صفحة 1 من 1
مزاد
مرسل: 10 مايو 2009, 10:00 pm
بواسطة donnabella
كل شئ باعه الزمن ... في مزاد كبير
كنا احنا فيه أرخص تمن ...
و اللي اشترى الماضي الجميل
كل شئ بقى ذكريات..
و إن كنا نبكي على اللي فات
اللي خسران في النهاية
هي العيون.. اللي تتمنى بدموعها المستحيل
كل حاجة بتنتهي.. حتى الدموع و الغربة و الأحزان
و اللي بيتبقي شبح .. بنشوفه لو حسينا يوم بالحرمان
و نبقى عايزين لو تعود أيام زمان
لما كنا صغيريين..حتي الإيدين .. بيضا و ملمسهاش تراب
و القلب عمره م كان عليل...لكن..
كل شئ بقى ذكريات..
و إن كنا نبكي على اللي فات
اللي خسران في النهاية
هي العيون.. اللي تتمنى بدموعها المستحيل
Re: مزاد
مرسل: 10 مايو 2009, 10:14 pm
بواسطة المهاجر
donnabella كتب:كل شئ باعه الزمن ... في مزاد كبير
كنا احنا فيه أرخص تمن ...
و نبقى عايزين لو تعود أيام زمان
لما كنا صغيريين..حتي الإيدين .. بيضا و ملمسهاش تراب
و القلب عمره م كان عليل...لكن..
كل شئ بقى ذكريات..
و إن كنا نبكي على اللي فات
اللي خسران في النهاية
هي العيون.. اللي تتمنى بدموعها المستحيل
كلمات جميلة ممزوجة بالحزن والصدق فى التعبير عن المشاعر اعجبت جدا بهذه الكلمات واحسست انها تعبر عنى شخصياً وما آل اليه حالى
تحياتى ليكى وبالتوفيق ان شاء الله
Re: مزاد
مرسل: 10 مايو 2009, 10:22 pm
بواسطة محمد محمود
كلمات جميلة معبرة
فكرة القصيدة أيضا ً ممتازة ، توظيفك للكلمات رائع
أحييك على هذا المستوى وأتمنى لك المزيد من التقدم
Re: مزاد
مرسل: 11 مايو 2009, 12:14 am
بواسطة Ghadat2009
حلوة جدا يا دونا !
بداية من العنوان المميز جدا و اللي يشد فعلا ! و مرورا بالموضوع نفسه المليء بالشجن و الحزن و وصولا للنهاية اللي بحييكي عليها جدا : ان ما فيش فايدة من الدموع على اللي فات ..لأنها دموع بتتعب صاحبها من غير فايدة ..
كل القصيدة المميزة دي عجبتني ..بس فيه جزء أعجبني بشكل خاص ...رائع جدا :
و نبقى عايزين لو تعود أيام زمان
لما كنا صغيريين..حتي الإيدين .. بيضا و ملمسهاش تراب
و القلب عمره م كان عليل
هايل بجد ...برافو عليكي...استمري ..وفقك الله
Re: مزاد
مرسل: 12 مايو 2009, 1:20 pm
بواسطة المصرية
حلوة يا دونا
Re: مزاد
مرسل: 12 مايو 2009, 3:05 pm
بواسطة رحاب صفا
أحب أن أوجه عنايتك إني بستنى كتاباتك جداً ...فدائماً ا تحمل الجديد ،الجديد في المعنى،واستخدام الكلمة في موضع يليق بها ويميزها،واختيارك لعنوانينك...
استمري بمستواك الراقي وعلى الدوام.
Re: مزاد
مرسل: 12 مايو 2009, 3:22 pm
بواسطة ريم
كلماتك جميلة
..بل رائعة ممزوجة بالحزن والشجن وعنوانها مميز . ذكرتنا بذلك المزاد...
وفعلا نتمنى نرجع أطفال
أحييك على خاطرتك الجميلة
Re: مزاد
مرسل: 12 مايو 2009, 10:42 pm
بواسطة donnabella
واضح إن كلنا داخلين المزاد
الحقيقة في اعتراف صغير .. الكلمات دي انا كتبت الجزء الأول منها من زمان قوي .. 10 سنين تقريبا
بس الباقي بقى كتبته بعد ما قريت "حبر على ورق " للزهراء سلمى.....شكر خاص
انا مبسوطة انها عجبتكوا و يا رب دايما اكتب احساس يوصلكوا
Re: مزاد
مرسل: 13 مايو 2009, 1:00 am
بواسطة تنهيدة
جميلة كلماتك يادونا أعجبنى كثيرا أحساسك الجميل
وتعبيراتك الرائعة التى تصل سريعا لقلب القارئ
فكرتك أيضا رائعة دنيانا التى تحولت حقا الى مزاد
كل شئ يباع وأرخص شئ يباع هو الأنسان
أعجبت جدا بهذا الجزء
و إن كنا نبكي على اللي فات
اللي خسران في النهاية
هي العيون.. اللي تتمنى بدموعها المستحيل
فعلا مهما بكينا على أيام زمان والذكريات الا حيكون خسران هى عيونا الا بتتمنى المستحيل
تستخدمى العامية بأسلوب محبب جدا
اتمنى لكِ دوام التوفيق فى كل ما تقدمية
Re: مزاد
مرسل: 14 مايو 2009, 2:59 pm
بواسطة السيد فهيم
الزميلة العزيزة صاحبة الاحساس المرهف ... كلماتك مست شغاف قلوبنا .... مش مهم بدأتيها امتي ... المهم انك اكملتيها ومعانيها الرققة وصلت للقلوب ... لم نشعر بفارق الزمن أو اختلف في الأسلوب مما يدل علي انشغالك بالموضوع طوال هذه الفترة ... حياة المبدع ما هي إلا قصيدة قد تكتمل أو لا تكتمل ... هذا يتوقف علي مدي صدقه و إرادته ... عفوا... دائما ردودي مكلكعة .. لكن دا مش مقصود ... كلماتكم وأفكاركم هيه اللي بتحركني ... مرة أخري أحييكي
السيد فهيم