الأمير الحائر كتب:موضوع جميل جدا ياتنهيدة..ومحير كمان فى الإجابة..بس خلينى أجاوب على أهم أشياء لكل كلمة..
ممكن أحب بجد شخص..وممكن أوهبه كل حنان وإخلاص..مع ذلك ممكن أقسى جدا عليه لو حسيت بغدر أو خيانة منه...
ممكن أحلم أحلام ساعات بتكون كبيرة جدا...وممكن أثق أن الأحلام دى كلها هتحقق حتى لو كانت صعبة وحتى لو لناس كلها عدوها من باب الجنون..ممكن أختار السكة الأصعب و أبعد عن السكة السهلة..لأن السكة الصعبة أخرها نجاح وتميز.. غير السكة السهلة اللى أخرها بيبقى عادى...
الأكيد بقى فى حياتى هو الحلم..الحب..العطاء..الطيبة..كل دى صفات أكيدة فى حياتى والمفترض إنها صفات أى إنسان...كمان أكيد الحياة مش بس أكل وشرب نوم..الحياة ورقة لازم تكتب فيها اسمك..وتسيب بصمة أفعالك..والأكيد إن الخاسر بجد هو اللى بيخرج من الحياة دون أن يؤثر فيها أى تأثير..لم يسعد أحدا غيره..لم يفد أحدا غيره..ولم يحاول أقل محاولة أن يكون له وجوده وكيانه الخاص فى الدنيا...
المستحيل...إنى أستسلم..مهما فى لحظات كتير حسيت إن فيه أشياء كتير بفقدها..مستحيل أفقد الأمل..وقبل الأمل العمل..فالأمل وحده مستحيل يحقق نجاح من غير عمل...
المستحيل أكتر عندى..إنى أحاول أتشبه بغيرى..لأن التشبه بالغير هو أول الطريق لكره النفس..ولو كرهنا نفسنا هتبقى حياتنا كلها بلا معنى...والمستحيل أيضا...إنى أرضى أعمل حاجة من غير اهتمام..أو أتولى شئ بلا اهتمام وتحمل للمسؤولية...مثل قبطان لا يعرف كيف يقود السفينة..أعتقد ده سبب مشاكل ناس كتير فى كل المجالات..إنهم بيضعوا نفسهم تحت ضغط مسئوليات كبيرة من غير مايقدروا قيمة المسؤولية دى..ولما تسقط الدفة من بين أيديهم..هم أول من يحاولون الهرب من السفينة...!
موضوع بجد يدعوا للتأمل جدا ياتنهيدة..وأنا أول مرة أسرح فى إجاباتى كده...بحييكى بجد ومستنيين أنتى كمان ردك على موضوعك
تعليقك رائع بجد ياوليد ....وبيدل على املك فى الحياة وأصرارك فى تحقيق أهدافك وتحديك الدائم فى تخطى الصعاب وانك عايز تكون دايما متميز
بس جميل جداا ان الأكيد فى حياتك هو الحلم والحب والطيبة والعطاء...بجد اخترت صفات مهمه جدااا والمفروض تكون اكيده فى حياة اى انسان ...
بحيك ياوليد على اجابتك الا فادتنى جداااا ...وبتمنالك حياة مليئة بالتفاؤل والأمل