جنـّ،ـوووني ! ح 5 (( يااابختك !! ))
المشرف: الأمير الحائر
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
جنـّ،ـوووني ! ح 5 (( يااابختك !! ))
[table][tr][td]جنـنـوووني !![/td][/tr][/table]
حلقة " 5 "
يااابختك !
سمية قاعدة على الكنبة اللي جنب البلكونة ... في البيت ، باين عليها بتتكلم في التليفون.....
سمية : أما انتي غريبة بجد يا دينا ! بقولك و الله ما فيش مواعيد النهارده !
شهاب : و لا امبارح و لا أول ... و لا الأسبوع اللي فاااات ! ......... إييييه دنيا !
سمية : لا صدقيني ما فيش عَطَلة و لا حاجة !
شهاب : آه .. فعلا ما فيش و ااالا حاااجة !
سمية تنظر لشهاب نظرات تحذيرية و .... تكمّل ........
سمية : OK ......... هستناكي ... ماتتأخريش .... سلامو عليكو
شهاب بيصفر و رايح ناحية البلكونة .... عامل نفسه مش واخد باله من نظرات الغيظ المكتوم المنطلقة من عيون سمسمة !
سمية : ممكن بقى أفهم ليه بتغلّس عليّا و أنا باكلّم دينا ؟
شهاب : هـه ؟ بتكلميني أنا يا سمسمة ؟ معلش أصلي مشغول شويتين !
سمية : طيب يا سي شوبـّا ! طبعا احنا النهاردة ماعندناش حد جاي العيادة ! فأنا قلت لـ دينا تيجي و بعدين
ممكن نخرج شوية و كده ..
شهاب : ما بلااااش ! اسمعي كلامي مرة واحدة بس !
سمية : لا بقى يا أستاذ يا موسوس ! أنا مش بصدّق الكلام ده ...... ثمّ إن احنا صحاب من إعدادي يعني
و....عادي ماحصلش حاجة !
شهاب : عالعمووووم أديني عملت اللي عليّا .. و حذّرتك ...و انتي بقى حرة ...براحتك !
و بعد نص ساعة تقريبا ...... صوت جرس الباب بيرنّ
سمية : أنا هافتح .... دي أكيد دينا !
و هرولت سمية عشان تفتح الباب بسرعة لصاحبتها الــ......طيبة جدا !
سمية : أهلا ...أهلا .. يا دندون يا جميل .... نوّرتينا !
دينا : يا سلام يا سمسومة ! ماهو البيت منور عالآخر آهو من غير حاجة !
صوت فرقعة مفاجأة ...... لا مافيش حاجة ..... دي ... النجفة ! ..........كل أنوارها فرقعت بس !
سمية : معلش ! ما تتخضيش يا دندن ......تعالي نروح الأوضة عندي أحسن !
دينا : أيوة ياعمّ ! ياااابختك ! عندك أوضة لوحدك و لاحد يزعجك و يشاركك فيها ... مش زيّي عندي أختين
مزهّـقينّـي !... و على طول حاسـّة بزحمة !
الأم "سوزان" : إزّيّك يا دينا ؟ و إزيّ مامتك و اخواتك ؟ سلّميلي عليهم كتير !
بقولّك إيه يا سمية ...ملتنسيش إن بنات خالتك التلاتة هيقعدوا معانا أسبوعين لحد ما باباهم
و مامتهم ييجو من العمرة إن شاءالله
دينا : يااه ! دانا كنت نسيت فعلا ! خلاص يا ماما هاعمل حسابي أبقى أرتب وقت أقضيه معاهم
الأم : وقت ايه؟ دول هيكونوا معاكي في أوضتك طول الفترة دي !
سمية : طب ليه ؟ مش ممكن يقعدوا في أوضة هاجر أو تامر ! مش همّ مسافرين ؟ يعني مش محتاجين أوَضهم
في حاجة !
الأم : لا ياستّي ... اللي واخد عقلك ..... إخواتك دول على وصول إن شاء الله ... موسم أجازات بقى ..
ههههه ... ده البيت هيبقى زحمة موووت ههههه
سمية رايحة أوضنها مع دينا بس باين عليها اتضايقت شوية ...أصل هي و بنات خالتها مابيتفقوش خالص ! ياللاّ ... أهم أسبوعين ويعدّوا بالطول و لاّ بالعرض ! ...
سمية : اتفضّلي يا دينا ... البيت بيتك ...
دينا : بس انتوا شـقّـتكوا دي إيجار مش كده ؟ أكيد إيجارها عالي جدا .... لأنها واسعة و كبيرة
سمية : لا أبدا .... دي من أيام جدي الله يرحمه و إيجارها قديم .... حوالي خمسة و لاّ سبعة جنيه في الشهر!
دينا : ياااااااااه ! بس كده ؟ كووووولّ الشقة الرهيييييبة دي بخمسه جنيه بااااااسّ ! يابلاش .... ده أنا و ماجد
بقالنا سنتين بندوّر على شقة و لو حتى بأربعين و لاّ خمسين ضِعف الإيجار بتاعكم ده .... ده مش إيجار
أبدا ! ياااا بختيكم !
إيه ده ؟ في أصوات عالية و ...كأنّ حد بيتخانق ! ياترى فيه إيه ؟
سمية طلعت من الأوضة عشا ن تطّمّن عليهم
الأب : معقولة دي ؟ يعني ماكانش عارف ييجي نتفاهم الأول ؟
سمية : خير يابابا ! إيه اللي حصل ؟
الأب: أنا عارف ؟ الراجل صاحب العمارة ... اللي كان مهاجر لكندا .... رجع من يومين بس و رافع قضية على
السكان عشان ياإمّا يرفع الإيجار جدا يا إمّا ... كل سنة و احنا طيبين ..... نمشي بالسّلامة !
و أنا ماقدرش أسيب الشقة دي أبدا !
( ايه الحكاية ؟ هو ..كلام شهاب عمّال بيلعب في دماغي كده ليه؟ دينا ؟ كل ما تتكلم على حاجة يحصلّها مشكلة ! آاااه .... أهلا و سهلا....... و انا سايباها في أوضتي؟ .... لااا...... طيران على هناك !)
سمية : منورانا يا دينا خالص بصراحة ! ماسألتكيش تشربي إيه؟ شاي و لاّ نسكافيه ؟ و لاّ تحبي ينسون أو قرفة أو قهوة ؟...... ممكن تختاري أي نوع من الخمس أنواع دول ! يعني احنا - ماشاء الله – ممكن نقدّم لك حاجات كتيرة و .... هه ؟ بتبصّيي لي كده ليه يا دينا ؟
( يامامي.. ... أول مرة ألاحظ إن عينيها كبيرة وواسعة أوي كده ! الله أكبر و ....إيه ؟ نسيت مفروض أقول إيه عشان الحسد .... يارب أفتكر بسرعة....... )
دينا : حتى انتي يا سمية ياا صاحبتي ؟ دانا كنت هاشتكيلك من أخوكي اللي كل مايشوفني يقول كلام غريب ! ده ا
النهاردة و انتي بتفتحي الباب كان بيغني :" عين الحسود فيها عود و ....كمنجة ! أسترها معانا يارب ! "
فين التليفون ؟ لازم أتصل بماما ! فين التليفون بس ؟ !
سمية : طيب إهدي بس يا دن دن ... حصل خير يعني ! إنتي بتكبـّري الحاجات كده ليه ؟ و عموما .... آدي
التليفون لو ده هيريحك !
دي بتتصل بجد ! مش مشكلة .. أهي تريّح عينيها شوية بس !
دينا : أيوة يا ماما ! شفتي ؟ حتى سمية بقت تقول زيّهم ! إيه ؟ طيب هقولّها ...
يا سمية !.... ماما عايزة تكلمك !
سمية : أيوة يا تانت ... إزيّ حضرتك ؟ آه .... الحمد لله ... أنا ؟ أيوة فيه عيادة بس مش ........ لأ بابا اللي
اتصرف و جابهالي أصله ...؟.... لأ ماعنديش أمراض و لا حاجة....؟..... الحمد للــ ............ و لا
مديونة عشان ......... يا إيه ؟..... يا بختي ؟؟؟؟؟
إيه ده ؟ سمية وقعت بعد مكالمة التليفون دي !
أتاري دينا كده ! ....زي مامتها تمام !
دينا : يا تااانت ! تانت سوزاااان ! .سمية مش عارفة مالها ؟ هيّ أغمى عليها قبل كده و لاّ دي أول مرة ؟
الأم : بنتي ! سمية ........ حبيبتي !.... إيه اللي حصل بس .....فوقي ...
هاتي البرفان من هناك يا دينا .... بسرعة !
سمية : مممم .... آااه ....أنا ...فيين ؟
دينا ( ترد بسرعة و غيظ ) : إنتي أكيد ..في الجنة .... في بيت جميييل زي ده و أسرة تجنن زي دول و ........ قومي بقى عييييشي الحياااة .....أخخخخ !
سمية : حرام عليكي .....مش قادرة أقول الحقوني ... هي و مامتها ..جنّنوني .... حسبي الله و نعم الوكيل
احم ....معلش ... سمية مضطرة تكمّل إغماء لحد ما دينا تمشي .....و تسيبها ف حالها شوية !
حلقة " 5 "
يااابختك !
سمية قاعدة على الكنبة اللي جنب البلكونة ... في البيت ، باين عليها بتتكلم في التليفون.....
سمية : أما انتي غريبة بجد يا دينا ! بقولك و الله ما فيش مواعيد النهارده !
شهاب : و لا امبارح و لا أول ... و لا الأسبوع اللي فاااات ! ......... إييييه دنيا !
سمية : لا صدقيني ما فيش عَطَلة و لا حاجة !
شهاب : آه .. فعلا ما فيش و ااالا حاااجة !
سمية تنظر لشهاب نظرات تحذيرية و .... تكمّل ........
سمية : OK ......... هستناكي ... ماتتأخريش .... سلامو عليكو
شهاب بيصفر و رايح ناحية البلكونة .... عامل نفسه مش واخد باله من نظرات الغيظ المكتوم المنطلقة من عيون سمسمة !
سمية : ممكن بقى أفهم ليه بتغلّس عليّا و أنا باكلّم دينا ؟
شهاب : هـه ؟ بتكلميني أنا يا سمسمة ؟ معلش أصلي مشغول شويتين !
سمية : طيب يا سي شوبـّا ! طبعا احنا النهاردة ماعندناش حد جاي العيادة ! فأنا قلت لـ دينا تيجي و بعدين
ممكن نخرج شوية و كده ..
شهاب : ما بلااااش ! اسمعي كلامي مرة واحدة بس !
سمية : لا بقى يا أستاذ يا موسوس ! أنا مش بصدّق الكلام ده ...... ثمّ إن احنا صحاب من إعدادي يعني
و....عادي ماحصلش حاجة !
شهاب : عالعمووووم أديني عملت اللي عليّا .. و حذّرتك ...و انتي بقى حرة ...براحتك !
و بعد نص ساعة تقريبا ...... صوت جرس الباب بيرنّ
سمية : أنا هافتح .... دي أكيد دينا !
و هرولت سمية عشان تفتح الباب بسرعة لصاحبتها الــ......طيبة جدا !
سمية : أهلا ...أهلا .. يا دندون يا جميل .... نوّرتينا !
دينا : يا سلام يا سمسومة ! ماهو البيت منور عالآخر آهو من غير حاجة !
صوت فرقعة مفاجأة ...... لا مافيش حاجة ..... دي ... النجفة ! ..........كل أنوارها فرقعت بس !
سمية : معلش ! ما تتخضيش يا دندن ......تعالي نروح الأوضة عندي أحسن !
دينا : أيوة ياعمّ ! ياااابختك ! عندك أوضة لوحدك و لاحد يزعجك و يشاركك فيها ... مش زيّي عندي أختين
مزهّـقينّـي !... و على طول حاسـّة بزحمة !
الأم "سوزان" : إزّيّك يا دينا ؟ و إزيّ مامتك و اخواتك ؟ سلّميلي عليهم كتير !
بقولّك إيه يا سمية ...ملتنسيش إن بنات خالتك التلاتة هيقعدوا معانا أسبوعين لحد ما باباهم
و مامتهم ييجو من العمرة إن شاءالله
دينا : يااه ! دانا كنت نسيت فعلا ! خلاص يا ماما هاعمل حسابي أبقى أرتب وقت أقضيه معاهم
الأم : وقت ايه؟ دول هيكونوا معاكي في أوضتك طول الفترة دي !
سمية : طب ليه ؟ مش ممكن يقعدوا في أوضة هاجر أو تامر ! مش همّ مسافرين ؟ يعني مش محتاجين أوَضهم
في حاجة !
الأم : لا ياستّي ... اللي واخد عقلك ..... إخواتك دول على وصول إن شاء الله ... موسم أجازات بقى ..
ههههه ... ده البيت هيبقى زحمة موووت ههههه
سمية رايحة أوضنها مع دينا بس باين عليها اتضايقت شوية ...أصل هي و بنات خالتها مابيتفقوش خالص ! ياللاّ ... أهم أسبوعين ويعدّوا بالطول و لاّ بالعرض ! ...
سمية : اتفضّلي يا دينا ... البيت بيتك ...
دينا : بس انتوا شـقّـتكوا دي إيجار مش كده ؟ أكيد إيجارها عالي جدا .... لأنها واسعة و كبيرة
سمية : لا أبدا .... دي من أيام جدي الله يرحمه و إيجارها قديم .... حوالي خمسة و لاّ سبعة جنيه في الشهر!
دينا : ياااااااااه ! بس كده ؟ كووووولّ الشقة الرهيييييبة دي بخمسه جنيه بااااااسّ ! يابلاش .... ده أنا و ماجد
بقالنا سنتين بندوّر على شقة و لو حتى بأربعين و لاّ خمسين ضِعف الإيجار بتاعكم ده .... ده مش إيجار
أبدا ! ياااا بختيكم !
إيه ده ؟ في أصوات عالية و ...كأنّ حد بيتخانق ! ياترى فيه إيه ؟
سمية طلعت من الأوضة عشا ن تطّمّن عليهم
الأب : معقولة دي ؟ يعني ماكانش عارف ييجي نتفاهم الأول ؟
سمية : خير يابابا ! إيه اللي حصل ؟
الأب: أنا عارف ؟ الراجل صاحب العمارة ... اللي كان مهاجر لكندا .... رجع من يومين بس و رافع قضية على
السكان عشان ياإمّا يرفع الإيجار جدا يا إمّا ... كل سنة و احنا طيبين ..... نمشي بالسّلامة !
و أنا ماقدرش أسيب الشقة دي أبدا !
( ايه الحكاية ؟ هو ..كلام شهاب عمّال بيلعب في دماغي كده ليه؟ دينا ؟ كل ما تتكلم على حاجة يحصلّها مشكلة ! آاااه .... أهلا و سهلا....... و انا سايباها في أوضتي؟ .... لااا...... طيران على هناك !)
سمية : منورانا يا دينا خالص بصراحة ! ماسألتكيش تشربي إيه؟ شاي و لاّ نسكافيه ؟ و لاّ تحبي ينسون أو قرفة أو قهوة ؟...... ممكن تختاري أي نوع من الخمس أنواع دول ! يعني احنا - ماشاء الله – ممكن نقدّم لك حاجات كتيرة و .... هه ؟ بتبصّيي لي كده ليه يا دينا ؟
( يامامي.. ... أول مرة ألاحظ إن عينيها كبيرة وواسعة أوي كده ! الله أكبر و ....إيه ؟ نسيت مفروض أقول إيه عشان الحسد .... يارب أفتكر بسرعة....... )
دينا : حتى انتي يا سمية ياا صاحبتي ؟ دانا كنت هاشتكيلك من أخوكي اللي كل مايشوفني يقول كلام غريب ! ده ا
النهاردة و انتي بتفتحي الباب كان بيغني :" عين الحسود فيها عود و ....كمنجة ! أسترها معانا يارب ! "
فين التليفون ؟ لازم أتصل بماما ! فين التليفون بس ؟ !
سمية : طيب إهدي بس يا دن دن ... حصل خير يعني ! إنتي بتكبـّري الحاجات كده ليه ؟ و عموما .... آدي
التليفون لو ده هيريحك !
دي بتتصل بجد ! مش مشكلة .. أهي تريّح عينيها شوية بس !
دينا : أيوة يا ماما ! شفتي ؟ حتى سمية بقت تقول زيّهم ! إيه ؟ طيب هقولّها ...
يا سمية !.... ماما عايزة تكلمك !
سمية : أيوة يا تانت ... إزيّ حضرتك ؟ آه .... الحمد لله ... أنا ؟ أيوة فيه عيادة بس مش ........ لأ بابا اللي
اتصرف و جابهالي أصله ...؟.... لأ ماعنديش أمراض و لا حاجة....؟..... الحمد للــ ............ و لا
مديونة عشان ......... يا إيه ؟..... يا بختي ؟؟؟؟؟
إيه ده ؟ سمية وقعت بعد مكالمة التليفون دي !
أتاري دينا كده ! ....زي مامتها تمام !
دينا : يا تااانت ! تانت سوزاااان ! .سمية مش عارفة مالها ؟ هيّ أغمى عليها قبل كده و لاّ دي أول مرة ؟
الأم : بنتي ! سمية ........ حبيبتي !.... إيه اللي حصل بس .....فوقي ...
هاتي البرفان من هناك يا دينا .... بسرعة !
سمية : مممم .... آااه ....أنا ...فيين ؟
دينا ( ترد بسرعة و غيظ ) : إنتي أكيد ..في الجنة .... في بيت جميييل زي ده و أسرة تجنن زي دول و ........ قومي بقى عييييشي الحياااة .....أخخخخ !
سمية : حرام عليكي .....مش قادرة أقول الحقوني ... هي و مامتها ..جنّنوني .... حسبي الله و نعم الوكيل
احم ....معلش ... سمية مضطرة تكمّل إغماء لحد ما دينا تمشي .....و تسيبها ف حالها شوية !
آخر تعديل بواسطة Ghadat2009 في 29 مارس 2009, 12:17 pm، تم التعديل مرتين في المجمل.
- نورانة
- أكاديمى فعال
- مشاركات: 85
- اشترك في: 21 يناير 2009, 11:47 pm
- Favorite Quote: كل الناس عايزة تدخل الجنة لكن مفيش حد عايز يموت
- verification: ID verified and trusted writer
Re: جنـّ،ـوووني ! ح 5 (( يااابختك !! ))
هههههههههههههههه
ايه القصة الحلوة قوي دي ...ياااااااااااااااااه بتكتبي حلويا بختك
ما شاء الله ولا قوة إلا بالله يعني
ايه القصة الحلوة قوي دي ...ياااااااااااااااااه بتكتبي حلويا بختك
ما شاء الله ولا قوة إلا بالله يعني
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: جنـّ،ـوووني ! ح 5 (( يااابختك !! ))
نورانة كتب:هههههههههههههههه
ايه القصة الحلوة قوي دي ...ياااااااااااااااااه بتكتبي حلويا بختك
ما شاء الله ولا قوة إلا بالله يعني
تعليقك العسول ده هو اللي حلو زي روحك الجميلة
و يااااابختك على الروح الطيبة دي .....احم ...ما شاء الله ولا قوة إلا بالله العلي العظيم .
أشكرك بجد على مرورك الجميل جدا و تعليقك المرح العسّــول ده
-
- مشرفة قسم أدب الأطفال
- مشاركات: 1291
- اشترك في: 04 نوفمبر 2008, 3:01 am
- Real Name: نهاد نعمان
- Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
- verification: ID verified and trusted writer
- مكان: بنت مصر
Re: جنـّ،ـوووني ! ح 5 (( يااابختك !! ))
وحشتنى جدا ياغادة وبجد كنت منتظراها ...وطبعا كالعادة جميلة وفكرتها ممتازة ...وعجبنى جدا تطوير دور العائلة وحقيقى انا حسيت أن مسلسل كوميدى جميل وحلقاته كلها بتقدم فكرة ...عجبنى جدا دور اخوها شهاب دمه خفيف جدا ...مثل كاتبة العمل الرائعة الا دوما بننتظر اعمالة الرائعة ...جزء جميل ياغادة ويارب سمية تكون كويسة بعد حسد هذه الصديقة القاتل ...بحيكِ وبتمنالك كل التوفيق والتميز فى كل كتاباتك ياصديقتى الغالية
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: جنـّ،ـوووني ! ح 5 (( يااابختك !! ))
تنهيدة كتب:وحشتنى جدا ياغادة وبجد كنت منتظراها ...وطبعا كالعادة جميلة وفكرتها ممتازة ...وعجبنى جدا تطوير دور العائلة وحقيقى انا حسيت أن مسلسل كوميدى جميل وحلقاته كلها بتقدم فكرة ...عجبنى جدا دور اخوها شهاب دمه خفيف جدا ...مثل كاتبة العمل الرائعة الا دوما بننتظر اعمالة الرائعة ...جزء جميل ياغادة ويارب سمية تكون كويسة بعد حسد هذه الصديقة القاتل ...بحيكِ وبتمنالك كل التوفيق والتميز فى كل كتاباتك ياصديقتى الغالية
ربنا يكرمك يا نهاد على تشجيعك الجميل المستمر
موضوع الحسد كان من الصعب طرحه في العيادة : أكيد محدّش ممكن يروح عيادة نفسية و يقول انه حسود ! لكنها ظاهرة -للأسف- موجودة بشكل واضح و في كل مكان
أنا بجد مبسوطة ان العمل عجبك ... و أكتر حاجة أسعدتني و لفتت نظري جدا في تعليقك الرائع (كالعادة) : إنك بتسألي على سمية عشان تطّمّني عليها ! رائع جدا انك بقيتي حاسّة بيها أو شايفاها ... بس اطّمّني هي بخير الحمد لله و... كفاية موضوع ايجار الشقة بتاعتهم و كمان حكاية الزحمة اللي بدل الهدوء في بيتهم .. دينا ما لحقتش تحسدها شخصيا كويس !
التميز الحقيقي يا نهاد هو في حرصك على المتابعة دائما و التعليق العذب الرائع اللي مش بتبخلي بيه أبدا وصداقتك الغالية و..و....كفاية لحسن دينا تسمعنا !
ماشاءالله لا قوة إلا بالله !
- ريم
- أكاديمى نشيط
- مشاركات: 219
- اشترك في: 07 مارس 2009, 1:43 pm
- Favorite Quote: ((إن الله لا يغير ما بقوم حتى يغيروا ما بأنفسهم))
- verification: ID verified and trusted writer
- مكان: مصر
Re: جنـّ،ـوووني ! ح 5 (( يااابختك !! ))
فظييييعة يا غادة .....ما شاء الله لا قوة إلا بالله كل مرة بتبهجي قلبي بقصصك الرائعة المرحة العسولة دي إييه الجمال ده؟؟؟
والله بجد بضحك بصوت عالي وأنا قاعدة لوحدي !!جميلة يا غادة في انتظار المزيد من كوميدياك الراقية التي تبهج قلوبنا
فكري سمية تقرأ المعوذتين ..وفوقيها من الإغماء بعد ما تمشي دينا ..طبعا....!
والله بجد بضحك بصوت عالي وأنا قاعدة لوحدي !!جميلة يا غادة في انتظار المزيد من كوميدياك الراقية التي تبهج قلوبنا
فكري سمية تقرأ المعوذتين ..وفوقيها من الإغماء بعد ما تمشي دينا ..طبعا....!
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: جنـّ،ـوووني ! ح 5 (( يااابختك !! ))
ريم كتب:فظييييعة يا غادة .....ما شاء الله لا قوة إلا بالله كل مرة بتبهجي قلبي بقصصك الرائعة المرحة العسولة دي إييه الجمال ده؟؟؟
والله بجد بضحك بصوت عالي وأنا قاعدة لوحدي !!جميلة يا غادة في انتظار المزيد من كوميدياك الراقية التي تبهج قلوبنا
فكري سمية تقرأ المعوذتين ..وفوقيها من الإغماء بعد ما تمشي دينا ..طبعا....!
تعليقاتك هي اللي دايما مبهجة و مشجعة جدا
أنا سعيدة بجد إنها أضحكتك ... و في منتهى السعادة انك وصفتيها أنها ( كوميديا راقية )
و طبعا اتعودنا على بصماتك الجميلة الرقيقة : و سمية بتشكرك على تذكيرها بالمعوذتين ... هي بس اتربكت من نظرات دينا و أول مرة
تاخد بالها منها مع انهم أصحاب من زمان
و كفاية بقى ... لحسن دينا تحطنا في دماغها !
- الأمير الحائر
- مشرف قسم الروايات
- مشاركات: 859
- اشترك في: 31 أكتوبر 2008, 8:06 pm
- Real Name: وليد توفيق
- Favorite Quote: و تبقى الكلمات...
- verification: ID verified and trusted writer
Re: جنـّ،ـوووني ! ح 5 (( يااابختك !! ))
أنا شفت كلمة جزء 6 على الجزء الجديد فإستغربت لأنى فاكر إن كان جزء قمر 14 ميكانو كان الجزء الرابع ... وعشان كده عرفت إن أكيد فيه جزء خامس فاتنى وأنا غايب...وها هو ذا
الغريبة إنى فى كذا مناسبة فى الأكاديمية بعد عودتى شفت تعليقات على الحسد و وكده وحد بيجيب سيرة دينا و يقول اللهم احفظنا وأنا أقول مين دينا دى
بجد روعة كالعادة...و وصفتى عين دينا وكأنها عين نووية! بس يمكن ربطت بين الفكرة دى وبين مفارقات ساعات بتحصل مع أى شخص لما يكون بيكلم عن شئ أو شخص و فجأة! إحراج طبعا و حتى لو دى أول مرة بيبقى فيه نظرة شك غريبة.. (أهلا.. أنت منهم؟! )
بجد ياغادة مسلسل كوميدى رائع ( يا بختك ) بيه! ماشاء الله ولاقوة بالله طبعا..سلام بقى.. أروح أقرى الحلقة الجديدة
الغريبة إنى فى كذا مناسبة فى الأكاديمية بعد عودتى شفت تعليقات على الحسد و وكده وحد بيجيب سيرة دينا و يقول اللهم احفظنا وأنا أقول مين دينا دى
بجد روعة كالعادة...و وصفتى عين دينا وكأنها عين نووية! بس يمكن ربطت بين الفكرة دى وبين مفارقات ساعات بتحصل مع أى شخص لما يكون بيكلم عن شئ أو شخص و فجأة! إحراج طبعا و حتى لو دى أول مرة بيبقى فيه نظرة شك غريبة.. (أهلا.. أنت منهم؟! )
بجد ياغادة مسلسل كوميدى رائع ( يا بختك ) بيه! ماشاء الله ولاقوة بالله طبعا..سلام بقى.. أروح أقرى الحلقة الجديدة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
...:: و تبقى الكلمات ::...
...... صفحتى فى الأكاديمية ......
- Ghadat2009
- مشرفة قسم الكتابة
- مشاركات: 1481
- اشترك في: 02 فبراير 2009, 12:00 pm
- Real Name: غادة يسري
- Favorite Quote: كن جميلا ..... ترى الوجود جميلا :)
- verification: ID verified and trusted writer
- مكان: مصر الجميلة
Re: جنـّ،ـوووني ! ح 5 (( يااابختك !! ))
الأمير الحائر كتب:أنا شفت كلمة جزء 6 على الجزء الجديد فإستغربت لأنى فاكر إن كان جزء قمر 14 ميكانو كان الجزء الرابع ... وعشان كده عرفت إن أكيد فيه جزء خامس فاتنى وأنا غايب...وها هو ذا
الغريبة إنى فى كذا مناسبة فى الأكاديمية بعد عودتى شفت تعليقات على الحسد و وكده وحد بيجيب سيرة دينا و يقول اللهم احفظنا وأنا أقول مين دينا دى
بجد روعة كالعادة...و وصفتى عين دينا وكأنها عين نووية! بس يمكن ربطت بين الفكرة دى وبين مفارقات ساعات بتحصل مع أى شخص لما يكون بيكلم عن شئ أو شخص و فجأة! إحراج طبعا و حتى لو دى أول مرة بيبقى فيه نظرة شك غريبة.. (أهلا.. أنت منهم؟! )
بجد ياغادة مسلسل كوميدى رائع ( يا بختك ) بيه! ماشاء الله ولاقوة بالله طبعا..سلام بقى.. أروح أقرى الحلقة الجديدة
يا سلام ... كده بجد بتكتمل الصورة ....بمرورك الرائع دائما يا زميلي المميز
بس على فكرة ... ساعات بتبقى مش مصادفات أو ( أسباب علمية) الحسد فعلا موجود ...و الناس اللي بتبص دايما للي ف ايد غيرها للأسف الشديد موجودين برضه ! و دينا نموذج للإنسان اللي مش بيحمد ربنا غلى نعمه و دايما يقارن نفسه بغيره ....هنا طبعا فيه مبالغة لإظهار العيب الخطير ده
المشكلة بقى لو فعلا حصل حاجة سيئة و ارتبطت بوجود شخص معين ... خلاص بقت ماركة مسجلة للحسد و فعلا بيبقى موقف محرج
أنا بجد سعيدة إن الجزء ده عجبك و طبعا منتظرة جدا رأيك في الجزء الجديد إن شاء الله