قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
Ghadat2009 كتب:الابتسامة ...أجمل تعبير ممكن نشوفه على وجه اللي حوالينا ... و أكيد أجمل ابتسامة هي ابتسامة الأطفال البريئة الشفافة ... و ممكن الابتسامة تبقى ضحكة كبيرة مفرحة و مبهجة و تنسي هموم كتير و لو لحظيا
لكن ...خطر في بالي تساؤلات ...أحب أسمع رأي أصدقائي فيها : .....
1 - ايه معنى الهزار في رأيك؟ هل تفتكر انه مرادف لــ : ( التهريج ؟ أو التريقة ؟
الهزار هو خفة الروح و القدرة على رسم الابتسامة على وجوه اللي بنحبهم من غير ترقية
2 - تفتكر الهزار: ...فن ؟ و لاّ حرية؟ ولاّ روح مرحة ؟ ولاّ استخفاف ؟ الأكيد انو خفة روح و شيء جوا الشخص بتكون ليه القدرة العجيبة على الاضحاك و ما أحلى ذلك بعيدا عن الاستخفاف .
3 - إيه أكتر حاجة ممكن تضحكك أو تخليك تبتسم ؟ المواقف المضحكة كثيرة ممكن أصادفها لكن قد أضحك كثيرا من شيء في عمقه حكمة .
1- كلام جميل 2- معكِ حق 3- أحييك ِ على ضحكاتك الحكيمة
الزهراء كتب:
4 - بتحب تتفرج على مسرحيات و أفلام كوميدي ؟ أو تقرا أعمال كوميدية ؟
ساعات بتفرج على أفلام كوميدية
5 - مين الممثل الكوميدي اللي بيضحكك ؟ أو الكاتب الساخر اللي بتحب تقرا له ؟ س11
بحب أشوف أفلام أحمد حلمي و كمان ممثل بيضحكني و هو كريم عبد العزير
6 - هل الكوميديا مفروض تكون هادفة ؟ و لا ممكن ساعات يكون فيه ضحك للضحك ..و يكون هدف في حد ذاته زي ما بيقولو ؟ أنا أفضل الكوميديا الهادفة اللي بتوصل رسالة و لكن لا بأس من الحين للاخر ببعض الضحكات التي تفرج عن همومنا ..
4-5- أفلام أحمد حلمي خفيفة الظل و بتقول حاجة غالبا ... و كريم دمّه خفيف بس بحس ان بيغلب على أفلامه طابع الأكشن
6- أنا معاكي الأفضل تكون هادفة ..و لكن حتى الضحكات التي نفرج بها عن همومنا يجب أن تكون بشروط ! و الله أعلم
الزهراء كتب:
7 - إيه نوع الهزار اللي بتقبله ؟ ومن مين ؟ ( يعني فيه هزار و ضحك بالنكت ...فيه بالتريقة ...او فيه حتى بضربة خفيفة او تقيلة على الكتف )
بحب النكت بس لو ناس قريبة مني أوي ممكن ضربة خفيفة بس لا أحبذ هذا النوع من الهزار
8 - تفتكر مفروض يكون فيه حدود للهزار ..و لا بلاش عشان ما يقولوش عليك معقد؟ الهزار لوه حدود و هي احترام الاخر من غير عقد ...يعني اهزر و اضحك لكن لا أتعدى حدود الاحترام 9 - ممكن يكون فيه هزار ...محترم ؟ و لا الهزار و الضحك ما فيش فيه المفهوم ده؟ ( يعني ده اتجاه و التاني اتجاه مختلف مثلا ؟):x لاء أكيد الاحترام في كل شيء أساسي
10 - ممكن تزعل من الهزار؟ ساعات لو كان دمو تقيل و غير مؤدب
7- معاكي حق ..في هزار كتير بيبدأ بضربة خفيفة و ينتهي بزعل كبير جدا 8- كلام سليم 9-
الزهراء كتب: 11 - فيه وقت و مكان للهزار و لا ممكن في أي وقت تتقبله ؟ أكيد هناك أوقات لا ينفع فيها الهزار .. 12 - تعمل ايه لو زعلت من حد بيهزر معاك بطريقة مش عاجباك ؟
أكلمو في هدوء و بكل ود أنه مش ح ينفع كدة
11- معاكي حق
12- إجابة جميلة ...و طبعا لو انسان محترم و سليم النية هيتوقف تماما عن الاستمرار
صديقتي المتألقة سلمى ...أشكرك على التجاوب مع الأسئلة و تعريفنا بنفسك أكثر
mona كتب:كلامك جميل جداااااا يا غادة انا بس كنت احب اوضح حاجة كده يمكن ما ظهرتش في كلامى بوضوح انا كنت اقصد لما حد يهزر هزار مش كويس وبيصر عليه او ما بيحترمش خصوصية انسان ما بس بيبان عليا طبعا لانى معروفة بسرعة رد الفعل ( متهورة كتير لانى بزعل بسرعة....) ولما بيكون حد قريب منى اكيد بقوله بس اذا كان شخص مش قريب وما اهتمش بانى بان عليا الزعل وهو حاسس وما اهتمش او انسان قريب وعارف طبيعتى بس مصر دا بقي بيجيب اخرى ...ورد فعلي ده مش عارفة ليه بحس انه درس غير مباشر عشان ما حرجش اللي قدامى ...وطبعا رايك مهم لانك من الناس اللي احب اعرف رايهم في كلامى:).......وما تقلقيش لو زعلت منك في حاجة اكيد هاقولك لانك اختى الغالية ...(وربنا ما يجيب زعل ان شاء الله)....تحياتىflower1flower1flower1flower1
صديقتي اللي أرق من الرقة مونو
دايما انتي اللي كلامك أجمل ... و رد فعلك للي يصر على الهزار البايخ طبيعي و نتيجة احساسك المرهف و حساسيتك الرقيقة طبعا بيبان عليكي ..
و انتي و الله بجد يا منمونتي من الناس اللي احب جدا اعرف رأيهم في كل اللي بكتبه من أول يوم نورتينا فيه
و أنا كنت باهزر لمّا قلتلك العبارة الأخيرة لأني مافتكرش انك تزعلي مني أبدا و لا أنا كمان إن شاء الله يا أختي الحبيبة
Ghadat2009 كتب:الابتسامة ...أجمل تعبير ممكن نشوفه على وجه اللي حوالينا ... و أكيد أجمل ابتسامة هي ابتسامة الأطفال البريئة الشفافة ... و ممكن الابتسامة تبقى ضحكة كبيرة مفرحة و مبهجة و تنسي هموم كتير و لو لحظيا
لكن ...خطر في بالي تساؤلات ...أحب أسمع رأي أصدقائي فيها : .....
1 - ايه معنى الهزار في رأيك؟ هل تفتكر انه مرادف لــ : ( التهريج ؟ أو التريقة ؟
لا الهزار مش مرادف لا لتهريج ولا تريقة .... أولاً لان الهزار دا انا عمرى ما ههزر مع حد ما اعرفوش او بالمعنى الاصح ابقى عبيط لو هزرت مع حد ما اعرفوش لان الهزار فى وجهة نظرى عبارة روح مرح بين مجموعة يحبون بعضهم باخلاص ويسعى كل واحد فيهم لادخال البسمة على الاخر سواء بهزار رخم او رذل
2 - تفتكر الهزار: ...فن ؟ و لاّ حرية؟ ولاّ روح مرحة ؟ ولاّ استخفاف ؟
الهزار هو روح مزحة وبصراحة الشعب المصرى اكتر شعب بيعجبنى فى هزاره يعنى مثلا تخيلى كدا وانا واقف فى البلكونة يجيلى تليفون ابوك مات زى ما حد فى الاكاديمية قالها هنا مش فاكر مين كان تقريبا محمد محمود عملوا فيه مقلب تمام .... يا فضايحك يا متر فى القسم دا 3 - إيه أكتر حاجة ممكن تضحكك أو تخليك تبتسم ؟
موقف يحصل ادامى وخصوصا لو مقلب فيه ضرب
1- احم ... يعني معظم كلامك جميل ..لحد الجزء اللي فيه هزار رخم و رزل !
2- ايه الهزار الفظيع ده ! بس نفسي أعرف ايه اللي حصل لصاحب المقلب ده ؟
3- ايه ده ؟ المقلب اللي فيه ضرب بيضحكك ؟ دي حاجة ماتطمّنش أبدا
فارس بلا جواد كتب:[ 4 - بتحب تتفرج على مسرحيات و أفلام كوميدي ؟ أو تقرا أعمال كوميدية ؟
بحب اتفرج على المسرحيات والافلام الكوميدى واقرأ اعمال كوميدية بس علشان ما ابقاش كداب نادرا ً يعنى لما أقرأ
واكتر حاجات بحبها فى الكوميدى كريم عبد العزيز وهنيدى واكتر مسرحية كوميدية بحبها العيال كبرت ومدرسة المشاغبين 5 - مين الممثل الكوميدي اللي بيضحكك ؟ أو الكاتب الساخر اللي بتحب تقرا له ؟ س11
الكوميدى خالص واللى ما لوش غير كوميدى هو محمد هنيدى والباقى منهم عادل امام فترة وسعيد صالح وثلاثى اضواء المسرح وصاحب الفم الواسع عرفتوه طبعاً 6 - هل الكوميديا مفروض تكون هادفة ؟ و لا ممكن ساعات يكون فيه ضحك للضحك ..و يكون هدف في حد ذاته زي ما بيقولو ؟ الكوميديا المفروض دايما اى عمل يكون هادف لان المقصود من العمل الفنى من وجهة نظرى هو انك توصل رسالة معينة ليها مخزى معين ولكن تفرق فى طريقة توجيه الرسالة ممكن عن طريق الضحك او عن اى طريق تانى
4- بس الحمد لله ..أهي كوميديا من غير ...ضرب
5- مين هو ؟ تقصد اسماعيل يس ؟
6- كلام ممتاز
فارس بلا جواد كتب:[ 7 - إيه نوع الهزار اللي بتقبله ؟ ومن مين ؟ ( يعني فيه هزار و ضحك بالنكت ...فيه بالتريقة ...او فيه حتى بضربة خفيفة او تقيلة على الكتف )
والله هو النكت أحياناً فيه بقى هزار بقى بالنرفزة يا سلام على دا هزار يا جدعان هقولك احنا لنا واحد صاحبنا ربنا يزيح عنه يا رب من النوع العصبى جداً بنقعد نعصب فيه وهو بيولع دا فى مرة جرانا بتاع ييجى 2 كيلو وهو ورانا بالجزمة . والهزار اقبله من اصحابى وحبايبى وناسى
8 - تفتكر مفروض يكون فيه حدود للهزار ..و لا بلاش عشان ما يقولوش عليك معقد؟
لا طبعاً لازم يكون فيه حدود يعنى اشوف الظروف والوقت اللى يسمح بالهزار يعنى ما يجيش واحد ابوه ميت بدل ما اقوله البقاء لله اقوله خد الشر وراح معلش يعنى احنا بنتكلم 9 - ممكن يكون فيه هزار ...محترم ؟ و لا الهزار و الضحك ما فيش فيه المفهوم ده؟ ( يعني ده اتجاه و التاني اتجاه مختلف مثلا ؟):x لا بقى فى الزمن دا فيه ناس بتهزر هزار دون الاحترام نهائى زى واحد حب يعاكس واحدة يقولها نهارنا زى لون الجزمة يعنى ايه لون الجزمة يعنى ... لا تعليق 10 - ممكن تزعل من الهزار؟
مش فى كل الاحيان الا لو زاد الهزار عن الحدود
7- رجعنا تاني للضرب ؟ ليه كده بس ؟
8- يعني امتى في رأيك يكون الوقت مناسب للهزار بالضرب اللي بتقول عليه
9- احم ...فعلا لا تعليق !
10- نفسي أعرف أي حدود ؟ هو فيه أكتر من الضرب يعني !
فارس بلا جواد كتب:[ 11 - فيه وقت و مكان للهزار و لا ممكن في أي وقت تتقبله ؟
فيه وقت للهزار وفيه مكان للهزار
12 - تعمل ايه لو زعلت من حد بيهزر معاك بطريقة مش عاجباك ؟ اسيبه وامشى
11- أيوه ..! إيه الوقت و المكان المناسبين للهزار في رأيك ؟
12- من غير كلام ؟؟ و ده بيجيب نتيجة ؟
أشكرك علة المشاركةو التفاعل و الصدق ده كله في الإجابة يا حاج أحمد
ساعات لو كان دمو تقيل و غير مؤدب
! 
ايه الهزار الفظيع ده ! بس نفسي أعرف ايه اللي حصل لصاحب المقلب ده ؟ 
دي حاجة ماتطمّنش أبدا 
