اولا اشكرك يا زهراء على ردك و ارائك الجميلة فى الاعضاء و بصراحة ده مش جديد بالنسبة لانسانة مثقفة و رقيقة مثلك و بصراحة ارائك فى جميع الاعضاء فى محلها و بالنسبة انك تعتقدى انك لسة جديدة ليس القرب و البعد بالوقت يعنى ممكن ان انسان ممكن فى خلال يومين تلاقيه اصبح اعز صديق و ممكن انسان اخر يظل سنين معاك ولا يزال غريب عنك فالمسالة لا تقاس بالوقت و لكن بقرب العضو و بعده و ده الى حصل معاكى يا زهراء انك فى خلال الشهر اصبحت من اسرتنا اسرة الاكاديمية و اصبحتى اخت لنا فى الاكاديمية ده راى و لكنى اعتقد انه راى باقى الاعضاء ايضا
بالنسنة لعيبى : بصراحة يا زهراء انا كنت بكتب قصص و كنت بكتب شعر و لكنى للاسف حصلت ظروف معينة من بعدها و انا لا استطيع ان اكتب اى شىء و اكتفيت بالمواضيع العامة و السياسية و لكنى يمكن فى المستقبل تفاجاى بشعر او قصة .... يمكن و انا ساعات بحاول ان اقول راى فى الشعر او فى القصة و لكنى للاسف حتى لو قلت راى هيبقى زى راى اى شخص اخر مجرد ان القصة حلوة او وحشة بدون نقد فعال او نصيحة قوية لذلك لا افضل الدخول فى اقسام لا استطيع فيها ان اقدم نصيحة او نقد جاد
النسبة لعيبك : انا بصراحة مش حاسس انه عيب بل ميزة انك تحبى الناس و تكونى تلقائية معاهم ده مش غلط و انك تقولى رايك فى ناس بتحبيهم برده مش عيب و على فكرة معنى كلامك انك انسانة اجتماعية و طيبة و الى فى قلبك على لسانك يعنى انسانة طيبة و على فطرتها و ده مش عيب دى ميزة
و فى النهاية اشكرك على ردك و ارائك الجميلة فى الاعضاء و ارجو ان تقبلينى اخ لكى فى الاكاديمية و مع تمنياتى لكى بالتوفيق و النجاح فى حياتك و بدوام السعادة
شكرا على كلامك الحلو الذي أعتز به فعلا و أكيد احنا اخوات و أصدقاء ،يسعدني ذلك كثيرا ،لأنك شاب مثقف واعي ذو مبادىء و أفكار
و أتمنى فعلا إنك تفاجئني قريبا بقصة أو شعر جميل من ابداعاتك
لكن أتمنى أن نجد ردودك أيضا حتى و لو برأي بسيط أو للتشجيع لأنه إذا لم نرد بحجة عدم الاختصاص و القدرة على النقد الفعال ، فالأكيد كثير من المواضيع تظل دون رد
السلام عليكم اعضاء اكادميتنا العزيزة :
اتمنى المشاركة برأيى ...احب ان اقول اولا فقط اننى دائما ما اعتقد ان الانسان كلمة ...فدعونى اصف من اعرف بكلمة(صفة) ....كلمة فقط ولكن تعنى الكثير:
1-غادة: ثقة. 2-تنهيدة: احساس. 3-الامير الحائر: رجاحة عقل. 4-محمد محمود: اتزان. 5-هبة خميس: شقاوة. 6- الزهراء:طيبة. 7-ابن مصر: انتماء.
......................اتمنى ان اكتشف باقى اصدقائى لاخبركم بمزيد من الصفات الجميلة......أشكركم.
اولا بشكرك يا زهراء على ردك الجميل و ساحاول جاهدا ان اعمل بنصيحتك لى و ان اتابع مواضيع الشعر و القصة مرة اخرى و ان ابدى راى فيها و ان احكم براى قارىء عادى على القصة او الشعر و لكنى بصراحة يا زهراء لا احب اطلاقا ان ارد الرد المعروف حلو ... هايل .. جميل.. احب ان اعطى لكل شخص حقه و هو ما فيش حد فيه عيوب غيرى و مع ذلك الف شكر ليكى و اتمنى لكى التوفيق
منى اشكرك على ردك و تعبيرك الجميل عن كل عضو و جميل جدا انك تستطيعى ان تعبرى عن كل عضو بكلمة واحدة فمن الممكن ان تكون الكلمة الواحدة تغنى عن صفحات .... مش عارف يا جماعة فين العيوب... كده هتزعلونى منكوا انا كده مش هعرف ازنبق
عموما اشكرك يا منى على ردك و عايز المرة الجاية تكتبى لكل واحد عيوبه فى كلمة واحدة او اكثر براحتك اصل العيوب ما ينفعش فيها كلمة و اتمنى لكى التوفيق فى حياتك و منتظر العيوبب
ابن مصر كتب:اولا بشكرك يا زهراء على ردك الجميل و ساحاول جاهدا ان اعمل بنصيحتك لى و ان اتابع مواضيع الشعر و القصة مرة اخرى و ان ابدى راى فيها و ان احكم براى قارىء عادى على القصة او الشعر و لكنى بصراحة يا زهراء لا احب اطلاقا ان ارد الرد المعروف حلو ... هايل .. جميل.. احب ان اعطى لكل شخص حقه و هو ما فيش حد فيه عيوب غيرى و مع ذلك الف شكر ليكى و اتمنى لكى التوفيق
أهلا يا محمد
أنا متأكدة إنك تقدر تقول رأيك و يكون مفيد أيضا و بنستناك
و يا سيدي أنا قلت ملاحظة و مش عيب و على العموم احنا ذكرناك بس لأنك صاحب الموضوع و عشان انت غالي و عايزينك دايما أحسن مش أكثر
أو يمكن شخصيتك المميزة تشجع على الصراحة
على العموم كل هذه مميزات و باشكرك على الكلام الجميل و دايما مميز يا محمد
الحمد لله آراؤهم فيا كانت حلوة رغم انها حركة شريرة من ابن مصر
لكن مش مشكلة
عامة انا باعتبر نفسي جديدة في الاكاديمية لاني للاسف مش بدخل كتير و مش كل الاقسام
هحاول اعالج النقطة دي عشان للاسف الاكتئاب بيجيلي كتير
الاعضاء اللي كونت فكرة عنهم
الامير الحائر : ناقد جيد جدا
ابن مصر : شرير
الزهراء : دمها خفيف قوي
غادة : رايها بيهمني كتير . نشطة جدا
منى : رقيقة
بالنسبة للعيب اللي بتقوليه عن نفسك يا زهراء دة عمره ما كان عيب لانه عندي و انا باعتبره ميزة كبيرة قوي
اما ابن مصر هههههههه
وقعت انت فيها
ليه كده يا هبة دنا بعزك كاخت عزيزة و انا و الله مش شرير بس هدفى هو ان يعرف كل عضو عيوبه و يحاول ان يعالجها و ان يعرف راى باقى الاعضاء فيه و ده له اهميته فى التقريب بين الاعضاء
و بصراحة هدفى هو لو احد الاعضاء مضايق من اخر يصارحه عن طريق الموضوع فيتم مناقشة الزعل و ينتهى ...شفتى انى مش شرير و طيب حتى و ابن حلال بس بزمتك مش فكرة الموضوع حلوة و على فكرة انتى مهما بعدتى انتى و سطنا و عمرنا ما نسيناكى بس انتى فعلا بتنورينا لما بنشوف ردك و نستفيد بخبرتك
اشكرك على ردك و رايك فى محله فى كل عضو بس يارب تغيرى رايك فيا قريبا
ابن مصر كتب:ليه كده يا هبة دنا بعزك كاخت عزيزة و انا و الله مش شرير بس هدفى هو ان يعرف كل عضو عيوبه و يحاول ان يعالجها و ان يعرف راى باقى الاعضاء فيه و ده له اهميته فى التقريب بين الاعضاء
معلش بقى اهو اللي حصل فكرة الموضوع فعلا حلوة انا كنت بهزر بس
و بصراحة هدفى هو لو احد الاعضاء مضايق من اخر يصارحه عن طريق الموضوع فيتم مناقشة الزعل و ينتهى ...شفتى انى مش شرير و طيب حتى و ابن حلال بس بزمتك مش فكرة الموضوع حلوة و على فكرة انتى مهما بعدتى انتى و سطنا و عمرنا ما نسيناكى بس انتى فعلا بتنورينا لما بنشوف ردك و نستفيد بخبرتك
طلعت انا اللي شريرة
اشكرك على ردك و رايك فى محله فى كل عضو بس يارب تغيرى رايك فيا قريبا
هحاول بس مش عارفة هغيره و لا لا ياااه خبرتك مرة واحدة متشكرة جدا لا انت كدة مش شرير خالص