير ....... فكرتني بنفسي ......... اللي مليانة بلاد كتير و مباديء كتير

و حاجات كدة تتعبي من كتر ما تدوري جواها ....... و كمان حسيت انها بتوهني شوية .... عامة شكرا هبة اختبار حلو ..... بس يا رب

نتيجته تكون كويسة ....... و ما يطلعش فية حاجة وحشة كدة و لا حاجة .........

[نبضة...]

اولا الموضوع حلو قوي قوي قوي.......
بس حيرني كتييييييييييير...لان كل صوره من دي سابت عندي انطباع معين..حبيتهم كلللللهم..
شكلي معقده جدااااااااااااااااااااااااااااااااااااا....
بس اكتر واحده حبيتها قوي..بما انك طالبه صوره واحده.. هي رقم 7.. حاسه اني قعدت اتاملها كتير..مش عارفه ليه..
يمكن لاني عاده بحب الاشكال المنتظمه..
المهم..لو فيا اي حاجه كدا ولا كدا يا دكتوره..بللللللللليز..مش تفضحيني..كفايه سمعة التشاؤم التي اتشهرت بيها....
ميرسي تاني علي الموضوع..ومستنيين الرد علي اعصابنا..الطابور طول قووووووووووووووووووي يا دكتوره..والمرضى بدأوا يشكو انك هربتي من التشخيص..بس انا بقى خايفة يكون مريض مهووس من اياهم خطفك..هنلاقي مين بعدك يختبر شخصياتنا ؟؟..