أكاديمية ايجيبت رايت الأدبية

تقدر تبتسم طول النهار؟
فاكر آخر مرة ضحكت فيها من قلبك ...ضحكت فيها قوي ...دمعت من كتر الضحك ...واضطريت تبطل ضحك لما تعبت ...فاكر؟
ياااااااااااااااه
كل ده تفكير؟!!!!!
طب آخر مرة اتكلمت بتفاؤل كانت امتى؟
طب امتى آخر مرة حسيت إن الدنيا حلوة؟

قابلك حد يائس وبائس ومحبط وكاره عيشته وبعد ما اتكلم معاك شاف الدنيا بعيون تانية...وابتسم وانت ارتحت لإنك كنت السبب ؟

مش معقولة تكون مش فاكر كل ده.... !!!!!!!!!!!!!!
ممممممممممم .........طب هسألك عن حاجات متهيألي ممكن جداً تكون فاكرها...
امتى آخر مرة نفخت بزهق؟
امتى آخر مرة اشتكيت من الظروف والأيام والسدود؟
امتى آخر مرة اتنرفزت وحسيت إنك عايز تصرخ؟
امتى آخر مرة حسيت بحاجة تقيلة على نفسك مش عارف ليه؟
امتى آخر مرة اتخنقت من غير سبب؟
لو كل إجاباتك طلعت سلبية...

يبقى لازم تلحق تشترك في كورس التفاؤل ...
يمكن من عارف

وإلى لقاء قادم في الحصة اللي جاية.

تصدقي وتآمني بالله ... إنتي نكدتي عليه
انا كدة لازم ادخل في الكورس
لو دي طريقتك في الدعاية يبقى برافو نجحتي

بجد يا رحاب انا بجد عايز كورس مكثف اولا بجد موضوع جميل جدا و للاسف فى الوقت الحالى نصف المصريين عايزين الكورس ده و انا اولهم ... لا انا مش نكدى بس بجد الايام دى بجد ما بقاش فى حاجة تفرح فياريت اعرف الكورس ده هيبدا امتى علشان اشترك بس على الله يبقى رخيص علشان خلاص انا فلست وياريت يكون مكثف ... و ياريت لو فى حبوب سعادة او ضحك انا عايز شريطين ولا حاجة
و فى النهاية اشكرك على هذا الموضوع الجميل و الهام و منتظر الكورس و اتمنى لكى التوفيق فى حياتك

أيه الأسئلة الصعبة دى يارحاب تصدقى ان مش عارفة اجاوب خالص ...
دا معناه انى محتاجة انضم للكورس بسرعة وأعتقد ان مصر كلها محتاجة تشترك فى الكورس بتاعك يارحاب
بجد انا مش فاكرة امتى ضحكت بالدموع وامتى اتكلمت بتفأول بس ساعات بتكلم بتفاؤل بس بكون مش مصدقة نفسى
بس ممكن اقولك امتى اخر مرة نفخت بزهق كان النهاردة الصبح ...وامتى حسيت انى نفسى اصرخ ساعات واللهى بكون نفسى اصرخ
ومحدش يسألنى ليه ...وكتير بتخنق من غير سبب....بس واللهى انا بحب أكون متفأله لكن ساعات الدنيا مش بتدينى الفرصة
ايه الحصه الا تخنق دى ... انا محتاج فعلا للكورس
أنا معاكى يارحاب فى الكورس يمكن تقدرى تخلينى فعلا متفألة دايما ...
بحيكِ ياقمر على طرحك الجميل لموضوعك الرائع ...
وفى انتظار الحصة الجاية
بتمنالك كل التفاؤل الا فى الدنيا

أهلاً بالمشتركين المقبلين على التفاؤل...
بداية مبشرة ...متقلقوش كله هيتعالج...كله موجود

donnabella:

مش هدفي خالص إني انكد عليكي ....العكس ..هستناكي في أول صف.

ابن مصر:

متشكرة على التعليق والحماس... مستنياك برده في نفس صف donnabella

نهاد:
برافو على الصراحة ...مستنياكي ...أعتقد هتبقي تلميذة أمينة جداً.
وبالنسبة للإستفسارات:

- فالكورس يا جماعة لقطة "من غير فلوس خالص" ،
- مواعيده الأحد من كل أسبوع.
- ومكانه هنا في نفس الموضوع.
- بس لازم تبقوا عملين حسابكم على إنه هيكون فيه واجب وتمرين ...مستعدين؟؟؟؟

أشوفكم في أول حصة ..."يوم الأحد".إن شاء الله

إيه المواضيع الجامدة دي يا رحاب
أكيد انت عرفتي الرد
كل اللي حيجاوب على الأسئلة هيكون عضو في الكورس ده
وعلى فكرة أنا جبت النتيجة من الكنترول " البلد كلها قدمت في الكورس " ، الفصل اتملى ومش مكفى ، افتحي فصول إضافية لتستوعب الأعداد القادمة كالتتار

محمد محمود كتب:إيه المواضيع الجامدة دي يا رحاب
أكيد انت عرفتي الرد
كل اللي حيجاوب على الأسئلة هيكون عضو في الكورس ده
وعلى فكرة أنا جبت النتيجة من الكنترول " البلد كلها قدمت في الكورس " ، الفصل اتملى ومش مكفى ، افتحي فصول إضافية لتستوعب الأعداد القادمة كالتتار

يا خبر يا محمد ده كدة هتبقى مدرسة ...بس ولو هنتصرف ونعمله ان شاء الله ورديات..أهلاً بالبلد كلها

جامده جدا الحكايه ديه
وانا عندى اقتراح يا ميس رحاب
كان بقالى كتير متصفحتش الموقع. و الظاهر ان حالتى المزاجيه معقوله لاننى هال بى ما رايت فى عناوين المواضيع خاصة الخواطر
وكنت للتو افكر....اننا جميعا فى سن الشباب .......ما هذا الذى ارى ما تلك الشحنات السلبيه التى بداخلنا (وانا معكم)
و توقفت لماذا لا نوظف كلامنا و احساسنا للنقيض .....اكيد الكلام ده صعب وعلى انا اول واحده بس لازم ندى نفسنا الفرصه
اشوفك فى الكورس يا ميس

احم احم..
انا جديده هنا يا جماعه..يعني بالراحه شويا عليا..
انا جايه هنا بناء علي نصيحه من الدكتوره تنهيده..ههههه
اصلها شافتني مرميه جنب خاطره متشائمه .. صعبت عليها..قالتلي اجي هنا..
واديني جيت..
مش عايزه امسك نفسي من الضحك..عايزه كدا افيض من التفاؤل والسعااده..
......ياااااااااا رب..ههههههه
ميرسي علي الموضوع..

بسم الله ماشاء الله واضح ان الكورس هيبقى عدده كبير اوى.يارب مكنش جيبت متاخر ولقى مكان ليا فى الكورس