عندما يناديك أحدهم يا ذووووق!!!

[hala]

عندما كنا نسير فى شوارع بلدنا الجميلة (والجميلة هى بلدنا و ليست شوارعها ) كنا نجد منتهى الاحترام من الآخرين ..منتهى الحرص على عدم ايذاء أذان المارة بما لا يليق من لفظ او تصرف ! كانت هناك مجموعة من الالفاظ المقبولة ينادى الناس بعضهم بها مثل : يا استاذ - يا حاج - يا ماما ....الخ اما الآن فهناك قاموس مختلف للشوارع : يا شقيق .. يا نجم ...يا غالى ...الخوالغريب ان كلمة يا ذوق التى كان يستخدمها العامة قد انقلبت الآن بقدرة قادر الى : يا ذووووق !! طب والنبى ده كلام!!!

[Ghadat2009]

عندما كنا نسير فى شوارع بلدنا الجميلة (والجميلة هى بلدنا و ليست شوارعها ) كنا نجد منتهى الاحترام من الآخرين ..منتهى الحرص على عدم ايذاء أذان المارة بما لا يليق من لفظ او تصرف ! كانت هناك مجموعة من الالفاظ المقبولة ينادى الناس بعضهم بها مثل : يا استاذ - يا حاج - يا ماما ....الخ اما الآن فهناك قاموس مختلف للشوارع : يا شقيق .. يا نجم ...يا غالى ...الخوالغريب ان كلمة يا ذوق التى كان يستخدمها العامة قد انقلبت الآن بقدرة قادر الى : يا ذووووق !! طب والنبى ده كلام!!!

يا سلام على المواضيع !
طبعا انتي معاكي حق لكن هنعمل ايه ؟ هل منردش عليه ؟ انا فكرت ان اللي يناديكي بشكل مش لطيف تصري تتعاملي معاه بشكل محترم يجبره على تغيير أسلوبه ! ساعات بتنفع الطريقة دى !

[hala]

يا دودو يا حبيبتى ....عندما يناديك احدهم يا ذووووق ؛ خصوصا لو كنت بنت .... فانت لا تعرفين : هل ذلك من تأثير سجاير البانجو التى زكمت رائحتها انوفنا فى كل مكان .... ام ان ثقل اللسان من تأثير الهموووم و الديووون !!!

[الأمير الحائر]

هههههه هى على اد كده بس ياهالة...ده فيه نجم وشقيق ومان الجديدة الروشة دى كمان...وألفاظ كتير بقى الواحد بيسمعها...بس بشكل أو بأخر...كل شخص لغته تدل على ثقافته...ومجتمعه المحيط بيه وبيئته...وبناءا عليه اسمعى واحكمى...وتصورى إنك بتكلمى على سلوك فى الشارع...فما بالك ياهالة لو فى ندوة أدبية أو ثقافية المفترض فيها إن كل الحضور عقليتهم ولغتهم راقية وتسمعى من الحضور ألفاظ كده...بتخرج بشكل طبيعى بتدل على بيئتهم...زى ماسمعت من مرة فى ندوة ثقافية دكتور جامعى بيتكلم بلغة ماتفرقش عن أى شخص من اللى بنتكلم عليهم هنا دول..وتسمعى ألفاظ غريبة..و أراء ومعتقدات أغرب..و طلع السيجارة فى الأخر ويقول ياجماعة لو سمحت مش قادر اصبر من غير السيجارة لازم أدخن!...وكانت مشكلة وسبب جدال...فده نموذج المفروض اننا بنتعرض ليه فى جامعاتنا وبيدرس لدفعات وأجيال كاملة كل سنة! وبينضح - علي ضعاف الشخصية منهم - بثقافته المتخلفة وبأرائه المريضة ولغته المتدنية فى الحوار...يعنى الموضوع ماعادش على قد الغير متعلمين بس لكن فى المدارس والجامعات ده غير الأفلام اللى بقت كلها درجة تالتة و قصور الثقافة اللى بقت قصور الرقص!.... فعشان كده ماتستغربيش لما تسمعى أى حاجة الأيام دى على مبدأ إذا كان رب البيت بالدف ضارب....
وبحييكى ياهالة جدا على طرح الموضوع المهم

[ابن مصر]

هاها هاهاه انا عارف الدكتور ده بس انا بصراحة مش عايز اعلق على النادوة دى مش كانت نادوة دى كانت بامية ما علينا اما بالنسبة للكلام الى طلع يمكن الى ذكر ده ارحمهم بس الى يغيظك اكتر ان دكتور محترم و تلاقى شخص و ان كان بيقوله يا كبتن و يا برنس و يا اخ و ساعات بيبقى شوية الفاظ .. يالا بس الى انا مش فاهمو ايه السبب فى انتشار هذه الالفاظ و انتشار قلة الزوق ده كان زمان و ده مش من زمان قوى لانى طبعا ما حضرتش زمان يعنى من 3 سنين كانت البنت او اى مراة او راجل كبير فى السن يركب الاوتوبيس يجد كل شاب قام من كرسيه و بيقعده دى حاجة من الحاجات اختفت يا ترى ايه السبب ايه خلاص ما عدش فى اخلاق ولا احترام و راحت فين مجدعة ولاد البلد الى كنت تمشى فى اى حتة تبقى مطمن على اختك و على امك ان فى خمسين اخ ليك يحموهم فين راح ده كله مش عارف فمش جت على الالفاظ يا هالة ..و برده موضوع جامد و جه على الجرح بجد بهنيكى على اختيارك لمواضيعك شكلك كده هتبقى تبع مجموعة هى دى مصر

[Ghadat2009]

يا دودو يا حبيبتى ....عندما يناديك احدهم يا ذووووق ؛ خصوصا لو كنت بنت .... فانت لا تعرفين : هل ذلك من تأثير سجاير البانجو التى زكمت رائحتها انوفنا فى كل مكان .... ام ان ثقل اللسان من تأثير الهموووم و الديووون !!!

يا هالة أنا بحس ان رصد السلبيات معناه الاهتمام بالتغيير ..جميل؟... لكن عشان نكون بجد ايجابيين لازم نحاول نفكر في أسباب الظاهرة وحلول نجتهد في اقتراحها علشان تكون مناقشة مجدية !يعني انت ذكرت ( المخدرات - الفقر ) كأسباب للانحدار اللغوي ده .... طيب نواجه ده ازاي ؟ ممكن بحملات توعية حقيقية عن المخدرات .. التشجيع على استخدام بعض مفردات اللغة العربية الفصحى ... حلول لرفع المستوى المعيشي و الثقافي ... و عامل مهم جدا : التصدي للأفلام التي تتناول تعاطي المخدرات بكل التفاصيل التي لا ضرورة ابدا لها - منع او حظر استخدام هذه الألفاظ السوقية في الأغاني و الأفلام و طبعا زي ما أشار وليد - اعلاء دور القدوة و عمل ورش عمل باستمرار لأعضاء هيئات التدريس و غيرهم من المتعاملين مع الشباب و الأطفال......
هل لا زال رأيي ساذج ؟ ام ان معي حق ؟

[تنهيدة]

واللهى ياهالة مواضوعاتك جميلة جدا انا عن نفسى بعانى من المشكلة ده جدا ..وبكره فعلا اللغة الغريبة الا معظم الناس بقت بتستخدمها ..الا اقلها الكلمة الا أنتى ذكرتيها ..الغريب بقة انى لم أتصرف بذوق مع الناس الناس بتستغرب ..يعنى انا مثلا مازلت متمسكة ببعض الحاجات الطبيعية جدا الا الناس كانت بتستخدمه زمان ...واللهى انا بلاقى الا قدامى استغرب جدا ويمكن كمان يعلق على كلامى ..يعنى لو رحنا لدكتور مثلا واتنزلت عن دورى لحد تعبان ألاقى حد جنبى بيقولى واللهى ده بيمثل ..ولو قلت لحد فى الشارع بعد أذن حضرتك أبص الاقى حد ييرد عليه بمنتهى السخرية ...يعنى فعلا الموضوع فيه حاجة غلط والسبب حاجات كتير وانا شايفة ان غادة ووليد ومحمد ذكره الأسباب ..وبتمنى لو حولنا فعلا حلها
بحيكى ياغادة على موضوعك المهم جداااا

[المهاجر]

اشكرك للموضوع يا زوق بس زى ما فيه موضة الملابس فيه موضة اللغة